2 Corintios 1:23 - Kashibo-Kakataibo Biblia

²³ Nucën Papa Diosan ca ꞌën nuitu mëu ꞌën ësaquin sináncë ꞌunania, mitsu nuibaquin mitsúxmi upí ꞌicë isti cuëëni cana mitsu isi cuanti sinanibi cuancëma pain ꞌain. Nucën Papa Diosan ca ꞌunania, usa ca quixun.

Nukën 'Ibu Diosan ain unikama 'inan ain bana

²³ Nucën Papa Diosan ca 'ën nuitu mëu 'ën ësaquin sináncë 'unania, mitsu nuibaquin mitsúxmi upí 'icë isti cuëëni cana mitsu isi cuanti sinanibi cuancëma pain 'ain. Nucën Papa Diosan ca 'unania, usa ca quixun.

2 Corintios 1:23 ပူးပေါင်းရင်းမြစ်များ

Hechos 18:1

Areópago cacë matánuxun bana ñuixuntancëx ca Pablo Atenas ëmanuax Corinto ëmanu cuancëxa.

Hechos 18:8

Usa ꞌain ca anua judíos unicama timë́ti xubunu ꞌicë ꞌapu, Crispo, abë aín xubunu ꞌicë aín aintsi ꞌibucamaxribi ami sinani Nucën ꞌIbu Jesúsmi catamëacëxa. Usai ꞌimainun ca Pablonëan bana ñuixunia cuati, ꞌaisamaira Corintonu ꞌicë unicamaxribi ami sinani Nucën ꞌIbu Jesúsmi catamëti nashimicë ꞌiacëxa.

Romanos 1:9

ꞌËn cana Nucën Papa Dios cuëëncësabi oquin chiquíshquinma aín Bëchicë ñuiquin unicama bana ñuixunin. An ca ꞌunania, ꞌën cana abë banaquin nëtë camabi mitsu ñucáxunin.

Romanos 9:1

Cristonan ꞌixun cana cëmëquinma ënë banaribi mitsu cain. Nucën Papa Diosan Bëru Ñunshin Upitan ꞌë ꞌunánmicëxun cana ꞌën nuitu mëu ꞌunanin, ꞌën mitsu bërí caisa tancë bana ënëx ca asérabi ꞌicë quixun.

1 Corintios 4:21

¿ꞌËn mitsu ñu cai cuanti caramina cuëënin? ¿ꞌËn ñu caquinma mitsu nuibaquin upí oquinshi cai cuanti caramina cuëënin?

1 Corintios 5:5

Timë́xun camina a uni ñunshin ꞌatimanën ꞌapun uisoquin cara ꞌati ꞌicë usoquian ꞌanun ënti ꞌain. Usaquian ꞌacë́xa sinanacë ca a uni bamacëbi aín bëru ñunshin Nucën ꞌIbu Jesusan utëcënquin upí isti ꞌicën.

2 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin ca Jesucristonën ꞌën a ñuiquin aín bana uni ñuixunun ꞌë caísacëxa. An caísa ꞌixun cana Timoteobëtan mitsu quirica buánmin. Axribi Jesúsmi catamëcë ꞌaish ca nun xucën ꞌicën. Mitsúxmi Corinto ëmanu ꞌicë axa Jesucristomi catamëcë unicama ꞌimainun Acaya menu ꞌicëcama axa Jesucristo cupí Nucën Papa Diosan iscëx upí ꞌicë, micama cananuna ënë quirica buánmin.

2 Corintios 1:18

Usama cananuna nux ꞌain. Nucën Papa Diosan ca ꞌunania, nux —cananuna cuanti ꞌai —quiquin cananuna —asérabi cananuna cuanti ꞌai —quixun sinan.

2 Corintios 10:2

Usai quicëbëtanbi cana mitsu cain, mitsu isi cuanquin, ꞌën isna axa ꞌëbë nicë unibëtan, Nucën Papa Diosan sinánmicëma, nunbi sinánxun bana uni ñuixuni quixuan an nu ñuicë unicama, abë banaquin cati cana sinanin. ꞌËn mitsu isi cuanxun ñu caquin catima cupía upitishi bananun camina a unicama uisa caranuna nux ꞌai quixun upí oquin ꞌunánmiti ꞌain.

2 Corintios 11:10

Cristonan ꞌaish cëmëquinma cana mitsu cain, Acaya menu ꞌicë unicamaxa atúinsa ꞌë ñu ꞌinánxa quitin rabanan cana a ñubi bitima ꞌain.

2 Corintios 11:11

¿Uisacatsi carana usai banain? Mitsun sapi camina sinanin, ꞌën cana mitsu nuibatima quixun. Nucën Papa Diosan ca uisaira oquin carana ꞌën mitsu nuibati quixun ꞌunania.

2 Corintios 11:31

ꞌËn mi cacë ax ca cëmëma ꞌicë quixun ca Nucën Papa Diosan ꞌunania. Ax ca Nucën ꞌIbu Jesucristo aín Dios ꞌaish aín Paparibi ꞌicën, a ca camabi unin nëtë́timoquin rabiti ꞌicën.

2 Corintios 12:20

ꞌËn mitsu isi cuanxun iscëxbi sapi camina ꞌën sináncësama ꞌicanti ꞌai quixun cana sinanin, ꞌëxribi mitsun sináncësama ꞌimainun. Usa ꞌixun cana sinanin, mitsux sapi camina nutsi cuamianani cuëbicananan, bëtsibë bëtsibë nishánancë ꞌianan, bëtsimi manáncë ꞌianan, minainshi ñu ꞌati sinánan bëtsi unibë ñuianancë ꞌianan, rabiacaquin upí oquin sináncëma uni ꞌain.

2 Corintios 13:10

Nucën ꞌIbu Jesucristonën, mitsu ꞌatimoquinma an iscëx upí ꞌinun ꞌaquinun ꞌë cacë ꞌixun, cana mitsu isi cuantëcënxunmashi ënë quirica mitsu buánmin, cuanxun ꞌën iscëxmi ꞌaisama ꞌicania cushin banaquin masá nuitumiquin mitsu catin rabanan.

2 Corintios 13:2

Mitsu isi cuanx anu ꞌixun cana mitsu can, ꞌën mitsu istëcëni uxun iscë́xa an ñu ꞌatima ꞌacë unicama ꞌimainun raíri uníxribi sinanatíma usabi ꞌain, cana atu ꞌësëquin cushin cati ꞌain. Usoquin ꞌën mitsu cacësabi oquin cana ꞌura ꞌixunbi ënë quiricanën mitsu catëcënin.

2 Corintios 6:6

Usa ꞌixun ñu ꞌaisama ꞌati sinánquinma Nucën Papa Diosan bana ꞌunáncë ꞌixun ami nishíma unibë asérabi upí ꞌianan Nucën Papa Diosan Bëru Ñunshin Upitan sinánmicë ꞌianan, paránquinma asérabi uni nuibanan

Gálatas 1:20

ꞌËn a cuënëoquin mitsu cacë bana ënëx ca cëmëma ꞌicë quixun ca Nucën Papa Diosan ꞌunania.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

1 Tesalonicenses 2:5

Mitsúnbi camina ꞌunanin, uisa ꞌaíshbi cananuna mitsúnmi nux cuëëncësa oquin nu ñu ꞌaxúnun quixun sinani cëmëi banacëma ꞌain. Mitsun curíqui binuxun cananuna mitsu paráncëma ꞌain. Nucën Papa Diosanbi ca usai ꞌia nu isaxa.

1 Timoteo 1:20

Usai ca Himeneo ꞌimainun Alejandro ꞌiaxa. A uni rabë́ cana Nucën Papa Dios ñui ꞌatimati banatëcënunma ñunshin ꞌatimanën ꞌapu Satanasnëan tëmëraminun ëan.