2 Corintios 10:3 - Kashibo-Kakataibo Biblia

³ Asérabi cananuna nux unishi ꞌaíshbi ënë nëtënu ꞌicë unicama ꞌicësaribiti ꞌacanániman.

Nukën 'Ibu Diosan ain unikama 'inan ain bana

³ Asérabi cananuna nux unishi 'aíshbi ënë nëtënu 'icë unicama 'icësaribiti 'acanániman.

2 Corintios 10:3 ပူးပေါင်းရင်းမြစ်များ

Romanos 7:5

Ainanma pain ꞌaish nux cuëëncësabi oi ꞌiquin cananuna, ñu ꞌatima ꞌati ca ꞌaisama ꞌicë quicë bana ꞌunánxunbi nun sinan upíma ꞌixun, usa ñu ꞌacën. Usa ñu ꞌacë ꞌaish cananuna Nucën Papa Diosbë ꞌitimoi bamati ꞌiacën.

Romanos 8:13

Axa ënë nëtënu ꞌicë ñuishi sinani aín cuëëncësa oíshi ꞌicë uni ax ca Nucën Papa Diosnanma ꞌaish abë ꞌitima ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oquin ñu ꞌatima ꞌati ëncë uni, ax cuni ainan ꞌaish Nucën Papa Diosbë ꞌiti ꞌicën.

Romanos 8:4

Nuxnu uisa ñu ꞌati cara upí ꞌicë quicë banaxa quicësabi oquin ꞌanan, nunbi ꞌatima ñu ꞌati sinánquinbi tënëquin a ꞌaíma, Nucën Papa Diosan Bëru Ñunshin Upitan sinánmicësabi oi ꞌinun ca aín Bëchicë bamanun Nucën Papa Diosan ꞌimiacëxa.

2 Corintios 1:17

¿Sinánxunmaishi carana usaquin mitsu can? Jesucristonanma unix ca —cana ꞌatima ꞌai —quixun ꞌunanibi —cana ꞌati ꞌai —quia. ¿Mitsúnmi sináncëx carana ꞌëx usa uni ꞌain?

2 Corintios 10:4

Usa ꞌaish cananuna ënë nëtënuaxa anun suntáru ꞌacánancë ñu anúnribi nux ꞌacanániman. Nucën Papa Diosan cushínshi cananuna axa ami nishcë unicama usai ꞌiaxma ꞌinun nëtë́miti ꞌain.

Gálatas 2:20

ꞌUchatëcënuxunma ashiquin ꞌën ꞌuchacama ëni cana Cristobë bamacësa ꞌain. Usa ꞌaish cana ꞌëshima, Cristo ax ꞌëbë ꞌain, aín cushínbi ax cuëëncësa oíshi ꞌin. Nucën Papa Diosan Bëchicë, axa ꞌë nuibati bamatsianxmabi ꞌën ꞌucha cupí bama, ami catamëti cana ax ꞌëbë ꞌain, ax cuëëncësabi oi ꞌin.

1 Timoteo 1:18

Timoteo, ꞌën bëchicësa ꞌicë, cana mi cain, Nucën Papa Diosan sinánmicëx ca aín unicama mi ñui quiacëxa, —Timoteonëx upí ꞌixun ca Nucën Papa Diosan bana unicama ñuixunti ꞌicën. Mi ñuia usai quicë unicaman bana sinánquin camina ami catamëquin, Jesucristo cuëëncëma ñu ꞌaquinma ꞌaisama ñu ꞌati sinánquinbi tënëquin upí ñuishi ꞌati ꞌain.

2 Timoteo 4:7

Uisa ñuishi cara ꞌicëbë tëmëraquinbi cana Nucën Papa Diosan bana ënquinma uni ñuixunquin Jesucristonëan ꞌë cacësabi oquin ꞌaquin sënë́on. Usonan cana asérabi Nucën Papa Diosmi sinánti ëníma aín bana quicësabi oi ꞌian.

Hebreos 12:1

A unicamaxa ꞌiásaribiquin ca nubë ꞌicë ꞌitsa unin tëmëraquinbi —Nucën Papa Diosan ca asérabi aín quicësabi oquin nu ꞌaquinti ꞌicë —quixun ꞌunánquin ami catamëquin ënima. Atúxa ꞌicësaribiti ꞌinuxun cananuna an nu ꞌatimaquin sinánmicë a ñucama ëanan an usabi ꞌitioquin nu ꞌatima ꞌimicë ñucamaribi ënti ꞌain. Acama ënquin cananuna bënë́quinma añu ñu ꞌën ꞌati cara Nucën Papa Dios cuëënia quixun sinánquin upí oquin ꞌati ꞌain. Cuai bëtsibë upiti abáti cupí ca unin an ië́ocë ñu nania, usaribiquin cananuna upí oquin nun ꞌati ñu ꞌanuxun, uisa ñun cara nu ꞌatimaquin sinánmia, a ënti ꞌain.