2 Corintios 10:1 - Kashibo-Kakataibo Biblia

¹ ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

Nukën 'Ibu Diosan ain unikama 'inan ain bana

¹ 'Ëx Pablo 'icë Cristonën sinánmicëxun an 'acësaribi oquin mitsu nuibaquin upí oquin cati cana cuëënin. Uni raírinëx caísa quia, 'ëx mitsubë 'aish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

2 Corintios 10:1 ပူးပေါင်းရင်းမြစ်များ

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Mateo 11:29

Mitsúxmi cuëënia cana uisari caramina upí ꞌiti ꞌai quixun mitsu ꞌunánmiti ꞌain. Ñu caquinma cana tëmëraquinmami ꞌati sënë́inshi ꞌëx cuëëncësabi oi ꞌinun mitsu ꞌimiti ꞌain. ꞌImixun ꞌën ꞌaquincëx camina upí oquin sinani chuámashirua tani cuëënti ꞌain.

Mateo 21:5

Sión cacë ëma, anu ꞌicë unicama camina cati ꞌain: Bërí ca mitsun ꞌapu aia, uni chacama ꞌicësaríma ca burro xanun tuánu tsotax aia.

Hechos 8:32

Usaquian cacëx ꞌiruax abë tsóxun Felipenën iscëx ca a unían ꞌacë banax ësai quicë ꞌiacëxa: Unían ꞌanuxun buáncëxbi ca carnero banaima. Carnero ꞌicësaribiti ca unin ꞌanuxun buáncëx ax banacëma ꞌicën. Aín rani unin tëacëxbi ca carnero banaima. Carnero ꞌicësaribiti ca ax banacëma ꞌicën.

Romanos 10:20

Nucën Papa Diosan ca —judíosma unibunëx ca ꞌëmi sinánti ꞌicë —quixun ꞌunánquin Isaías ësaquin cuënëomiacëxa: Ax ꞌëmi sinánma unínbi ca ꞌë ꞌunánxa. ꞌËnan ꞌinuxuan an ꞌë ñucáma unibi cana ꞌëmi catamënun sinánmian.

Romanos 12:1

Usa ꞌain cana ësaquin mitsu cain, ꞌën xucë́antu. Nucën Papa Diosan mitsu nuibaquin ainan ꞌinun caíscë ꞌixun camina ꞌatima ñu ꞌaquinma asérabi ax cuëëncësabi oquinshi ꞌanan, ainanshi ꞌiti ꞌain. Mitsúxmi usa ꞌiti ca Nucën Papa Dios cuëënia.

Romanos 15:15

Usai camina mitsux ꞌi quixun ꞌunánquinbi cana mitsúxmi manúti rabanan ënë ñucama upí oquin mitsu cuënëoxunin. Nucën Papa Diosan ca ꞌë nuibaquin,

1 Corintios 2:3

Mitsubë ꞌëx ꞌain ca ꞌën nami ꞌaisama ꞌiaxa. Mitsúnmi ꞌën bana cuaisamasa sinani cana racuëti bërëan.

1 Corintios 4:10

Cristonën cacësabi oquin ꞌacë cupí mitsun iscëx nux ñuumara ꞌimainun camina mitsux aín bana ꞌunáncë ꞌain. Mitsun sináncëxa nun bana racuëti banacësa, ꞌimainun ca mitsun bana cushi ꞌicën. Usa ꞌicë nu timaquin nu ñuianan ca mitsuishi unin nuiia.

1 Corintios 4:21

¿ꞌËn mitsu ñu cai cuanti caramina cuëënin? ¿ꞌËn ñu caquinma mitsu nuibaquin upí oquinshi cai cuanti caramina cuëënin?

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

2 Corintios 10:2

Usai quicëbëtanbi cana mitsu cain, mitsu isi cuanquin, ꞌën isna axa ꞌëbë nicë unibëtan, Nucën Papa Diosan sinánmicëma, nunbi sinánxun bana uni ñuixuni quixuan an nu ñuicë unicama, abë banaquin cati cana sinanin. ꞌËn mitsu isi cuanxun ñu caquin catima cupía upitishi bananun camina a unicama uisa caranuna nux ꞌai quixun upí oquin ꞌunánmiti ꞌain.

2 Corintios 10:7

Mitsun camina uisaira caranuna nux ꞌai quixun isti ꞌain. Asérabi camina Cristonan ꞌai quixun sinánquin camina ꞌunánti ꞌain, nuxribi cananuna Cristonan ꞌai quixun.

2 Corintios 11:21

Nux cushima ꞌixun cananuna mitsu usoquin ꞌacëma ꞌai quixun sapi camina sináncanin. Uni sinánñuma banacësa ꞌaíshbi cana a unicama rabiacacësaribi oi ꞌëx rabiacati ꞌain.

2 Corintios 11:30

ꞌËx rabiacátisa tani cana —ꞌënbi sinánxun ñu ꞌatima ꞌicëbi ca Nucën Papa Diosan ꞌë ꞌaquianxa —quixun sinánquin a rabi rabiacáti ꞌain.

2 Corintios 12:5

ꞌËxbi ënë ñu ñui rabiacátisa ꞌaíshbi cana ꞌëxbi rabiacatiman. ꞌËnbi sinánxun ñu ꞌatima ꞌicëbi ca Nucën Papa Diosan ꞌë ꞌaquianxa quixuinshi sinani cana rabiacatin.

2 Corintios 3:12

Cristo ñui quicë banaxa nëtë́timoi upí ꞌain, usai ꞌi ami catamëtia ca uni upí ꞌiti nëtëtima quixun asérabi ꞌunánquin cananuna rabínquinma unicama ñuixunin.

2 Corintios 5:20

Nux Cristonën ꞌimicë ꞌixun cananuna an sinánmicësabi oquin mitsu ësaquin cain, Nucën Papa Dios anbia mitsu cacësa ꞌinun: Nucën Papa Diosbë upí ꞌinux camina min ꞌuchacama tërë́ncë ꞌinun Jesucristomi catamëti ꞌain.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

2 Corintios 7:4

Mitsun camina upí oquin ꞌai quixun sinani cana cuëënin. Usa ꞌaish cana, nux tëmëraquinbi mitsun upí oquin ꞌaia cuati, chuámarua tani cuëënin.

Gálatas 4:13

Camina ꞌunanin, ꞌën nami ꞌaisama ꞌixun cana bëtsi menu cuanti sinánquinbi anuxuinshi Jesucristo ñuiquin mitsu bana ñuixuntabaquin ñuixuancën.

Gálatas 5:2

Pablo ꞌixun ꞌën mitsu camainun ca cuat, Nucën Papa Diosnan ꞌinux cana judíos unicama ꞌicësai ꞌunántioracati ꞌai quixun sinanibi camina Cristomi catamëcëma ꞌaish Nucën Papa Diosnan ꞌitima ꞌain.

Efesios 3:1

Mitsúxmi judíosma uni ꞌaíshbi Cristo Jesúsmi sinánun aín bana mitsu ñuixuncë cupí cana ꞌëx, Pablo ꞌaish, sipuacë ꞌain. Usa ꞌixun cana mitsu Nucën Papa Dios ñucáxunin.

Efesios 4:1

Usa ꞌain cana ꞌëx ainan ꞌixun Nucën ꞌIbu Jesucristo ñuiquin bana ñuixuncë cupí sipuacë ꞌixun mitsu cain, an caíscë aín unicamaxa usai ꞌiti oquian Nucën Papa Diosan mënóisabi oi camina ax cuëëncësabi oíshi ꞌiti ꞌain.

Filipenses 4:5

Uisa ñu cara ꞌicëbëbi nishímami upí sinánñu ꞌicëa camabi unin mitsu isti cana cuëënin. Nucën ꞌIbu Jesús anun utëcënti nëtë ca ꞌuramatia.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

2 Tesalonicenses 3:17

ꞌËx Pablo ꞌixun cana ꞌën mëcënanbi cuënëoquin bërúanxmi ꞌicanun quixun mitsu cain. Ënë isquin camina ꞌunánti ꞌain, ënëx ca Pablonëan cuënëocë ꞌicë quixun. Ësoquinshi cana cuënëoin.

Filemón 1:19

ꞌËx Pablo ꞌixun cana ꞌën mëcënanbi cuënëoquin mi cain, ꞌën Jesucristo ñuiquin cacë cupí ainan ꞌixunmi min ꞌë cupíoti asábi ꞌaínbi cana Onésimonëan mi ribíncë a mi cupíoti ꞌain.

Filemón 1:9

Usa ꞌaínbi cana —ꞌë nuibaquinshi camina ëx cuëëncësabi oquin ꞌati ꞌai —quixun sinánquin mi cain. ꞌËx cana Pablo, caniacëcë uni ꞌaish, Cristo ñuiquin uni bana ñuixuncë cupí sipuacë ꞌain.

1 Pedro 2:11

ꞌËn nuibacë xucë́antu, cana mitsu cain, Nucën Papa Dios mitsun ꞌApu ꞌain ca aín nëtëx mitsunanribi ꞌicën. Usa ꞌain camina ënë menu ꞌaish unia aín menumabi ꞌicësaribi ꞌain. Usa ꞌaish camina anbia ꞌatimaquin sináncë cupía ꞌatima ñu ꞌacë uníxa ꞌicësaribiti ꞌitima ꞌain. Usa unix ca Nucën Papa Diosbë upí ꞌima.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.