1 Timoteo 2:5 - Kashibo-Kakataibo Biblia

⁵ Nucën Papa Dios ax ca achúshishi ꞌicën. An abë́a camabi uni upí ꞌinun ꞌimiti axribi ca achúshishi ꞌicën, a uni ca Jesucristo ax ꞌicën.

Nukën 'Ibu Diosan ain unikama 'inan ain bana

⁵ Nucën Papa Dios ax ca achúshishi 'icën. An abë́a camabi uni upí 'inun 'imiti axribi ca achúshishi 'icën, a uni ca Jesucristo ax 'icën.

1 Timoteo 2:5 ပူးပေါင်းရင်းမြစ်များ

Isaías 44:6

Ësai ka Nukën ꞌIbu, Israel unikama ꞌapu an atu biti, kamabi kushiñu ax kiaxa: “ꞌËx irapain kana ñu ꞌaíma ꞌain ꞌiakën, usa ꞌaish kana kamabi ñu këñúkëbëbi anubi ꞌiti ꞌain; usa ꞌain ka bëtsi dioskama ax ësaribi asérabi ꞌiti ꞌaíma ꞌikën.

Mateo 1:1

Jesucristo ax Davitan rëbúnqui ꞌaish ca Abrahamnën rëbúnquiribi ꞌiacëxa. Jesucristonën raracama ca ënë unicama ꞌiacëxa:

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Lucas 14:22

Caquian xucëx cuanx utëcënquin ca an ñu mëëxuncë unin caxa: Minmi ꞌë cacësabi oquin cana unicama bëan, camáxbi ca uaxa, usa ꞌaínbi ca ꞌiti tsitsícëma pain ꞌicën.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Hechos 4:12

Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

Romanos 1:3

A cuënëomia banax ca aín Bëchicë, Nucën ꞌIbu Jesucristo ñui quicë ꞌicën. Aín ꞌunan papa ax ca Davidnën rëbúnqui ꞌiacëxa.

Romanos 10:12

Judíos unicama ꞌimainun judíosma unicamaribi ꞌimainun uisa uni cara, axbi ca Cristomi catamëti ainan ꞌia. Cristo ax ca camabi uni axa ami catamëcë aín ꞌIbu ꞌicën. Usa ꞌixun ca an ñucácë unicama upí oquin ꞌaquianan ax cuëëncësamaira oquin ñu ꞌinania.

1 Corintios 8:4

Unínbi ꞌacë ñu rabiquin ñuina rëcë aín nami piti cara asábi ꞌicë quixunmi ꞌë ñucácë bana a ñuiquin cana ësaquin mitsu cain. Cananuna ꞌunan, unin ꞌacë ñu ax ca ñuishi uniocë ꞌaish asérabi diosma ꞌicën. Nucën Papa Dios ax ca achúshi ꞌicën, bëtsi dios ca ꞌaíma ꞌicën.

1 Corintios 8:6

Usaquian sináncëbëtanbi cananuna nun ꞌunanin, achúshi ca Nucën Papa Dios ꞌicën. An ca camabi ñu uniocëxa. Ainan ꞌinun ca nuribi uniocëxa. ꞌImainun ca Nucën ꞌIbu achúshi, Jesucristo, ashi ꞌicën. An ca aín Papabëtan camabi ñu unionan nuribi uniocëxa.

Gálatas 3:20

An cacë bana ñuiquin judíos unicama canun Moisés ꞌiminuxbi ca Nucën Papa Dios achúshi, ax Abrahambëbi banacëxa, uni itsi camima.

Efesios 4:6

Nucën Papa Dios axëshi ca aín unicaman Dios ꞌianan aín unicaman ꞌIbu ꞌicën. Usa ꞌixun ca ax cuëëncësabi oquian ñu ꞌanun aín unicama ꞌaquinia. Ax ca aín unicamabë ꞌicën.

Deuteronomio 6:4

Israel unikama mitsun kamina ꞌën kakëxun kuati ꞌain, Nun ꞌIbu Dios ax ka Nukën ꞌIbu achúshishi ꞌaish ashi ꞌikën.

1 Timoteo 6:13

Nucën Papa Dios, an camabi ñu unio, a ꞌimainun Jesucristo, Poncio Pilatonën ñucácëxun chiquinaquin —ꞌApu ꞌinux cana uacë —quixun cá, ax cuëëncësabi oquin cana mi cain,

Hebreos 12:24

Anuribi ca ax aín imi ꞌapati bama ꞌixuan an nuxribinu anu ꞌinun mëníocë, Jesús, ax ꞌicën. —Cain, an Abel ꞌacë uni, ax ca cupicë ꞌiti ꞌicë —quiax Nucën Papa Dios quicëbë ca usai ꞌiacëxa. Usa ꞌaínbi ca Jesús bamacë cupí uínbi an ꞌacë uni cupiama ꞌicën. Usoquian Jesús unin ꞌá ꞌixunbi ca aribi cupiquinma uicamax cara ami catamëtia, a aín ꞌucha sinántëcëntimoquin tërënia.

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.

Hebreos 8:6

—Nucën Papa Diosan Moisés cuënëomia bana quicësabi oi ꞌi ca uni Nucën Papa Diosnan ꞌiti ꞌicë —quiáxa ax quicë bana, asamaira ca —Jesúsmi catamëtishi ca uni Nucën Papa Diosnan ꞌiti ꞌicë —quicë bana, ax ꞌicën. Usa ꞌain ca Levitan rëbúnquinën unin ꞌucha tërë́ncë ꞌinun ꞌásamaira oquin Jesusan nun ꞌucha tërë́nquin Nucën Papa Diosbë upí ꞌinun nu ꞌimia.

Hebreos 9:15

Usa ꞌain ca Nucën Papa Dios quiásabi oi, an Cristomi catamënun sinánmicë unicama xënibua ꞌaínbi abë ꞌinun Cristo bamacëxa. An Moisésnën cuënëo bana cua nucën raracaman ꞌucharibi ca Cristo bama cupí, tërë́ncë ꞌicën. Usa ꞌain ca Moisésnën cuënëo bana ꞌiásama Cristo ñui quicë bana ꞌicën.

1 Juan 2:1

ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.

Apocalipsis 1:13

Cuainacëquin cana mëcën achúshi ꞌimainun rabë́ anu lamparín nanti curi ꞌacë isan. Anu lamparín nanti curi ꞌacë achúshi achúshi sëtë́cë, acama nëbë́tsinua cana uni achúshi isan. Ax ca uni ꞌaíshbi Jesús ꞌiaxa. Aín taria chaxcë́ ꞌimainun ca anúan shitëcërëquicë ax curi ꞌacë ꞌiaxa.