1 Timoteo 5:6 - Kashibo-Kakataibo Biblia

⁶ Casunamëcë xanu axa xanu raíri ꞌaquinti sinanima, aín cuëëncësarishi ꞌicë, ax ca bamacëma pain ꞌaíshbi bamacësa ꞌicën.

Nukën 'Ibu Diosan ain unikama 'inan ain bana

⁶ Casunamëcë xanu axa xanu raíri 'aquinti sinanima, aín cuëëncësarishi 'icë, ax ca bamacëma pain 'aíshbi bamacësa 'icën.

1 Timoteo 5:6 ပူးပေါင်းရင်းမြစ်များ

Génesis 2:17

ꞌën kana mi kain, anun upí ꞌimainun ꞌaisama ñu ꞌunánti a i ain bimi kamina pitima ꞌain. Uisaran karamina a bimi pin a nëtënbi kamina bamakë ꞌiti ꞌain.

Mateo 8:22

Quia ca Jesusan cacëxa: —Camina ꞌëmi sinánan ꞌëbë cuanti ꞌain. Axa Nucën Papa Diosmi sinántisama tancë uni, an bamacë uni maínun ëanan camina ꞌëbë cuanti ꞌain.

Lucas 12:19

ꞌAtancëx cana quiti ꞌain: Cana bucúan, ënë ñucama ꞌitsa ꞌaish ca ꞌitsa baritia ꞌicëbëbi cëñútima ꞌicën. Usa ꞌain cana tantishiti ꞌain. Cana pianan xëanan cuëëinshiti ꞌain.

Lucas 15:13

ꞌInáncëx ca ꞌitsamashi nëtë ꞌicëbë aín ꞌanácanëx aín ñucamacëñun aín curíqui mëníobiani ꞌura ꞌicë menu ꞌi cuanxa. Cuanxun ca upí oquin sinanima aín cuëëncësari ꞌianan anun bëtsi bëtsi ñu ꞌaisama ꞌaquin, camaishi aín curíqui cëñuaxa.

Lucas 15:24

—Ca bamaxa —quixun ꞌën sináncëbëbi ca ꞌën bëchicë ënëx ꞌëmi bëbaxa. Usa ꞌaish ca nëtë́a ꞌaíshbi bërí nubë ꞌicën. Ësai quicëbëtan ca ꞌatancëxun cuëënquin picanxa.

Lucas 15:32

Min xucën —ca bamaxa —quixun ꞌën sináncëbëbi ca ꞌëmi bëbaxa. Usa ꞌaish ca nëtë́a ꞌaíshbi bërí nubë ꞌicën. Usa ꞌaían cuëënquin picánti ca asábi ꞌicën.

Lucas 16:19

Jesusan ca ësaquinribi cacëxa: —Ënëx ca ësa ꞌicën. Achúshi uni ñuñuira ꞌaish chupa upíira upí minanën pucucësa ꞌimainun xapu ꞌacësa pañucë ꞌianan ꞌaisamaira piti upíira upíñu ꞌixun camabi nëtën upí oquin pucháquin picë ꞌiacëxa.

Lucas 7:25

¿Ax usama ꞌain caramina uisa uni isi cuancën? ¿Upíira ꞌaísha cupíira chupa pañucë uni isi caramina cuancën? Usama ca. Camina ꞌunanin, upíira ꞌaísha cupíira chupa pañucë ꞌianan uisa ñu cara cuëënia a ñuñu unix ca anu ꞌapu ꞌicë xubunushi ꞌia.

Efesios 2:1

Mitsun ñu ꞌatima ꞌacë cupí ainanma ꞌaíshmi uni bamacësa ꞌicëbi ca Nucën Papa Diosan mitsu xënibua ꞌaínbi abë ꞌinun ainan ꞌimiaxa.

Efesios 2:5

nux nun ꞌucha cupínu ainanma ꞌaish bamacësa ꞌiá ꞌicëbi ainan ꞌaish upiti tsónun nu ꞌimiaxa, nuxribi bama ꞌaíshbi Cristobë baísquicësa ꞌinun.

Efesios 5:14

Usa ꞌain ca ësai Nucën Papa Diosan bana cuënëo quia: ꞌUxcësa ꞌaíshbi bësucësa ꞌinux ca Cristomi catamët. Ainanma ꞌaish min ꞌucha cupí bamacësa ꞌaíshbi ca Cristomi catamëti ië́t. Usa ꞌicë ca min ñu ꞌaisama ꞌacëcama ëmianan mix asaribi upí ꞌinun ꞌimiti ꞌicën.

Colosenses 2:13

Mitsun cuëëncësa oquinshi ñu ꞌaími bamacësa ꞌianan judíos unicamaxa ꞌicësaribiti ꞌunántiorcacëma ꞌaish ainanma ꞌicëbi ca Nucën Papa Diosan a cupíshi mitsun ꞌuchacama tërë́nxunquin Cristobë baísquicësa mitsu ꞌimiaxa.

2 Timoteo 3:6

A unicama raírinëan xubu itsi xubu itsinu atsínbëquinquin, bana ñuixunquin paráncëxun ca anua ꞌicë an ñu ꞌatima ꞌacë xanucaman sinánñumasa ꞌixun, aín bana cuatia. Upí oquin sinánquinma ca a xanucaman bëtsi bëtsi oquin sinania.

Santiago 5:5

Ënë menuax camina ꞌaisamaira ñu upíñu ꞌaish mitsux cuëëncësabi oi ꞌian. Usa ꞌaish camina aín ꞌibúan ꞌaracacë ñuina anun ꞌati nëtë sënë́ncëbëtan ꞌanuxun rëracamicësa ꞌain.

Apocalipsis 18:7

Anu ꞌicë unicaman rabíquin, —nux cananuna bëtsi unicamabëtan sënë́nmaira ꞌai —quixun sinánan atux cuëëncësabi oquinshi ꞌaiabi camina acama ꞌaisamairai tëmëranun ꞌimiti ꞌain. Atun ca “ꞌën cana casunamëcë xanun ꞌacësoquin tëmëratima ꞌai” quixun sinania.

Apocalipsis 3:1

Usaquin catancëxun ca ësaquinribi cuënëonun Jesusan ꞌë caxa: —An axa Sardisnuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa Nucën Papa Diosan Bëru Ñunshin Upíñu ꞌianan an aín mëcënan ꞌispa mëcën achúshi ꞌimainun rabë́ tuíncë, an ca ësaquin mi caia: —Mitsúnmi ñu ꞌacëcama cana ꞌunanin. Unin ca mitsux camina Nucën Papa Diosbë upí ꞌai quixun ñuia. Ñuicëxbi camina usama ꞌaish bamacë unisa ꞌain.

1 Samuel 15:32

Usokin ꞌatankëxun ka Samuelnën kakëxa: —ꞌË kamina Amalecita unikaman ꞌapu Agag bëxúnti ꞌain. Kakëxun bëkëx ka Agag aín bamatisa inúaxa kiax upitaxëshi kuantankëx Samuel bëmánanu nirakëakëxa, uisabi isa okanima a ꞌatimisa manukanxa kixun sinani.