1 Timoteo 4:12 - Kashibo-Kakataibo Biblia

¹² Usoquin ꞌanan camina mix mëcó unima cupía unin timaquin min bana cuaisama tanti rabanan upí uni ꞌiti ꞌain. Mixmi ꞌicësaribitia axa Jesucristomi catamëcë unicamaxribi upí ꞌinun camina upiti bananan, upitishi ꞌianan, unicama nuibanan, uisa ñu cara ꞌicëbëbi Jesucristomi catamëanan, min xanuma ꞌain xanubë ꞌitima ꞌain.

Nukën 'Ibu Diosan ain unikama 'inan ain bana

¹² Usoquin 'anan camina mix mëcó unima cupía unin timaquin min bana cuaisama tanti rabanan upí uni 'iti 'ain. Mixmi 'icësaribitia axa Jesucristomi catamëcë unicamaxribi upí 'inun camina upiti bananan, upitishi 'ianan, unicama nuibanan, uisa ñu cara 'icëbëbi Jesucristomi catamëanan, min xanuma 'ain xanubë 'itima 'ain.

1 Timoteo 4:12 ပူးပေါင်းရင်းမြစ်များ

Tito 2:7

ꞌImainun camina minribi min ꞌaia isquian usaribi oquin unin ꞌanun upí ñuishi ꞌati ꞌain. Atu ꞌësëquin camina amanu amanua sinánquinma upí oquin Nucën Papa Diosan bana quicësabi oquin ꞌunánmiti ꞌain.

2 Timoteo 2:22

Bëná unicaman ñunshínquin ñu ꞌacë, usaribi oquin ꞌati sinántima cupí camina atumi ꞌunánti ꞌain. Usai ꞌi camina axa aín nuitu upí ꞌaish Nucën ꞌIbu Diosbë banacë unicamabëtan upí ñuishi ꞌanan Jesucristomi catamëti, abë nuibanani pëcananíma chuámashi ꞌiti ꞌain.

2 Timoteo 2:15

Nucën Papa Diosan iscëxun camina aín bana upí oquin ꞌunáncë ꞌixun rabínquinma unicama ñuixunti ꞌain.

1 Pedro 5:3

ꞌApúxa unían ax quicësa oquinshi ꞌanun quiax quicësaribiti camina banatima ꞌain. Usari ꞌíma camina mitsúnmi bana ñuixuncë unicamaxa usaribiti ꞌinun, upíshi ꞌiti ꞌain.

1 Corintios 11:1

ꞌËx Cristo ꞌiásaribiti ꞌicësaribiti camina mitsúxribi ꞌiti ꞌain.

1 Tesalonicenses 1:6

Nux ꞌicësaribiti ꞌianan Nucën ꞌIbu Jesús ꞌiásaribiti tëmëraibi camina mitsux Jesucristo ñuicë bana cuati ainan ꞌaish Nucën Papa Diosan Bëru Ñunshin Upitan ꞌimicëx cuëëinra cuëëan.

Tito 2:15

ꞌËn mi cacë banacama ënë camina unicama ꞌunánmiti ꞌain. Atúxa, asérabi ca a bana icë quixun sinani racuëtima Jesucristomi cushicë ꞌinun ꞌësëanan camina atúan ꞌaisama ñu ꞌaxunma ꞌanun caquin ꞌësëti ꞌain. Usoquin ꞌaquin camina ui unínbi mi timaquin min bana cuaisama tanun ꞌimitima ꞌain.

Mateo 18:10

ꞌËn unicamax ca tuáratsusa ꞌaish ñuuma ꞌicë quixun camina sinántima ꞌain. ꞌËn cana mitsu cain, ca ñuumama ꞌicën. An a bërúancë ángelcamax ca Nucën Papa Diosbëbi ꞌicën.

2 Timoteo 2:7

ꞌËn mi cacë banacama ënë camina upí oquin sinánti ꞌain. Sinania ca Nucën ꞌIbu Jesucristonën upí oquinmi cuanun mi ꞌunánmiti ꞌicën.

Santiago 3:13

Micama uinu ꞌicëx caramina sinánñuira ꞌianan upí oquin bana cuacë ꞌain camina cëruti rabíquinma ñu upíshi ꞌati ꞌain. Usaquinmi ꞌaia isquin ca —a unix ca asérabi sinánñu ꞌianan upí oquin bana cuacë ꞌicë —quixun unin ꞌunánti ꞌicën.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.

Filipenses 4:8

ꞌËn xucë́antu, ësaquinshi cana mitsu cain, unían ësa ñu ꞌaia isquin camina mitsun —ax ca asábi ꞌicë —quixun sinánti ꞌain, cëmëma banacama ꞌimainun —upí ca —quixun ñuicë ñucama, ꞌimainun uni itsi paránquinma upí ñu ꞌacë, ꞌimainun ñu ꞌatima ꞌati sinánquinma upíshi ꞌiti sináncë, ꞌimainun bëtsibë upiti nuibananti, acama ꞌimainun rabiquian unin —upí ca a uni ꞌicë —quixun mitsu ñuixuncë, acama. ꞌImainun camina uisa ñu ꞌati cara upí ꞌicë, uisa ñu ꞌati ñui cara —asábi ca —quiax uni quiti ꞌicë, acama sinánti ꞌain.

1 Tesalonicenses 2:10

Mitsun camina ꞌunanin, Nucën Papa Diosanribi ca ꞌunania, nux cananuna mitsúxmi Jesucristomi catamëcë ꞌain mitsubë ꞌixun uisa ñu ꞌatimabi ꞌaima upí ꞌia quixun. Usai ꞌia ca uinu ꞌicë unínbi nu ꞌuchocëma ꞌicën.

1 Timoteo 1:14

Tërë́nxuanan ca Cristo Jesúsnan ꞌaish abë achúshi sinánñushi ꞌixun, unicama upí oquin nuibanan upiti ami sinánun ꞌimiquin Nucën ꞌIbu Diosan ꞌë cushioxa.