1 Timoteo 3:4 - Kashibo-Kakataibo Biblia

⁴ Aín xubunu ꞌicë aín aintsicamaxa upí ꞌinun bërúanti ca ꞌunánti ꞌicën. An upí oquin ꞌunánmicëxuan aín bëchicënën aín bana cuacë ca ꞌiti ꞌicën.

Nukën 'Ibu Diosan ain unikama 'inan ain bana

⁴ Aín xubunu 'icë aín aintsicamaxa upí 'inun bërúanti ca 'unánti 'icën. An upí oquin 'unánmicëxuan aín bëchicënën aín bana cuacë ca 'iti 'icën.

1 Timoteo 3:4 ပူးပေါင်းရင်းမြစ်များ

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Hechos 10:2

A unix ca aín xubunua ꞌicë aín aintsi ꞌibucamabëtan Nucën Papa Dios aín bana cuaquin rabicë ꞌiacëxa. Usai ꞌianan ca ñuñuma judíos unicama ꞌitsa oquin curíqui ꞌináncëxa. ꞌInánan ca camabi nëtën Nucën Papa Diosbë banacëxa.

Efesios 5:24

Aín unicaman Cristo cuëëncësabi oquin ñu ꞌacësaribi oquin ca xanun aín bana cuaquin aín bënë cuëëncësabi oquin ꞌati ꞌicën.

Filipenses 4:8

ꞌËn xucë́antu, ësaquinshi cana mitsu cain, unían ësa ñu ꞌaia isquin camina mitsun —ax ca asábi ꞌicë —quixun sinánti ꞌain, cëmëma banacama ꞌimainun —upí ca —quixun ñuicë ñucama, ꞌimainun uni itsi paránquinma upí ñu ꞌacë, ꞌimainun ñu ꞌatima ꞌati sinánquinma upíshi ꞌiti sináncë, ꞌimainun bëtsibë upiti nuibananti, acama ꞌimainun rabiquian unin —upí ca a uni ꞌicë —quixun mitsu ñuixuncë, acama. ꞌImainun camina uisa ñu ꞌati cara upí ꞌicë, uisa ñu ꞌati ñui cara —asábi ca —quiax uni quiti ꞌicë, acama sinánti ꞌain.

1 Timoteo 3:12

An axa Jesucristomi catamëcë unicama ꞌaquincë unix ca achúshi xanuñuishi ꞌiti ꞌicën. Aín bëchicë ꞌimainun aín xubunu ꞌicë aín aintsicama upí ꞌinun bërúanti ca ꞌunánti ꞌicën.

Tito 1:6

Axa Jesucristomi catamëcë unicaman cushi ꞌinun camina ësa uni caísti ꞌain: Unin —ꞌaisama ca —quixun ñuicëma ca ꞌiti ꞌicën. Usa ꞌianan ca xanu achúshiñuishi ꞌiti ꞌicën. ꞌIanan ca aín bëchicëcamaxribi upí oquin bana cuacë ꞌiti ꞌicën. Aín bëchicëcamax ca —bana cuacëma ꞌixun ca ꞌaisama ñu ꞌaia —quixuan unin ñuicëma ꞌiti ꞌicën.

Tito 2:2

Uni apan, anpan mëcócama, ax ca paë́ncëma ꞌianan upí oquin sinánquin ñu ꞌanan ñu ꞌaisama ꞌacëma ꞌiti ꞌicën. ꞌIanan ca Nucën Papa Diosan bana quicësabi oi ꞌianan bëtsibë nuibanan an uisa ñu cara ꞌicëbëbi bënë́quin Nucën Papa Diosmi catamëti ëntima ꞌicën.

Tito 2:7

ꞌImainun camina minribi min ꞌaia isquian usaribi oquin unin ꞌanun upí ñuishi ꞌati ꞌain. Atu ꞌësëquin camina amanu amanua sinánquinma upí oquin Nucën Papa Diosan bana quicësabi oquin ꞌunánmiti ꞌain.

Josué 24:15

Usa ꞌain kamina mitsun Nukën ꞌIbu rabitisama tani, bëríbi uisa dios kaina mitsun rabitisatani kiax kiti ꞌain: Kaina mitsun chaitiokëkaman Éufrates kakë baka kuëbí pain tsókë ꞌixun rabia dios, a rabiti ꞌain ꞌakima karamina anumi bërí tsókë amorreo unibunën me anu ꞌikë dios akama rabiti ꞌai kiax kamina kiti ꞌain. ꞌAínbi kana ꞌën, xanu ꞌën bakë bëchikëkamabëbi Nukën ꞌIbu kuëënkësa oíshi ꞌiti ꞌain.