1 Timoteo 4:6 - Kashibo-Kakataibo Biblia

⁶ ꞌËn mi cacë bana ënë axa Jesucristomi catamëcë unicama ñuixuncë ꞌaish camina an Jesucristo cuëëncësabi oquin bana ñuixuncë ꞌiti ꞌain. ꞌIanan camina ami ñuixuncë bana upí oquin ꞌunánquin a banaxa quicësabi oquin ꞌati ꞌain.

Nukën 'Ibu Diosan ain unikama 'inan ain bana

⁶ 'Ën mi cacë bana ënë axa Jesucristomi catamëcë unicama ñuixuncë 'aish camina an Jesucristo cuëëncësabi oquin bana ñuixuncë 'iti 'ain. 'Ianan camina ami ñuixuncë bana upí oquin 'unánquin a banaxa quicësabi oquin 'ati 'ain.

1 Timoteo 4:6 ပူးပေါင်းရင်းမြစ်များ

Salmos 19:7

Diosan banax ka upíira ꞌikën, an ka nu upiti tsónun ꞌimia an ꞌakë ñukama ax ka upí ꞌikën. Kamabi Dios kikë bana ax ka asérabi ꞌikën, an ka uni mënin sinánñushi usa ꞌikëmabi sinánñuira ꞌinun ꞌimia.

Jeremías 15:16

Uínsaran kaina min ꞌë kai anun kana ꞌëx upíokin min bana kuati piti nëishokin ꞌakë pi kuëënkë, usaribiti kuëënun ꞌë ꞌimiakëxa, minmi kakë bana an ka ꞌë kuëënun ꞌimiakëxa ꞌëx minan ꞌikë. Nukën ꞌIbu Dios mix kamina kamabi kushiñuira ꞌain.

Mateo 13:52

Quia ca Jesusan cacëxa: —An Nucën Papa Dios naínu ꞌicë aín bana únáncë uni, an ca ꞌën uni ñuixuncë bana unicama ñuixuanan bëráma ꞌë ñuiquin cuënëo bana aribi ñuixunia. Ax ca xubuñu unían a isi ucë uni aín ñu ió ꞌimainun aín ñu ióma ꞌaíshbi upí, aribi ismicësa ꞌicën.

Lucas 1:3

Teófilo, minribi camina a ñucama mi ñuixuncancëxun cuan. Minmi asérabi cara a bana ꞌicë quixun ꞌunánun cana ꞌënribi upí oquin an a ñucama ꞌunáncë unicama ñucáquin, uisaira cara ꞌiaxa quixun cuatancëxun, cuënëoxunquin mi ñuixunin.

Hechos 1:15

Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

Hechos 20:31

Usa ꞌain camina unin paráncëma ꞌinuxun upí oquin sináinrati ꞌain. Camina sinánti ꞌain, rabë́ ꞌimainun achúshi barin cana ñantánbi nëtë́nbi nëtë́quinma bëunan mëscúquin mitsu ꞌësëan.

Hechos 20:35

Usaquin ñu mëëcë ꞌixun cana mitsu ꞌunánmia, mitsúnribimi usoquin ꞌanun, ñuñuma uni ñu ꞌinánuxun. Usaquin ꞌati sinani ca Nucën ꞌIbu Jesús ësai quiacëxa: “A unin ñu ꞌináncë uni ax cuëëncësamaira oi ca an uni ñu ꞌináncë uni ax cuëënia”. A bana camina manuquinma sinánti ꞌain.

Romanos 15:15

Usai camina mitsux ꞌi quixun ꞌunánquinbi cana mitsúxmi manúti rabanan ënë ñucama upí oquin mitsu cuënëoxunin. Nucën Papa Diosan ca ꞌë nuibaquin,

1 Corintios 4:17

Mitsúxmi ꞌëx ꞌicësaribiti ꞌinun cana Timoteo mitsu istánun xuan. ꞌËn bana ñuia cuati axribi asérabi Nucën ꞌIbu Jesucristomi catamëcë ꞌaish ca ꞌën nuibacë bëchicësa ꞌicën. Mitsunu cuanxun ca uisai carana ꞌëx Jesucristomi catamëcë ꞌaish ꞌi, a mitsu ñuixunti ꞌicën. Camabi ëmanuaxa timë́cë axa Jesucristomi catamëcë unicama a cana usai cana ꞌëx Jesucristomi catamëti ꞌi quixun ꞌunánmin.

2 Corintios 11:23

¿Atun cara Cristo ñuiquin bana ñuixunin? Sinánñuma uni quicësai cana quin, atun ꞌacësamaira oquin cana ꞌën ꞌacën. Atux ꞌicësamairai cana bana ñuixuni tëmëracën, atu ꞌacësama oquin ca ꞌë ꞌitsa oquin sipuacancëxa, atu ꞌacësama oquin ca ꞌë ꞌitsa oquin rishquicancëxa, ꞌitsai cana bamaibi ië́acën.

2 Corintios 3:6

Moisésnën usaía judíos unicama ꞌiti ñuiquin cuënëo bana ca quia, a bana quicësabi oi ꞌicëma ꞌaish ca uni Nucën Papa Diosbë ꞌitimoi bamati ꞌicën. Usa ꞌaínbi ca a banama bana ió, a ñuixunun Nucën Papa Diosan nu ꞌimiaxa. A banax ca quia, aín Bëru Ñunshin Upitan ꞌimicëx ca uni ainan ꞌaish xënibua ꞌaínbi Nucën Papa Diosbë upí ꞌiti ꞌicën.

2 Corintios 6:4

Bëtsi bëtsi onan numi nishquin unin tëmëramicë ꞌianan uisa ñu cara ꞌicëbëbi bënë́quinma tanshiquin Nucën Papa Diosan bana ñuixunia isquin ca camabi unin ꞌunánti ꞌicën, nux cananuna asérabi Nucën Papa Diosan uni ꞌai quixun.

Efesios 6:21

Mitsúnmi uisai carana ꞌëx ꞌi quixun ꞌunánun ca Tíquiconën minu cuanxun mitsu ñuixunti ꞌicën. Axribi ainan ꞌaish nun nuibacë xucën ꞌixun ca Nucën ꞌIbu Jesucristo ñuiquin upí oquin uni bana ñuixunun ꞌë ꞌaquianxa.

Filipenses 2:20

Timoteonënshi ca ꞌën ꞌacësaribi oquin mitsu sinania. Usaquian an sináncë bëtsi uniribi ca ꞌaíma ꞌicën.

Filipenses 2:22

Acamaxa usa ꞌaínbi camina Timoteonën ca Nucën Papa Dios cuëëncësabi oquin ꞌaia quixun ꞌunanin. An ca ꞌëbëtan Cristo ñuiquin bana ñuixuanxa. Aín bëchicënëan aín papa ꞌaquincësaribi oquin ca Timoteonën ꞌë ꞌaquianxa.

Filipenses 3:16

Usa ꞌain cananuna uisai ꞌinun cara Nucën Papa Diosan nu ꞌunánmiaxa, usai ꞌiti ꞌain.

Colosenses 2:19

A unicaman ca ami sináncëma ꞌixun Cristonëan ësaquin aín unicama ꞌimiti a sinanima. An ca aín unicama asaribi upí ꞌinun Nucën Papa Dios cuëëncësabi oquin ꞌimia. Aín mëcën, aín xo, aín imi acamañu ꞌaíshbia uni achúshi ꞌicësaribi oquin ca Cristonën aín unicamaxa ꞌitsa ꞌaíshbi bëtsin sináncësabi oquin sináncë ꞌaish achúshisa ꞌinun ꞌimia.

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.

Colosenses 4:7

Nun nuibacë xucën Tíquico, an upí oquin ꞌë ꞌaquianan ꞌëbëtan Nucën ꞌIbu Jesús ñuiquin uni bana ñuixuncë, an ca mitsu isi cuanxun nun ꞌacë ꞌimainun ꞌëx usai ꞌicëcamaribi mitsu ñuixunti ꞌicën.

1 Tesalonicenses 3:2

nucën xucën Timoteo mitsu istánun quixun xuti cananuna sinan. Anribi ca ami sináncë ꞌixun —Jesucristomi catamëti ca uni ainan ꞌiti ꞌicë —quixun Nucën Papa Diosan bana nubëtan camabi uni ñuixuanxa. Usa ꞌixun ca cuantancëxun an mitsúxmi Jesucristonan ꞌaish tëmëraíbi ami manuaxma ꞌinun upí oquin ꞌësëquin mitsu cushioti ꞌicën. Mitsúnbi camina ꞌunanin, Nucën Papa Diosan unicamax ca bëtsi unían bëtsi bëtsi ocë ꞌiti ꞌicë quixun.

1 Timoteo 1:10

aín xanuma ꞌaínbi xanubë ꞌicë unicama, aín bënëma ꞌaínbi unibë ꞌicë xanucama, xanúxmabi unibë ꞌicë unicama, an ñu mëcamacë unicama, cëmëcë unicama, axa anun Nucën Papa Diosbë upí ꞌiti bana, ënë́xa quicë ñucama cuëëncëma unicama. Ësa ñu ꞌacë unicaman —usai ꞌiti ca ꞌaisama ꞌicë —quixun ꞌunánun ca Nucën Papa Diosan uni aín bana ꞌináncëxa.

1 Timoteo 4:16

Amanu amanua sinanima camina a bana quicësabi oi ꞌianan a banaxa quicësabi oquin uni bana ñuixunti ꞌain. Usaquin ꞌaími mix ië́cë ꞌimainun ca an mínmi a bana ñuixuncëxun cuacë unicamaxribi Nucën Papa Diosnan ꞌinux ië́cë ꞌiti ꞌicën.

1 Timoteo 6:3

Ui unin cara unínbi sináncë bana uni ꞌunánmiquin Nucën ꞌIbu Jesucristonën ñuicë bana, anun uni ië́ti, a ꞌimainun an sinánmicëxuan aín unicamanribi ñuicë bana cuaisama tania,

2 Timoteo 1:6

Usa ꞌain cana manúaxmami ꞌinun mi cain, ꞌën mëcën minu nancëbëtan ca Nucën Papa Diosan aín bana ñuixunun aín cushi mi ꞌináncëxa. A cushia minuax nëtë́nunma camina bënamëbutibia tsi rëquirutëcëncësa ꞌinuxun, ami catamëquin aín bana ñuixunti ꞌain.

2 Timoteo 3:10

Min camina ꞌën bana ñuia upí oquin cuanan uisai carana ꞌëx ꞌi abi ꞌunánan añu carana ꞌaisa tani quixun ꞌunan. ꞌUnánan camina ꞌunan, ꞌën cana Nucën Papa Diosmi catamëquin, aín bana cuaisama taniabi ami nishquinma uni upí oxuinshi bana ñuixuan quixun. Camina ꞌunan, tëmëraquinbi ënquinma cana atu nuibaquin Nucën Papa Diosan banaishi sinánquin unicama ñuixuan.

2 Timoteo 4:3

Jesucristo utëcënti nëtë ꞌurama ꞌain ca unin Nucën Papa Diosan bana anúan atux upí ꞌiti a cuaisama tanti ꞌicën. A bana cuaisama tanquin ca unin, ainsa atúan cuaisa tancë bana ñuixunun quixun bëtsi unicama bariti ꞌicën.

Tito 2:1

Usa ꞌaínbi camina, an upí oquin min bana cuacë unicama a Nucën Papa Dios cuëëncësabi oishía ꞌinun bëtsi bana ñuixunquinma Jesucristo ñuicë banaishi upí oquin ñuixunti ꞌain.

1 Pedro 2:2

Bërí bacë́ncë tuacën ca anun caninuxun aín titan xuma ꞌati cuëënia. Usaribi oquin camina Nucën Papa Diosan bana upí oquin ꞌunánti cuëënti ꞌain, ainan ꞌaish aín cuëëcësabi oquin ꞌai ami cushicë ꞌinuxun.

2 Juan 1:9

Ui unin cara Cristonën bana quicësabi oquin ꞌaquinma ax cuëëncësa oquinshi ꞌaia abëma ca Nucën Papa Dios ꞌicën. Usa ꞌaínbi ca axa Cristonën bana quicësabi oi ꞌicë uni abë cuni Nucën Papa Dios ꞌimainun aín Bëchicë Jesucristo ꞌicën.

Judas 1:5

Upí oquinmi ꞌunáncëbi cana ënë ñucama mitsu sinánmitëcënin, Nucën ꞌIbu Diosan ca Israel unicama Egipto menua buánxunbi ami catamëtiama oquin raíri cëñuacëxa.