1 Timoteo 3:7 - Kashibo-Kakataibo Biblia

⁷ Axa Jesucristomi catamëcë unicaman cushi ax ca axa Jesúsmi sináncëma unínbia —ax ca upí nuituñu ꞌicë —quixun ꞌunáncë ꞌiti ꞌicën. Usama ꞌicë ca unia a ñui ꞌatimati banamainun ñunshin ꞌatimanën ꞌapúnribi ñu ꞌatima ꞌamiti ꞌicën.

Nukën 'Ibu Diosan ain unikama 'inan ain bana

⁷ Axa Jesucristomi catamëcë unicaman cushi ax ca axa Jesúsmi sináncëma unínbia —ax ca upí nuituñu 'icë —quixun 'unáncë 'iti 'icën. Usama 'icë ca unia a ñui 'atimati banamainun ñunshin 'atimanën 'apúnribi ñu 'atima 'amiti 'icën.

1 Timoteo 3:7 ပူးပေါင်းရင်းမြစ်များ

Marcos 4:11

Cacëxun ca Jesusan cacëxa: —Uni itsían ꞌunaniamabi camina mitsun Nucën Papa Diosan sinánmicëxun an ꞌunánmicë ñu ꞌunanin. Usa ꞌaínbi cana uni raíri ꞌëmi sinántisama tancë cupí bana itsi ñuicësoquin bana ñuixunin.

Hechos 10:22

Cacëxun ca a unicaman Pedro cacëxa: —Cornelio cacë suntárnunën cushi, ax upí uni ꞌianan an Nucën Papa Diosan bana cuacë ꞌicëa upí uni ꞌicë judíos unicaman ꞌunáncë, a ca Nucën Papa Diosan xucë ángelnën caxa, min bana cuanuxuan aín xubunumi cuanun mi caminun quixun.

Hechos 22:12

Anu ca uni achúshi, Ananías cacë, an Moisésnën cuënëo bana quicësabi oquin ꞌacë ꞌiacëxa. Usa ꞌaish ca a unix Damasconu ꞌicë judíos unicaman, ax ca upí nuituñu ꞌicë quixun ñuicë ꞌiacëxa.

Hechos 6:3

Usa ꞌain camina mitsun mëcën achúshi ꞌimainun rabë́ uni an piti mëtícanun caísti ꞌain. Aín sinan ca upí ꞌicë quixuan unin ꞌunáncë ꞌianan Nucën Papa Diosan Bëru Ñumshin Upitan upí oquin sinánmicë ꞌianan sinánñuira ca a unicama ꞌiti ꞌicën. Caístancëxun camina atúan uni piti mëtícanun cati ꞌain.

1 Corintios 10:32

Usoquin camina uinu ꞌicë unibi, judíos uni ꞌimainun judíosma uniribi, ꞌimainun axa Jesucristomi catamëcë unicamaribi, Nucën Papa Diosmi ꞌuchati sinánmitima ꞌain.

1 Corintios 5:12

ꞌËn cana axa Jesucristomi sináncëma unicama ꞌuchoquin —mix camina ꞌaisamaira uchañu ꞌai —quixun catima ꞌain. Nucën Papa Diosan cuni ca atu ꞌuchoti ꞌicën. Usa ꞌaínbi camina mitsúnbi ax mitsubë Jesucristomi catamëcë ꞌixunbia ꞌatima ñu ꞌaia ꞌunánquin a uni ꞌuchoti ꞌain. Usoquin ꞌaquin camina axa mitsubë ꞌicë uni aín ꞌucha cupí mitsubë ꞌiaxma ꞌinun chiquínti ꞌain.

2 Corintios 6:3

Uinu ꞌicë unínbia nun bana —ꞌaisama ca —quixun caquin cuaisama tanunma cananuna ñu ꞌatima ꞌaquinma Nucën Papa Dios cuëëncësabi oquinshi ꞌain.

2 Corintios 8:21

Nun cananuna ënë curíquicama mëcamaquinma upí oquin buánti ꞌai quixun Nucën ꞌIbu Diosan ismainuan unicamanribi ꞌunánti cananuna cuëënin.

Colosenses 4:5

Uisa nëtën caramina axa Cristomi sináncëma unibë ꞌain, a nëtë ñancáishi inúmima camina upí oquin sinani abë banati ꞌain.

1 Tesalonicenses 4:12

Usai ꞌi camina axa Jesucristomi sináncëma unicaman upí uni ꞌicë ꞌunáncë ꞌianan, ñuñumaribi ꞌicantima ꞌain.

1 Tesalonicenses 5:22

Uisa ñucamax cara ꞌatima ꞌicë, acama ënquin camina uisa ñu ꞌatimaratsubi ꞌatima ꞌicanin.

1 Timoteo 3:6

Bëríratsu ami catamëcë uni ax ca axa Jesucristomi catamëcë unicaman cushi ꞌitima ꞌicën. Usa ꞌixunbi ca —ꞌëx cana bëtsi unisamaira ꞌai —quixun sinánti ꞌicën. Usaribiquin rabíquin —ꞌëx cana Nucën Papa Diossaribi ꞌai —quixun sináncë cupí ca Nucën Papa Diosan ñunshin ꞌatimanën ꞌapu, Satanás, aín nëtënua chiquíancëxa. Usaribitía rabíti rabanan camina axa bëríratsu ami catamëcë uni axa Jesucristomi catamëcë unicaman cushi ꞌimitima ꞌain.

1 Timoteo 5:14

Usaía ꞌitima cupí cana cuëënin, xutani ꞌaísha ax casunamëcë xanux ca bënuti ꞌicën. Bënutancëxun tuatancëxun ca aín tuá ꞌimainun aín xubunu ꞌicë ñucama upí oquin bërúanan, aín bënëribi ꞌaquinti ꞌicën. Usaquian ꞌacëbë ca axa Jesucristomi sináncëma unicama a xanu ñui ꞌatimati banatima ꞌicën.

1 Timoteo 6:9

Axa ꞌaisamaira ñuñu ꞌiti cuëëncë uni a ca ñunshin ꞌatimanën ꞌapun ñu ꞌaisama ꞌanun sinánmia. Sinánmicëxun ca a unicaman, uni sinánñuman ꞌacësaribi oquinshi ꞌati ꞌicën. Atúan usoquin sináncë cupí ca an ꞌaisama ñu ꞌatishi sináncë unicamax, aín sinan ñancáishi ꞌaish xënibua ꞌaínbi Nucën Papa Diosbë ꞌitimoi bamanuxun ꞌaia.

2 Timoteo 2:26

Usaquian ꞌaquincëxa sinanacëbëtan ca ñunshin ꞌatimanën ꞌapun ax cuëëncësabi oquian ñu ꞌatima ꞌanun ꞌimicë ꞌixunbi a uni ënti ꞌicën.

Tito 2:5

Ñu ꞌaisama ꞌacëma ꞌianan ca bëcántapun ꞌitima ꞌicën. ꞌIanan ca aín xubu upí oquin bërúancë ꞌianan upiti abë cananquin bëtsi xanu ꞌaquincë ꞌiti ꞌicën. Aín bënën bana ca cuati ꞌicën. Unínma Nucën Papa Diosan bana ca upíma ꞌicë quixun caia, usa ꞌain ca an aín bana cuacë xanucamax usai ꞌi upí ꞌiti ꞌicën.

Tito 2:8

ꞌUnánmiquin camina upí oquin ꞌunánquin Nucën Papa Diosan bana quicësabi oía ꞌinun upí oquin unicama ñuixunti ꞌain, bëtsi unían —min bana ca ꞌaisama ꞌicë —quixun ñuiti rabanan. Usoquinmi ꞌacëbë ca axa mimi nishtisa tancë unicama ax a cupía mi ñuiti bana ꞌaíma ꞌain, rabínti ꞌicën.

3 Juan 1:12

Camabi unin ca —Demetrio ca upí uni ꞌicë —quixun ñuia. An upí ñu ꞌacë cupí ca ax asérabi usa ꞌicë quixun ca camabi unin ꞌunania. Ax ca aín sinan upí ꞌicë quixun cananuna a ñuiquin asérabi mi cain. Nun bana ca asérabi ꞌicë quixun camina ꞌunanin.

1 Samuel 2:24

Usokinmi mitsún ñu ꞌakë ax ka ꞌën kuakëx upíma ꞌikën, usokin ꞌakin kamina Nukën ꞌIbun unikama mitsún ꞌuchamin, usa ꞌain ka unikamax mitsun ꞌakë ñu ñui banaia.