2 Corintios 1:22 - Kashibo-Kakataibo Biblia

²² Nux ainan ꞌaish cananuna xënibua ꞌaínbi abë ꞌiti ꞌai quixunu ꞌunánun ca Nucën Papa Diosan aín Bëru Ñunshin Upí nubëa ꞌinun nu ꞌináncëxa.

Nukën 'Ibu Diosan ain unikama 'inan ain bana

²² Nux ainan 'aish cananuna xënibua 'aínbi abë 'iti 'ai quixunu 'unánun ca Nucën Papa Diosan aín Bëru Ñunshin Upí nubëa 'inun nu 'ináncëxa.

2 Corintios 1:22 ပူးပေါင်းရင်းမြစ်များ

Juan 3:33

Usa ꞌaínbi ca axa aín bana cuati ami catamëcë uni, an —Nucën Papa Diosan banax ca asérabi ꞌicë —quixun sinánan —ca usa ꞌicë —quixun unicama ñuixunia.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Romanos 4:11

Nucën Papa Diosan ca Abraham ami catamëtia an upí iscë cupía ꞌunántioracanun cacëxa. Usaquian Nucën Papa Diosan Abraham cá cupí cananuna ꞌunanin, judíosma unicamax ca judíos unibu ꞌicësaribiti, ꞌunántioracacëma ꞌaíshbi Nucën Papa Diosmi catamëcë ꞌaish Abrahamnën rëbúnquisa ꞌicë quixun.

Romanos 8:23

Camabi ñun a Nucën Papa Diosan ióotëcënun caínmainun cananuna nunribi Nucën Papa Diosan nu ióotëcënun bënë́quin cainin. Nucën Papa Diosan nu aín Bëru Ñunshin Upí nubë ꞌinun ꞌináncë ꞌain cananuna ꞌunanin, an ca asérabi camabi aín bana quicësabi oquin nu ꞌimiti ꞌicë quixun. Usaquin ꞌunánquin cananuna nun aín bëchicë ꞌaish aín nëtënu bëtsi namiñu ꞌiti cainin.

Romanos 8:9

Usa ꞌaínbi camina mitsux usama ꞌain. Nucën Papa Diosan Bëru Ñunshin Upí mitsubë ꞌain camina an ënë nëtënu ꞌicë ñuishi sináncë unin sináncësa oquin sinánquinma, Nucën Papa Diosan Bëru Ñunshin Upitan sinánmicësabi oquinshi sinanin. Uicamax cara aín Bëru Ñunshin Upíñuma ꞌicë, acamax ca Cristonanma ꞌicën.

2 Corintios 5:5

Usaínu ꞌinúan an nu ꞌimicë ax ca Nucën Papa Dios ꞌicën. An ca, usai cananuna ꞌiti ꞌai quixúnu ꞌunánun aín Bëru Ñunshin Upí nubëa ꞌinun nu ꞌináncëxa.

Efesios 4:30

ꞌAtimati banaquin camina Nucën Papa Diosan Bëru Ñunshin Upí masá nuitumiquin rabínmitima ꞌain. Axa mibë ꞌinun ꞌinánquin ca Nucën Papa Diosan mitsu ainan ꞌinun ꞌunántioxa, Jesucristo utëcëncëbëmi aín nëtënu abë ꞌiti oquin.

1 Tesalonicenses 4:8

Usa ꞌain ca, ui unin cara nun mitsu ꞌunánmicë banacama ënë cuaisama tania an, unin banama, Nucën Papa Dios, an aín Bëru Ñunshin Upí nu ꞌináncë, aín bana timaia.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.

Apocalipsis 2:17

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma unicama cana anúan masá nuitutíma upitax ꞌiti a ꞌinánti ꞌain. Bëráma Nucën Papa Diosan camabi nëtën maná cacë piti judíos unicama ꞌinánsaribi oquin cana maná, ꞌën nëtënu unëcë, a unicama ꞌinánti ꞌain. ꞌInánan cana maxax uxua, a unicama achúshi achúshi, anu aín anë itsi cuënëocë, a ꞌinánti ꞌain. Uni itsían ꞌunaniamabi ca acama achúshi achúshinënshi aín anë ꞌunánti ꞌicën.

Apocalipsis 7:3

—Nun an Nucën Papa Dios quicësabi oquin ꞌacë unicama ꞌunánti oquin atun bëmánancama cuënëocëma pan ꞌain camina mecama ꞌimainun parúnpapacama ꞌimainun icamaribi ꞌatimotima ꞌain.

Apocalipsis 9:4

Tsin cuínuax chiquitia ca Nucën Papa Diosan a chanpucama caxa: Menu ꞌicë basi, imaxu, chucu, ro, i acama camina ꞌatimotima ꞌain. A ꞌaquinma camina, ax ca ꞌënan ꞌicë quixun ꞌunánun aín bëmánanu ꞌën anë ꞌaquin ꞌunántiocëma uni acama cuni ꞌatimoti ꞌain.