2 Corintios 1:4 - Kashibo-Kakataibo Biblia

⁴ Uisa ñu cara ꞌia ꞌicëbënu a cupí tëmërai masá nuitutiabi ca Nucën Papa Diosan upí oquinu sinánun nu ꞌimia. An nu usaquin ꞌimicë cupí cananuna bëtsi uni nux ꞌicësaribitia tëmërai masá nuitutiabi, ꞌë ꞌaquincësaribi oquin ca Nucën Papa Diosan mi ꞌaquinti ꞌicë quixun caquin ꞌaquinti ꞌain. Usaquinu uni itsi ꞌaquinun ca Nucën Papa Diosan nuxnu masá nuitutiabi upí oquinu sinánun nu ꞌimia.

Nukën 'Ibu Diosan ain unikama 'inan ain bana

⁴ Uisa ñu cara 'ia 'icëbënu a cupí tëmërai masá nuitutiabi ca Nucën Papa Diosan upí oquinu sinánun nu 'imia. An nu usaquin 'imicë cupí cananuna bëtsi uni nux 'icësaribitia tëmërai masá nuitutiabi, 'ë 'aquincësaribi oquin ca Nucën Papa Diosan mi 'aquinti 'icë quixun caquin 'aquinti 'ain. Usaquinu uni itsi 'aquinun ca Nucën Papa Diosan nuxnu masá nuitutiabi upí oquinu sinánun nu 'imia.

2 Corintios 1:4 ပူးပေါင်းရင်းမြစ်များ

Salmos 32:5

ꞌAínbi kana ꞌën ꞌakë ñukama këñun ꞌën ꞌuchakama mimi unpukinmaira chikinaxuankën; ꞌën ꞌuchakama mi chikinaxunti sinánkin kana usakin ꞌakën, ꞌaia kamina mix ꞌËn ꞌIbu ꞌixun ꞌën ꞌakë ꞌuchakama ꞌë mëníoxuakën.

Salmos 32:7

Min kamina mimi katamëkëxun: ꞌaisama ñu inutiabi ꞌakianan ꞌë bërúain, usa ꞌain kana ꞌëmi ië́mikin ꞌakinkëx kuëëni munuma kantakin mi rabiti ꞌain.

Salmos 66:16

¡Kamabi an Dios rabikë, mikamax kamina rikuatsinti ꞌain! Rikuatsinxun kamina usakian an ꞌë ñu ꞌaxunkëkama ñuixumainun kuati ꞌain.

Isaías 40:1

Mitsun Dios ax ka ësai kiaxa: “ꞌËn unikama kamina kuëëntanun nuibakin ꞌakinti ꞌain;

Isaías 49:10

Usakin ꞌai kamina mitsun piti ñu ꞌitsaira ꞌianan a shimakin xëati ꞌumpax upíñu ꞌiti ꞌain, ꞌianan kamina barin xarokëxun tani masátima ꞌain, ꞌën kana nuibakin bërúain usa ꞌain, usa ꞌain kana ꞌumpax upíbu manámi ki chikíkë anu buánti ꞌain.

Isaías 52:9

¡Jerusalén na masókan anu tsókë, unikama mitsux kamina kana ñusmo kiax kuëënkanti ꞌain, Nukën ꞌIbun ka Jerusalénnu ꞌikë aín unikama nuibaxa, usakin ꞌakin ka aín unikama nuibakin chikíanxa! (Ënëx ka Jesucristo ñui kikë bana ꞌikën.)

Juan 14:16

Usaquinmi ꞌacëbëtan cana an mitsu ꞌaquinti a mitsubëa ꞌinun xunun Nucën Papa Dios ñucáti ꞌain, axa xënibua ꞌaínbi mitsubë ꞌinun.

Juan 14:18

ꞌËn cana mitsu ꞌibuñumoima, cana mitsunu utëcënin.

Juan 14:26

Usa ꞌaínbi ca Nucën Papa Diosan ꞌë cupíshi aín Bëru Ñunshin Upí, an uni ꞌaquinti, xuti ꞌicën. Xucëxun ca an camabi ñu ꞌunánmianan ꞌën ñuixuncë banacama manutimoquin mitsu sinánmiti ꞌicën.

2 Corintios 7:13

Usa ꞌain cananuna acama sinani masá nuitutíma chuámarua tani cuëëan. ꞌIanan cananuna Titóxribia usaími ꞌicancë bana ñui cuëënia isi cuëëinra cuëëan. Mitsun camina Tito chuámarua tanquian upí oquin sinánun ꞌimian.

2 Corintios 7:4

Mitsun camina upí oquin ꞌai quixun sinani cana cuëënin. Usa ꞌaish cana, nux tëmëraquinbi mitsun upí oquin ꞌaia cuati, chuámarua tani cuëënin.

Filipenses 1:14

ꞌËx usai ꞌia ꞌunáncë cupí ca axa Cristomi catamëcë uni aín patsanën, atun ꞌacësamaira oquin Jesucristomi catamëquin, racuë́quinma Nucën Papa Diosan bana uni ñuixunia.

1 Tesalonicenses 4:18

Usa ꞌain camina ënë bana, abëmi ꞌicë unicamabë masá nuituaxma ꞌinun quixun ñuixuni, sinánmiananti ꞌain.

1 Tesalonicenses 5:11

Ënë ñucama sinani camina ami catamëti Jesucristomi cushicë ꞌinux upiti bëtsibë bëtsibë sinánmiananti ꞌain, mitsúxmi ꞌicësabi oi.

Hebreos 12:12

Usa ꞌain camina tëmëraibi masá nuituquinma upí oquin sinani ami cushi Cristomi catamëti ꞌain.