2 Corintios 10:4 - Kashibo-Kakataibo Biblia

⁴ Usa ꞌaish cananuna ënë nëtënuaxa anun suntáru ꞌacánancë ñu anúnribi nux ꞌacanániman. Nucën Papa Diosan cushínshi cananuna axa ami nishcë unicama usai ꞌiaxma ꞌinun nëtë́miti ꞌain.

Nukën 'Ibu Diosan ain unikama 'inan ain bana

⁴ Usa 'aish cananuna ënë nëtënuaxa anun suntáru 'acánancë ñu anúnribi nux 'acanániman. Nucën Papa Diosan cushínshi cananuna axa ami nishcë unicama usai 'iaxma 'inun nëtë́miti 'ain.

2 Corintios 10:4 ပူးပေါင်းရင်းမြစ်များ

Salmos 110:2

Nukën ꞌIbun ka Jerusalénnuxunbi, axa mimi nishkë unikama. ¡Mix ꞌapu ꞌixun min ira ꞌanun mi ꞌamiaxa!

Jeremías 1:10

ꞌËn mi bërí ꞌunánmikë bana usakinbi kamina kati ꞌain. Bërí kana usakin ñukama ꞌakin anua ꞌapu ꞌikë ëmakama ꞌimainun bëtsi menu ꞌikë ëmakama, ñankáishi ꞌitánun masókin rurupakin, ꞌatima okin këñutankëxun mi, amiribishi birukin ꞌatëkënun mi kain.

Jeremías 23:29

¡Nun karanuna basikëñun trigo abëtan sënën kara kixun tupúnti ꞌain! ꞌËx kikë bana ax ka tsi rëkirukësa ꞌimainun achúshi manë taxuñunën mapara tukapakësa usaribi ꞌikën. ꞌËx min ꞌIbu ꞌaish kana ësai kin.

Hechos 7:22

Cania ca Egiptonu ꞌicë unicaman atun ꞌunáncë ñucamaribi ꞌunánmiacëxa. Usa ꞌaish sinánñuira ꞌaish ca ax aín bana ꞌimainun aín ñu ꞌacëribi upí ꞌiacëxa.

Romanos 13:12

Jesucristo utëcëncëma pan ꞌain cananuna imë́ upí oquin isíma nicësa ꞌain. Usa ꞌaíshbi cananuna ax utëcëncëbë abë ꞌaish xabánu nicësa ꞌiti ꞌain. Usaquin sinani cananuna ñu ꞌatima ꞌati ëni ami cushicë ꞌaish xabánu nicësa ꞌiti ꞌain.

Romanos 6:13

Cristonanma ꞌixun uisa ñu cara ꞌatima ꞌicë quixun ꞌunánquinbi ꞌá ꞌaíshbi camina Cristo cupí Nucën Papa Diosan uni ꞌaish usai ꞌiman. Usa ꞌaish camina mitsux Nucën Papa Diosbë ꞌitimoi bamati ꞌiá ꞌaíshbi bërí aín uni ꞌaish ax cuëëncësabi oi ꞌiti ꞌain. Usa ꞌixun camina mitsun mëcën, mitsun taë, mitsun namicama anun ñu ꞌaisama ꞌaquinma Nucën Papa Dios cuëëncë ñuishi ꞌati ꞌain.

1 Corintios 2:5

Unían aín sinanënbi sináncë banami catamëcë cupíma, asérabi aín cushían Nucën Papa Diosan sinanamicë mitsux ꞌinun quixun cana usaquin bana ñuixuan.

1 Corintios 9:7

Suntárunën ca anbi aín ñu maruima, ꞌapun cuni ca a ꞌinania. Usaribi oquin ca an ñu ꞌapácë unin an ꞌapácë ñuxa tuaia, aín bimi bixun piia. Usaribi oquin ca an vaca bërúancë unin vaca xuma bixun xëaia.

2 Corintios 10:8

Nucën ꞌIbu Jesucristonën ca aín bana mitsu ñuixunun ꞌë cacëxa, masá nuitumiquin ꞌuchoquin ñu caquinma ax quicësabi oquin ꞌanun mitsu ꞌunánminun quixun. Usoquin ꞌanuan Jesucristonënbi ꞌimicë ꞌaish cana ꞌitsa oquin mitsu caíbi rabiniman.

2 Corintios 13:10

Nucën ꞌIbu Jesucristonën, mitsu ꞌatimoquinma an iscëx upí ꞌinun ꞌaquinun ꞌë cacë ꞌixun, cana mitsu isi cuantëcënxunmashi ënë quirica mitsu buánmin, cuanxun ꞌën iscëxmi ꞌaisama ꞌicania cushin banaquin masá nuitumiquin mitsu catin rabanan.

2 Corintios 3:5

Nun cushínbi cananuna Cristo ñuiquin mitsu bana ñuixuan quixun cananuna sinaniman. Nucën Papa Diosan ꞌamicëxuinshi cananuna mitsu aín bana ñuixuan.

2 Corintios 4:7

Nun cushínbi ꞌatsínxunmabi cananuna an ꞌamicëxuinshi ax cuëëncësabi oquin ꞌati ꞌai quixuan unicaman ꞌunánun ca Jesucristo cupí Nucën Papa Diosan nux abë upí ꞌixúnu aín cushínbi ñu ꞌanun nu ꞌimia.

2 Corintios 6:7

bëtsi bana ñuiquinma, an cushiocëxuinshi aín bana ñuixunia isquin ca nux cananuna asérabi Nucën Papa Diosan uni ꞌai quixun camabi unin ꞌunánti ꞌicën. An iscëx nun nuitu upí ꞌixun cananuna racuë́quinma uni itsiribi Cristomi sinánun ꞌaquinti ꞌain. Usoquin ꞌaia ca numi manánquinbi unin ꞌunánti ꞌicën, nun cananuna ñu ꞌaisama ꞌacëma ꞌai quixun.

1 Tesalonicenses 5:8

Usa ꞌaínbi cananuna nux Nucën Papa Diosan uni ꞌaish camabi nëtën upí oquin sináncë ꞌiti ꞌain. Cristonën ca ax quicësabi oquin ꞌë ꞌaquinia quixun sinánquin cananuna ami catamëquin uni raíriribi nuibati ꞌain, ñunshin ꞌatimanëan nu ñu ꞌatima ꞌanun sinánmitima cupí. Cristomi catamëquin raíri uniribi nuibacë ꞌaish cananuna suntárunëan ꞌacánani ami catamëti cupí anun aín shican bëpánti manë chupa pañucësa ꞌain. Usai ꞌiquin, Jesucristo utëcëncëbë cana asaribi upí ꞌiti ꞌai quixun sináncë ꞌaish, cananuna axa ami nishcë unían ꞌati rabanan suntárunën aín maxcá manë mañutinën mapucësaribi ꞌain.

1 Timoteo 1:18

Timoteo, ꞌën bëchicësa ꞌicë, cana mi cain, Nucën Papa Diosan sinánmicëx ca aín unicama mi ñui quiacëxa, —Timoteonëx upí ꞌixun ca Nucën Papa Diosan bana unicama ñuixunti ꞌicën. Mi ñuia usai quicë unicaman bana sinánquin camina ami catamëquin, Jesucristo cuëëncëma ñu ꞌaquinma ꞌaisama ñu ꞌati sinánquinbi tënëquin upí ñuishi ꞌati ꞌain.

2 Timoteo 2:3

Suntárunëan upí ꞌixun aín cushían cacësabi oquin tëmëraquinbi ꞌacësaribi oquin camina mix, Jesucristonën uni ꞌixun, tëmëraquinbi an cacësabi oquin ꞌati ꞌain.

Hebreos 11:30

Judíos unicama Egiptonuax cuantancëx anu atux cuancë me anu bëbatancëxun, a mecama ꞌibuanux ca Nucën Papa Diosmi catamëti aín quicësabi oi judíos suntárucama siete nëtë, Jericó cacë ëma ratanarati cuainácëti niacëxa. Nicëbë ca Nucën Papa Diosan sinanënshi, a ëma anun cënëcë, ax rurucubuacëxa.

Josué 6:20

Usai ki Josué sënë́nkëbëtanshi ka aín carnero mancha banokankëxa. Bana oia kuatishi ka Israel suntárukamax, munuma kuënkëni sharati kikankëxa. Kikëbëshi ka ënën menma buinarakin ëma kënëarakë ax rurukubuakëxa. Usaia ꞌikëbë ami kikiani abákiani kuankin ami bëbarukin ëma ꞌibuakankëxa.