2 Corintios 10:2 - Kashibo-Kakataibo Biblia

² Usai quicëbëtanbi cana mitsu cain, mitsu isi cuanquin, ꞌën isna axa ꞌëbë nicë unibëtan, Nucën Papa Diosan sinánmicëma, nunbi sinánxun bana uni ñuixuni quixuan an nu ñuicë unicama, abë banaquin cati cana sinanin. ꞌËn mitsu isi cuanxun ñu caquin catima cupía upitishi bananun camina a unicama uisa caranuna nux ꞌai quixun upí oquin ꞌunánmiti ꞌain.

Nukën 'Ibu Diosan ain unikama 'inan ain bana

² Usai quicëbëtanbi cana mitsu cain, mitsu isi cuanquin, 'ën isna axa 'ëbë nicë unibëtan, Nucën Papa Diosan sinánmicëma, nunbi sinánxun bana uni ñuixuni quixuan an nu ñuicë unicama, abë banaquin cati cana sinanin. 'Ën mitsu isi cuanxun ñu caquin catima cupía upitishi bananun camina a unicama uisa caranuna nux 'ai quixun upí oquin 'unánmiti 'ain.

2 Corintios 10:2 ပူးပေါင်းရင်းမြစ်များ

Romanos 8:1

Usa ꞌain ca uicamax cara Cristo Jesús abë ꞌicë, acama Nucën Papa Diosan ꞌuchoima. Usa unicamax ca Cristonanma uni ꞌicësai ax cuëëncësarishi ꞌima, Nucën Papa Diosan Bëru Ñunshin Upitan sinánmicësabi oi ꞌia.

Romanos 8:4

Nuxnu uisa ñu ꞌati cara upí ꞌicë quicë banaxa quicësabi oquin ꞌanan, nunbi ꞌatima ñu ꞌati sinánquinbi tënëquin a ꞌaíma, Nucën Papa Diosan Bëru Ñunshin Upitan sinánmicësabi oi ꞌinun ca aín Bëchicë bamanun Nucën Papa Diosan ꞌimiacëxa.

Romanos 8:5

An Jesucristomi sinánquinma aín cuëëncësa oquinshi ꞌati sináncë unin ca ënë nëtënu ꞌicë ñuishi ꞌati sinania. Usa ꞌaínbi ca axa Jesucristomi sináncë unin Nucën Papa Diosan Bëru Ñunshin Upitan sinánmicë ꞌixun an sinánmicësabi oíshi ꞌiti sinania.

2 Corintios 1:17

¿Sinánxunmaishi carana usaquin mitsu can? Jesucristonanma unix ca —cana ꞌatima ꞌai —quixun ꞌunanibi —cana ꞌati ꞌai —quia. ¿Mitsúnmi sináncëx carana ꞌëx usa uni ꞌain?

2 Corintios 11:21

Nux cushima ꞌixun cananuna mitsu usoquin ꞌacëma ꞌai quixun sapi camina sináncanin. Uni sinánñuma banacësa ꞌaíshbi cana a unicama rabiacacësaribi oi ꞌëx rabiacati ꞌain.

2 Corintios 13:10

Nucën ꞌIbu Jesucristonën, mitsu ꞌatimoquinma an iscëx upí ꞌinun ꞌaquinun ꞌë cacë ꞌixun, cana mitsu isi cuantëcënxunmashi ënë quirica mitsu buánmin, cuanxun ꞌën iscëxmi ꞌaisama ꞌicania cushin banaquin masá nuitumiquin mitsu catin rabanan.

2 Corintios 13:2

Mitsu isi cuanx anu ꞌixun cana mitsu can, ꞌën mitsu istëcëni uxun iscë́xa an ñu ꞌatima ꞌacë unicama ꞌimainun raíri uníxribi sinanatíma usabi ꞌain, cana atu ꞌësëquin cushin cati ꞌain. Usoquin ꞌën mitsu cacësabi oquin cana ꞌura ꞌixunbi ënë quiricanën mitsu catëcënin.