1 Timoteo 4:2 - Kashibo-Kakataibo Biblia

² Usai ꞌiquin ca axa cëmëcë unin bana cuati ꞌicën. A cëmëcë unicama an ca cëmë́ntapun ꞌaish cëmëquin, usai banati ca ꞌaisama ꞌicë quixun ꞌunaníma. Usa unicamax ca aránpi ꞌitsisan mëpëpëcacë́xa mocënu ñun naxcacëxunbia paë tancëma unisaribi ꞌicën.

Nukën 'Ibu Diosan ain unikama 'inan ain bana

² Usai 'iquin ca axa cëmëcë unin bana cuati 'icën. A cëmëcë unicama an ca cëmë́ntapun 'aish cëmëquin, usai banati ca 'aisama 'icë quixun 'unaníma. Usa unicamax ca aránpi 'itsisan mëpëpëcacë́xa mocënu ñun naxcacëxunbia paë tancëma unisaribi 'icën.

1 Timoteo 4:2 ပူးပေါင်းရင်းမြစ်များ

1 Reyes 22:22

ñukákëxun ka ñunshin ꞌatimanën kakëxa, ꞌën kana an Dios kikë bana ñuikë unikama këmëkin ꞌapu Ahab paránun sinánmiti ꞌain kixun kaxa. Kakëxun ka Nukën ꞌIbun usakin sapi kamina paránti ꞌain, usakin ꞌai kamina kuanti ꞌain kixun kakëxa.

Jeremías 23:14

ꞌËn kana Jerusalénnu ꞌikë an ꞌën bana uni ñuixunkë unikama ꞌatima ñu an ꞌë ꞌaisama ꞌimikë ñuira ꞌaia isan: usakin ka atun aín xanuma bëtsi xanu aín nami ꞌanan, bëtsi unikama këmëkin paránia, usakin ꞌakin ka uni ꞌatima sinánñukama, a uínbia ꞌain ñu ꞌatima ꞌakë ënxuma ꞌanun kixun sinánmia. Usa ꞌain ka atu ꞌimainun a ëmanu tsókë unikamax Sodoma ꞌimainun Gomorranu ꞌikë uni tsóasaribi ꞌën iskëx ꞌikën.

Jeremías 23:26

¿Uínsaran kara an këmëkinshi bana ñuikë unikama atun, ꞌën usai kinun kakëxumabia këmëkin atúnbi sinánkin bana ñuikankë a ënti ꞌik?

Jeremías 23:32

ꞌËx kana an bana ñuikë unikama an këmëkinshi namákë ñuixunkin ꞌën unikama; bëtsiokin sinánmia. ꞌËn kana xukin uisa bananbi kakëma ꞌain, usa ꞌaish ka ꞌën unikama ꞌakinsama ꞌikën. ꞌËx min ꞌIbu ꞌaish kana asérabi ësai kin.”

Mateo 24:24

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Cana ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan ainan ꞌinun caíscë unicamaribi paránti sinánuxun ꞌaia.

Mateo 7:15

Bëtsi bëtsi unin ca mitsu parántisa tanquin —Nucën Papa Diosan sinánmicëxun cana mitsu bana ñuixunin —quiquinbi anbi sináncë bana ñuixunia. Usa unin ñuicë bana camina cuatima ꞌain. A unicamax ca ꞌunánmaratsu ñuinasa ꞌaíshbi aín nuitu mëu ꞌatima sinánñu ꞌaish pianancë ñuinasa ꞌicën.

Hechos 20:30

Ësaquinribi cana ꞌunanin, axa Jesucristomi catamëcë unicamabë timë́cë unicama bëtsi bëtsin ca Nucën Papa Dios cuëëncësabi oquin ñuixunquinma, cëmë bana ñuixunti ꞌicën, a bana quicësabi oi isa ꞌinun quixun.

Romanos 1:28

Usa unicama ca ami sinántisama tania Nucën Papa Diosan aín sinan upíma ꞌixun ꞌatima ñuira ꞌanun quixun ëanxa.

Romanos 16:18

Usa unin ca Nucën ꞌIbu Jesucristo cuëëncësabi oquin ꞌaquinma aín cuëëncësa oquinshi ꞌaia. Atux ca an Nucën Papa Diosan bana upí oquin ꞌunáncëma unicamabë upiti banaibi cëmëia. Usaquin paránquin ca aín bana cuanun uni sinánmia.

Efesios 4:14

Usai ꞌi cananuna bërámanu ꞌiásaribiti bërí ꞌitima ꞌain. Bërí cananuna tuáxunratsunën unín paráncëxun sinánbëquincësa ꞌaish unín bëtsi bëtsi bana ñuixunquin paráncëxun amanua amanua sinani usaribi ꞌitima ꞌain. An uni paráncë unicaman cëmëquin nu paránquin ñu ꞌatima ꞌanun quixun ꞌimicëx usai ꞌiá ꞌaíshbi cananuna bërí usai ꞌitëcëntima ꞌain.

Efesios 4:19

A ꞌai ñunshíncë ꞌixun ca rabínquinma uisa ñu ꞌatima cara ꞌaisa tania a ꞌaia. Aín xanuma ꞌaínbi xanubë ꞌiti, xanúxmabi uni itsibë ꞌiti, usa ñucama ꞌati cuëënia.

2 Timoteo 3:5

—Uni raírinëxa ꞌicësaribiti cana ꞌëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin ꞌatima ꞌicën. Usaía ax ꞌicë unicamami ꞌunani camina bërúancati ꞌain.

Apocalipsis 16:14

A ñunshin ꞌatimacama tuan tita iscësa, acaman ca unicama paránuxun unin ꞌacëma ñu ꞌaxa. Usoquin ꞌanan ca camabi menu cuanquin, anu ꞌicë ꞌapucama aín suntárucamaxa bëtsi menu ꞌicë suntárubë ꞌacananux tsuáquirunun sinánmiaxa. Usa ꞌixun ca camabi uni timëaxa, axa aín cushi chaira ꞌaish bëtsi cushisamaira Nucën Papa Dios, an anun ꞌaisamaira oquin atu castícanti nëtë sënë́ncëbëtan.