2 Corintios 10:10 - Kashibo-Kakataibo Biblia

¹⁰ Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

Nukën 'Ibu Diosan ain unikama 'inan ain bana

¹⁰ Uni raírinëx caísa quia, 'ën quiricanu cuënëocë bana ax cushi 'aínbi isana 'ëx mitsubë 'aish cushima 'ianan 'ëx quicësa oquin unin 'aisama 'ai quiax.

2 Corintios 10:10 ပူးပေါင်းရင်းမြစ်များ

Éxodo 4:10

—¡Uisati kaina ꞌë usakin kai ꞌën ꞌIbu! —Kixun ka Moisésnën Dios kakëxa—. ꞌËx banati ka tëira ꞌikën, ꞌëx usai banakë ax ka bëríra usai ꞌëx banakëma ꞌikën, usa ꞌain ka, an mi ñu mëëxunti ënëx bëríra usai ꞌiama ꞌaish usaibi banaia. Usa ꞌain kana ꞌëx banaibi upiti banatima ꞌain.

Jeremías 1:6

Ësakin kakëxun ꞌënribi kan: ¡ꞌËn ꞌIbu Dios! ¡ꞌËx bëná pain ꞌixun uisai banati kara abi ꞌunaniman!

1 Corintios 1:17

Cristonën ca uni nashiminun ꞌë cáma ꞌicën. Uni aín ꞌuchacama tërë́ncë ꞌaish Nucën Papa Diosnan ꞌinun ië́minux ca Cristo i curúsocënu bamacëxa quixun camabi uni canun ca Cristonën ꞌë ꞌimiacëxa. An quirica ꞌunáncë unicamaxa quicësai unin cuaisama banan banaquinma unin cuaisabi oquin, upí oquin aín bana ñuixunun ca ꞌë cacëxa.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

2 Corintios 10:1

ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

2 Corintios 10:11

Axa usai quicë unin ca ꞌunánti ꞌicën, ꞌuránxun quiricanën cacësa usaribi oquin cananuna mitsubë ꞌixun mitsu cati ꞌain. ꞌAnan cananuna quiricanu nun mitsu cacësabi oquin ꞌati ꞌain.

2 Corintios 10:9

Racuë́oti cupí cana mitsu quirica buánmi quixunmi sináncanti cana cuëëniman.

2 Corintios 11:21

Nux cushima ꞌixun cananuna mitsu usoquin ꞌacëma ꞌai quixun sapi camina sináncanin. Uni sinánñuma banacësa ꞌaíshbi cana a unicama rabiacacësaribi oi ꞌëx rabiacati ꞌain.

2 Corintios 11:6

ꞌËx upíira upiti banati ꞌunáncë ꞌixunmabi ꞌën ñuicë bana ax ca asérabi ꞌicën, nun mitsu ñuixuncë banacama quicësabi oi ꞌia camina nu iscan.

2 Corintios 13:3

Mitsun camina upí oquin ꞌunántisa tan, carana Cristonën sinánmicësabi oquin unicama bana ñuixuni quixun. ꞌËx mitsu isi amiribishi cuanxun, an ñu ꞌaisama ꞌacë unicama cushin cacëbëtan, camina ꞌunánti ꞌain, Cristo ax ca asérabi ꞌëbë ꞌicë quixun. Cristo ax ca cushiñúmama ꞌicën. Usa ꞌixun ca mitsu sinanamianan ami catamëtími upí ꞌinun ꞌimiquin, aín cushi mitsu ismiti ꞌicën.