1 Timoteo 2:8 - Kashibo-Kakataibo Biblia

⁸ Ësa cana ꞌëx cuëënin, uinu cara axa Jesucristomi catamëcë unicama timëtia anuax ca nucë bënë unix upí oquin sinani, unimi nishi abë cuëbicananima, aín mëcën manámi oi Nucën Papa Diosbë banati ꞌicën.

Nukën 'Ibu Diosan ain unikama 'inan ain bana

⁸ Ësa cana 'ëx cuëënin, uinu cara axa Jesucristomi catamëcë unicama timëtia anuax ca nucë bënë unix upí oquin sinani, unimi nishi abë cuëbicananima, aín mëcën manámi oi Nucën Papa Diosbë banati 'icën.

1 Timoteo 2:8 ပူးပေါင်းရင်းမြစ်များ

1 Reyes 3:11

kakëxa: Min kamina mi ꞌakinun ꞌë ñukákin ꞌitsaira baritia tsóti ñukánan ñuñuira ꞌiti ñukánan mimi nishkë unikama bamaminun ꞌë ñukákima uisakin kaina ꞌën unikaman ꞌapu ꞌixun atu ꞌakinti ꞌai kixun ꞌë ñukan, usa ꞌain ka ax asábi ꞌikën,

Salmos 24:4

Anu kuanti uni ax ka upí sinánñu ꞌixun ñu ꞌatima ꞌati sinani ꞌuchaima ꞌianan; Dios asérabi ain anë ñui kikëma ꞌiti ꞌikën.

Salmos 63:4

ꞌanan kana ꞌëx anun tsókë nëtëkama anun mi rabiti ꞌain, ꞌusakin ꞌakin kana ꞌën mëkën manámiokin mi ñukáti ꞌain.

Salmos 66:18

ꞌËx ꞌatima sinánñu uni ꞌikë ka Diosan ꞌën bana kuakë ꞌitsianma;

Proverbios 15:8

Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Isaías 1:15

Uínsaran kaina ꞌë ñukákin manámi okin mëkën birui ëbë banain, anunbi kana ꞌën usakin ꞌaia mitsu istisama tani ꞌamo kuainakëtin; ꞌimainun kana ꞌitsaira ëbë banakin ñukákëxunbi, ꞌën a banakama kuatima. Mitsun mëkënkama ax ka anun uni ꞌakë ꞌaish imin mëshikikësa ꞌikën.

Mateo 21:21

Cacëxun ca Jesusan cacëxa: —ꞌËn cana asérabi mitsu cain, Nucën Papa Diosax ca cushiira ꞌianan ca ax quicësabi oquin ꞌaia quixun ꞌunáncë ꞌixun camina —ca ꞌatima ꞌicë —quixun sinánquinma —ca asérabi ꞌati ꞌicë —quixun sinánti ꞌain. Usaquin sináncë ꞌixunmi ꞌën ënë higuera ꞌacësoquinshi ñu ꞌaquinma ënë matáribi “ënuax ca parúmpapanu racati cuantan” quixun cacëx ca usai ꞌiti ꞌicën.

Mateo 5:44

Usai quiá ꞌaínbi cana ꞌën mitsu cain, axa mimi nishcë unicama nuibaquin ꞌaquianan camina axa mimi ꞌatimati banacë unicama ꞌimainun an mi bëtsi bëtsi ocë unicama Nucën Papa Dios ñucáxunti ꞌain.

Mateo 6:12

Unían nu ꞌatimocëxunbinu aribi ꞌatimoquinma a ñucama sinánquinma manucësaribi oquin camina nun ꞌacë ꞌatima ñucama nu tërë́nxunquin manuti ꞌain.

Lucas 23:34

Suntárunëan usoquin ꞌacëxun ca Jesusan Nucën Papa Dios cacëxa: —Papan, ënë unicaman ca añu cara ꞌaia quixun ꞌunanima. Usa ꞌicë camina atun ꞌucha tërë́nquin manumiti ꞌain. Usa ꞌain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti ꞌicë iscatsi quixun ñuratsu pain niquin tancëxa.

Lucas 24:50

Usa ꞌain ca Jesusan Jerusalénuax cuanquin Betania ëma ꞌurama, aín unicama buáncëxa. Buántancëxun aín mëcën rabë́ manámi oquin ca Nucën Papa Dios atu ñucáxuancëxa.

Juan 4:21

Cacëxun ca Jesusan cacëxa: —Asérabi cana mi cain, anúnmi ënë tucunuxunmabi, Jerusalénuxunmabi anumi mitsux ꞌicënuxunbi, Nucën Papa Dios rabiti nëtë ca aia.

Hechos 10:2

A unix ca aín xubunua ꞌicë aín aintsi ꞌibucamabëtan Nucën Papa Dios aín bana cuaquin rabicë ꞌiacëxa. Usai ꞌianan ca ñuñuma judíos unicama ꞌitsa oquin curíqui ꞌináncëxa. ꞌInánan ca camabi nëtën Nucën Papa Diosbë banacëxa.

Hechos 10:31

Niracëquin ca ꞌë caëxanxa: Cornelio, mixmi abë banacëcama ca Nucën Papa Diosan cuaxa. Cuanan ca minmi ñuñuma uni ñu ꞌináncë acamaribi ꞌunanx cuëënquin manuima.

Hechos 10:4

Cuëncëxun ami bësuquin isíbi racuëtan bamaquin ca cacëxa: —¿Añu cat? Cacëxun ca ángelnën cacëxa: —Abë banaquinmi ñuñuma uni ñu ꞌináncëcama ca Nucën Papa Diosan asábi isaxa.

Hechos 21:5

Usaquian cacëbëbi cananuna a nëtëcama inúcëbë cuancën. A ëmanuax cuancëbë ca axa Jesucristomi catamëcë unicamax aín xanu ꞌimainun aín bëchicëbëbi nubë masinu cuancëxa. Cuanx cananuna rantin puruni tsóbuax masinuax Nucën Papa Diosbë banacën.

Hechos 7:60

Catancëx rantin purúnxun ca munuma banaquin Nucën ꞌIbu Jesús catëcëancëxa: —Atúxa ësari ꞌuchaiabi camina ꞌënun rabanan uisabi otima ꞌain. Ësai quíshi ca bamacëxa.

1 Corintios 1:2

Mitsúxmi Corinto ëmanuax Jesucristomi catamëcë ꞌicë, cana cuënëoxun ënë quirica mitsu buánmin. Mitsux Cristo Jesúsmi catamëcë ꞌaish camina Nucën Papa Diosnan ꞌain. An ca ax cuëëncësabi oíshi ꞌinun mitsu caísacëxa. Camabi menu ꞌicë unicama, an Nucën ꞌIbu Jesucristo aín ꞌuchacama tërë́nxunun quixun ñucácë, a unicama usai ꞌinun caíscësaribi oquin ca Nucën Papa Diosan mitsu caísacëxa. Jesucristo ax ca a unicaman ꞌIbu ꞌianan nun ꞌIburibi ꞌicën.

1 Corintios 7:7

ꞌËn sináncëx ca camabi uni ꞌësaribi xanuñuma ꞌiti asábi ꞌicën. Usa ꞌaínbi ca Nucën Papa Diosan achúshi achúshi uni, xanuribi, uisai cara ꞌiti ꞌicë quixun mëníoia.

2 Corintios 2:14

Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

Filipenses 1:12

ꞌËn xucë́antu, mitsun ꞌunánun quixun cana ësaquin mitsu cain, ꞌë sipuacancë cupí ca ꞌitsa uni Jesucristomi sinania quixun.

1 Tesalonicenses 1:8

Usaími mitsux ꞌicëbëtan ca Macedonia ꞌimainun Acayanu ꞌicë unicamainshima, bëtsi bëtsi menu ꞌicë unicamanribi Jesucristo ñuicë bana ꞌunánan mitsúxmi asérabi Nucën Papa Diosnan ꞌicë cuaxa. Nun ñuixuncëxunmabi ca camabi unin, uni raírinëan camabi menuxun mitsu chanioia cuaquin, mitsux camina asérabi Nucën Papa Diosmi upiti catamëti quixun ꞌunania.

1 Timoteo 5:14

Usaía ꞌitima cupí cana cuëënin, xutani ꞌaísha ax casunamëcë xanux ca bënuti ꞌicën. Bënutancëxun tuatancëxun ca aín tuá ꞌimainun aín xubunu ꞌicë ñucama upí oquin bërúanan, aín bënëribi ꞌaquinti ꞌicën. Usaquian ꞌacëbë ca axa Jesucristomi sináncëma unicama a xanu ñui ꞌatimati banatima ꞌicën.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.

Hebreos 10:22

A cupí nun ꞌuchacama tërë́ncë ꞌaish cananuna uisa ñu cara ꞌaisama ꞌicë quixunu ꞌunánquin mëníocë ꞌaish asérabi ax cuëëncësabi oi ꞌiisa tani Nucën Papa Diosbë banati ꞌain, an ca cuati ꞌicë quixun ꞌunani. Ax Nucën Papa Diosbë banai tabernáculo xubunu atsínux ca sacerdote aín ꞌucha tërë́ncë ꞌianan upiti nashi mëníocacëxa. Usaribiti cananuna Jesucristo cupí chucacësa ꞌaísha nun nuitu, nun sinan upí ꞌain Nucën Papa Diosbë banain.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.

1 Pedro 3:7

Xanuñu unicamaribi cana ësaquin cain, min xanubë camina upí oquin sinani nuibananti ꞌain. Axa xanu ꞌaish cushima cupíshima, mix ꞌicësaribitia ax Nucën Papa Diosmi catamëcë cupí camina a nuibaquin ꞌaquinti ꞌain, mitsúnmi usoquin ꞌaia isquian Nucën Papa Diosan mitsúnmi a ñucácë bana upí oquin cuati cupí.