2 Corintios 10:14 - Kashibo-Kakataibo Biblia

¹⁴ Nunbi sináncë cupíma, Nucën Papa Diosan nu mëníoxuncë cupíshi, cananuna mitsun ëmanu cuanxun aín banami ꞌunánun mitsu ñuixuan. Nucën Papa Diosan mëníosabi oquin cananuna nun pain mitsu Cristo ñuiquin bana ñuixuancën.

Nukën 'Ibu Diosan ain unikama 'inan ain bana

¹⁴ Nunbi sináncë cupíma, Nucën Papa Diosan nu mëníoxuncë cupíshi, cananuna mitsun ëmanu cuanxun aín banami 'unánun mitsu ñuixuan. Nucën Papa Diosan mëníosabi oquin cananuna nun pain mitsu Cristo ñuiquin bana ñuixuancën.

2 Corintios 10:14 ပူးပေါင်းရင်းမြစ်များ

Marcos 1:1

Ënëx ca upí bana, Nucën Papa Diosan Bëchicë, Jesucristo, a ñui uisai cara axa uti ꞌiacëxa quiax quicë ꞌicën.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Romanos 1:16

ꞌËx cana ënë bana unicama ñuixuni rabiniman. Axa a bana quicësabi oi Jesucristomi catamëcë uni a ca Nucën Papa Diosan aín cushínbi ainan ꞌinun ië́mia. Judíos unicama pain ñuixuntancëxun cana judíosma unicamaribi a bana ñuixunin.

Romanos 16:25

Cananuna Nucën Papa Dios asérabi rabiti ꞌain. Mitsux ainan ꞌaish Jesucristomi catamëtia ca an mitsu upíira upiti ami sinánun mitsu cushioti ꞌicën. Usoquin ca ꞌati ꞌicë quixun ca aín unicaman mitsu ꞌunánmiaxa. ꞌËnribi cana usoquin unicama ñuixunin. Ënë mecama uniocëma pain ꞌixun ca Nucën Papa Diosan, usai ca Jesucristo ꞌiti ꞌicë quixun sináncëxa. A ñucama unin ꞌunánma ꞌaínbi ca bërí Jesucristo ucë cupí unin ꞌunánti ꞌicën.

1 Corintios 2:10

Nucën Papa Diosan mëníocëxun ca unin ꞌunáncëbëtanmabi aín Bëru Ñunshin Upitan nu ꞌunánmiaxa. An ca camabi ñucama ꞌunania, Nucën Papa Diosan sináncë ñucamaribi ca ꞌunania.

1 Corintios 3:10

An xubu ꞌati ꞌunáncë unin ca itá upí pain caístancëxun nitsinia. Usaribi oquin cana ꞌën pain mitsu Jesucristomi catamënun ꞌunánmiacën. Usa ꞌain ca uni itsían, ami xubu ꞌati nitsíncë itámia unin i purucësa ꞌitánun mitsu Cristomi catamënun bana ñuixunquin mitsu ꞌunánmia. Usa ꞌain ca uicaman cara mitsu ꞌunánmia an Jesucristo cuëëncësabi oquinshi mitsu ꞌunánminux, bëtsi bana mitsu ñuixunti rabanan bërúancati ꞌicën.

1 Corintios 4:15

ꞌItsa unin Cristo ñuiquin mitsu ñuixununbi cana ꞌën pain Jesucristo mitsu ñuixuancën. ꞌËn ñuixuncëxun cuati camina ami catamëacën. Usa ꞌain cana ꞌëxëshi mitsun papasa ꞌain.

2 Corintios 2:12

Troas ëmanuxun Cristo ñuiquin bana ñuixunux bëbatancëxun, ax cuëëncësabi oquin ꞌën ñuixuncëxun cuati ca unicama cuëëanxa.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Colosenses 1:5

Nucën Papa Diosan mëníosabi oi aín nëtënu abë ꞌiti sinani camina usai ꞌicanin. Jesucristomi catamëti aín ꞌuchacama tërë́ncë ꞌaish ca uni ainan ꞌaish xënibua ꞌaínbi Nucën Papa Diosbë ꞌiti ꞌicë quixuan aín unin mitsu ñuixuncëxun camina a bana cuaquin upí oquin ꞌunáncan.

1 Timoteo 1:11

Axa usa ñu ꞌati ca ꞌaisama ꞌicë quicë bana, usaribiti ca Jesucristo ñui quicë bana, a uni ñuixunuan Nucën Papa Diosan ꞌë caíscë, ax quia.