1 Timoteo 4:7 - Kashibo-Kakataibo Biblia7 Usai ꞌiquin camina unían aín rara usai ꞌiá bana ñuicëbëtanbi, usaribi oquin ꞌaquinma, upíira oquin sinánquin Nucën Papa Dios quicësabi oquin ꞌati ꞌain. အခန်းကိုကြည့်ပါ။Nukën 'Ibu Diosan ain unikama 'inan ain bana7 Usai 'iquin camina unían aín rara usai 'iá bana ñuicëbëtanbi, usaribi oquin 'aquinma, upíira oquin sinánquin Nucën Papa Dios quicësabi oquin 'ati 'ain. အခန်းကိုကြည့်ပါ။ |
Usa ꞌain camina a unicama cati ꞌain, uni raírinëan nun rara tsóa ꞌimainun uisai cara nun rara ꞌiacëxa quixun ñuicë banacama a cuaxunma ꞌanun quixun. Usa banacama cuati ca uni ñancábi cuëbicanania. Usa ꞌain ca an a banacama ñuicë unicaman Jesucristomi catamëquin Nucën Papa Dios cuëëncësabi oquin ꞌanun nu ꞌaquinima.
Cananuna ꞌunanin, aín nuitu upí ꞌixun ca unin usai ca uni ꞌitima ꞌicë quixun cuënëo bana isquinmabi ñu ꞌaisama ꞌaima. ꞌAínbi ca an ësa ñu ꞌacë unicaman —usaquin ꞌati ca ꞌaisama ꞌicë —quixun ꞌunánti cuënëo ca a bana ꞌicën: an Nucën Papa Diosan bana cuëëncëma, ꞌimainun an aín bana tancëma, ꞌatima ꞌaish ꞌaisama sinánñu, ꞌuchañuira, an Nucën Papa Diosmi racuë́quinma aín bana quicësabi oquin ꞌacëma, ꞌimainun an aín papa ꞌacë, an aín tita ꞌacë, an uni itsi ꞌacë, acama ꞌimainun,
Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.
Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.
Uni raírinëan ꞌaisamaira ñuñu ꞌianan curíquiñu ꞌiti cuëëncë cupí ꞌatima ñu ꞌacëbëbi camina mix Nucën Papa Diosmi catamëcë ꞌaish atumi ꞌunánti ꞌain. ꞌUnánquin camina upí sinánñu ꞌixun Nucën Papa Dios cuëëncësabi oquin ꞌanan, ami catamëti unicamabë nishánanima nuibananan, uisa ñu cara ꞌicëbëbi bënëtima ꞌianan, rabitima cuëmëninishi banati ꞌain.
Timoteo, cana mi cain, bana itsi ñuixunquinma camina Jesucristo ñuicë banaishi bëtsi oquinma unicama ñuixunti ꞌain. Jesucristo ñui quicë bana isa quixunbi ca bëtsi bëtsi unin asérabi a bana quicësa oquin ñuixunquinma bëtsi bana ñuia. A banax ca an ñu ꞌunáncë unicaman asérabi isa quixun ñuicë ꞌaíshbi ñancáishi ꞌicën. A bana camina cuatima ꞌain.
Bëtsi bëtsi unix ca sinánxmaishi aín rara ꞌiá bana ñui bëtsi unibë cuëbicanánan, usaía judíos unicama ꞌitia Moisésnën cuënëo bana uisai quicë cara quixun ñui cuamianani bëtsibë nishánania. Usaía ꞌiabi camina mixribi usai ꞌiquinma atu isëshiti ꞌain. Usai ꞌiquin upí oquin sinani banacëma ꞌixun ca unin bëtsi uni upitaxa ꞌinun ꞌaquinima.