1 Timoteo 4:8 - Kashibo-Kakataibo Biblia

⁸ Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

Nukën 'Ibu Diosan ain unikama 'inan ain bana

⁸ Ënëx ca ësa 'icën. Camabi nëtën cuai aín nami bachura 'ianan cushi 'aish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin 'ai, uni ënë menuax upitax bucui cuëëanan usai 'itancëx Nucën Papa Diosan nëtënuaxribi abë 'aish cuëënti 'icën.

1 Timoteo 4:8 ပူးပေါင်းရင်းမြစ်များ

Salmos 145:19

An ka an rabikë unikaman kuëënkësokin ꞌaxuanan; uínsaran kara ꞌakinun ñukatia anun ka ñukákëxun kuankin, ꞌakianan ië́mia.

Salmos 37:11

ꞌAínbi ka uni aín sinan mëninshi akamax kuni Diosan atu ꞌinánti menu ꞌiti ꞌikën, anuax ka ax ꞌikësamairai chuámarua tani kuëënti ꞌikën.

Salmos 37:29

An ñu upí ꞌakë unikama a ka Nukën ꞌIbun nuibakin, me anua xënibua ꞌaínbi tsóti ꞌinánti ꞌikën.

Salmos 37:9

An ñu ꞌatima ꞌatishi sinánkë unikamax ka a menuax chikínkë ꞌiti ꞌikën, ꞌaínbi ka axa Nukën ꞌIbumi katamëkë unikaman a me biti ꞌikën.

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Proverbios 22:4

Upasara ꞌixun ax kikësabiokin Diosan bana ꞌakë, ax ka ñuñuira ꞌi kuëëni upiti tsókë usamaira ꞌikën.

Isaías 33:16

akamax ka upitax rakuë́tima tsóti ꞌikën, usai ꞌika ami katamëti achúshi xubu mapara ꞌakë ami katamëanan, aín piti ꞌitsaira ñu ꞌianan, a xëati ꞌumpax ꞌitsairañu ꞌaish ñuñumama ꞌitima ꞌikën.

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Mateo 12:32

Axa uni ꞌinux anuax uá ꞌë ñui ꞌatimati banacë uni a ca Nucën Papa Diosan aín ꞌucha tërë́nti ꞌicën. Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima, bamatancëxribi ca xënibua ꞌaínbi aín ꞌucha tërë́ncë ꞌitima ꞌicën.

Mateo 19:29

Ësaquinribi cana mitsu cain, uinu ꞌicë unin cara ꞌëx cuëëncësabi oquin ꞌanuxun aín xucën, aín chirabacë, aín papa, aín tita, aín bëchicë, aín naë, añu ñu cara, abi ëanxa, a unix ca ëncë ñuñu ꞌicësamaira oi ñuñu ꞌiti ꞌicën. ꞌIanan ca Nucën Papa Dios quicësabi oi aín nëtënu abë nëtë́timoi ꞌiti ꞌicën.

Mateo 6:33

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

Marcos 10:30

a unix ca bëráma ꞌicësamairai ënë nëtënu aín xubu, aín xucën, aín chirabacë, aín tita, aín bëchicë, aín naë a ñucamañu ꞌiti ꞌicën, bëtsi unían ami nishquin ꞌatimomainun. Usai ꞌianan ca Nucën Papa Diosan nëtënu abë nëtë́timoi ꞌiti ꞌicën.

Lucas 5:38

Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën.

Romanos 8:28

Cananuna ꞌunanin, Nucën Papa Diosan ca uisa ñu cara ꞌia abi, ax ami sináncë unicamaxa an ꞌaquincëx, upí ꞌinun mëníoxunia, atúan ax cuëëncësabi oquin ñu ꞌamainun. A unicama ax cuëëncësabi oquin ainan ꞌinun sinánmicë ꞌixun ca Nucën Papa Diosan usoquin ꞌaia.

1 Corintios 3:22

ꞌË ꞌimainun Apolo ꞌimainun Pedro, nucaman mitsu ñuixuncë banacama camina camaxunbi ꞌunánti ꞌain. Nucën Papa Diosan ca ënë menu ꞌicë ñu mitsu ꞌinania. An ꞌimicëx camina ënë menu upiti bucuin. An ꞌimicëx camina bamatancëxbi abë upiti bucuti ꞌain. Bërí camina an ꞌimicëx asábi ꞌain, usabi camina ꞌiti ꞌain, xënibua ꞌaínbi.

1 Corintios 8:8

Nucën Papa Diosan iscëx ca an ñu picëma uni ꞌicësaribi an ñu picë uni ꞌicën. Usa ꞌain cananuna nun ñu picë cupí ꞌianan nun ñu picëma cupí Nucën Papa Diosan iscëx upí ꞌima.

1 Timoteo 4:7

Usai ꞌiquin camina unían aín rara usai ꞌiá bana ñuicëbëtanbi, usaribi oquin ꞌaquinma, upíira oquin sinánquin Nucën Papa Dios quicësabi oquin ꞌati ꞌain.

1 Timoteo 6:3

Ui unin cara unínbi sináncë bana uni ꞌunánmiquin Nucën ꞌIbu Jesucristonën ñuicë bana, anun uni ië́ti, a ꞌimainun an sinánmicëxuan aín unicamanribi ñuicë bana cuaisama tania,

1 Timoteo 6:5

Usa ꞌaish ca a unicamax usaíshi ꞌiquin uisa ñu ꞌati cara upí ꞌicë, uisa ñu ꞌati cara upíma ꞌicë quixun ꞌunanima nëtëtima nishánani cuamianania. Usai ꞌicë unicaman ca Nucën Papa Diosan bana ꞌaquin isa unin curíqui biti ꞌicë quixun sinania. A unicamabë camina nitima ꞌain.

1 Timoteo 6:6

Axa ñuñu ꞌiisa tani bënëtima Jesucristomi catamëcë uni ax cuni ca upí oquin sinani cuëënia.

2 Timoteo 3:5

—Uni raírinëxa ꞌicësaribiti cana ꞌëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin ꞌatima ꞌicën. Usaía ax ꞌicë unicamami ꞌunani camina bërúancati ꞌain.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.

Hebreos 13:9

Usa ꞌain camina uni itsían mitsu bëtsi bëtsi bana ñuixunquin Jesucristomi sinánti ënun quixun cacëxunbi ëntima ꞌain. A unicamax ca —bëtsi bëtsi ñu piquinbi camina bëtsi bëtsi ñu pitima ꞌai —quia. Atúxa usai quia a bana cuatibi ca uni aín nuitu upí ꞌima. Usa ꞌain camina —Cristo cupíshi ca Nucën Papa Diosan nu nuibaquin nun ꞌucha tërë́anan nux ainan ꞌinun ꞌimia —quixun ꞌunani amishi cushicanti ꞌain.

1 Juan 2:25

Jesucristonëxbi ca quiacëxa, a cupíshi cananuna ainan ꞌaish Nucën Papa Diosbë xënibua ꞌaínbi ꞌiti ꞌai quiax.

Apocalipsis 3:12

Axa ꞌëmi catamëquin ꞌëx cuëëncësabi oi ꞌiti ëncëma unicama, a cana anua Nucën Papa Dios ꞌicë anubia nëtë́timoi ꞌinun ꞌimiti ꞌain. Anuaxa chiquítimoquin ca Nucën Papa Diosan ꞌimiti ꞌicën. ꞌËn Papa Diosan anëbi cana a unicamanu cuënëoti ꞌain. Cuënëonan cana anu Nucën Papa Dios ꞌiti Jerusalén ió, axa naínuax ubúti, aín anëribi ꞌanan cana ꞌën anë ióribi atunu cuënëoti ꞌain.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.

1 Samuel 15:22

Usokin kakëxunbi ka Samuelnën kakëxa: Nukën ꞌIbun ka kuëënia ax kikësokinshi ꞌaxúnti, usa ꞌain ka ñuina xaroxuntishi kuëënima; ax kikësabi okinshi ꞌati ax ka ñuina xaroxuanan carnero aín xëni xaroxunkë usamaira ꞌikën.