1 Timoteo 2:3 - Kashibo-Kakataibo Biblia

³ Usoquin Nucën Papa Dios camabi uni ñucáxunti ca asábi ꞌicën. Nucën Papa Dios, an nu ainan ꞌinun ië́micë, ax ca usoquian aín unicaman ꞌati cuëënia.

Nukën 'Ibu Diosan ain unikama 'inan ain bana

³ Usoquin Nucën Papa Dios camabi uni ñucáxunti ca asábi 'icën. Nucën Papa Dios, an nu ainan 'inun ië́micë, ax ca usoquian aín unicaman 'ati cuëënia.

1 Timoteo 2:3 ပူးပေါင်းရင်းမြစ်များ

Isaías 45:21

Usa ꞌain ka timë́kankë ꞌain añu karamina mitsun a ax kiti uni anu ꞌiti ꞌikën, ax ka uin kara ësokin ꞌati sinánxun axa kiax bëtsibë bëtsibë ñukákananti ꞌikën: ¿Uin kara bërámabi ënë ñukama ꞌisama ꞌaínbi kitabati usai ka ñu ꞌinuxun ꞌaia kiax kiakëx? ¿Uixira kara bërámabi usaía ñu ꞌiti ñui ꞌitabakëbë usai ka ꞌinuxun ꞌaia kiakëx? ¿ꞌËx karana min ꞌIbu ꞌaish axa a ñukama ñui kia ꞌama ꞌain? Usa ꞌain ka ꞌësaribi Dios uinubi ꞌaíma ꞌikën. Uinubi ka ꞌësaribi Dios an ain unikama bëtsibë ꞌakanania kananmikin ië́mikë ꞌaíma ꞌikën.

Lucas 1:47

ꞌËn ꞌIbu Dios an ainan ꞌinun ꞌë ië́micë, a sinani cana cuëëinra cuëënin.

Romanos 14:18

Usai ꞌicë unicamax ca Cristo cuëëncësabi oquin ꞌacë ꞌaish Nucën Papa Diosan iscëx upí ꞌianan unínribia iscëx upí ꞌicën.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Filipenses 4:18

ꞌËmi bëmicë curíquicama cana bian. Anun ꞌën cuëëncë ñu bitiribi ca tëxëaxa. Epafroditonën ca mitsúnmi bëmicë curíquicama ꞌë ꞌinánxa. Mitsúnmi ainan cupí nuibaquin ꞌë usaquin ꞌinania isi ca Nucën Papa Dios cuëëanxa.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

1 Tesalonicenses 4:1

Nucën xucë́antu, Nucën ꞌIbu Jesús cuëëncësabi oquin ꞌësëquin cananuna ësaquinribi mitsu cain, uisai ꞌianan caramina uisaira oquinribi Nucën Papa Dios cuëëntanun ꞌati ꞌai quixunu mitsu ꞌunánmicësabi oquin ꞌaquinbi camina mitsun ꞌacësamaira oquin camabi nëtën ꞌati ꞌain.

1 Timoteo 1:1

ꞌËx cana Pablo, aín bana uni ñuixunuan Jesucristonën caísa ꞌain. Usa ꞌinun ca Nucën Papa Dios, an nu ainan ꞌinun ië́micë, abëtan Jesucristo, an nu asaribi ꞌiminunu nun caíncë an mëníocëxa.

1 Timoteo 4:10

Nucën Papa Dios, axa bamatimoi tsócë, an camabi uni ainan ꞌinun ië́misa tanquin Jesucristomia ax catamëcë unicama ië́micë, an ca axa quicësabi oquin ënë menuxun ꞌimianan aín nëtënuxunribi aín unicama upitax ꞌinun ꞌimiti ꞌicë quixun cananuna ꞌunanin. Usa ꞌixun cananuna nun ꞌacësaribi oquian camabi unin ꞌunánun, tëmëranan uni numi ꞌatimati banacë ꞌixunbi unicama Nucën Papa Diosan bana ñuixunin.

1 Timoteo 5:4

Usa ꞌaínbi ca xanu casunamëcënëx tuáñu ꞌianan babañu ꞌicë aín tuábëtan aín baban ꞌaquinti ꞌicën, chamará ꞌicë ca aín papabëtan aín titan tëmëraquinbi nuibaquin tuá canioia, usa cupí. Usa ꞌain camina uni ꞌimainun xanu, aín tita, aín papa ꞌimainun aín xubunu ꞌicë aín aintsicamaribi ꞌaquianan ñu ꞌaxunti ꞌunánmiti ꞌain. Usoquian ꞌati ca Nucën Papa Dios cuëënia.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

Hebreos 13:16

Rabianan camina uni raíri ꞌaquinquin ñu upí ꞌati manutima ꞌain. Ñuñuma uniribi camina nuibaquin min ñu mësú ꞌinánti ꞌain. Unían usaquin ꞌaia isi ca Nucën Papa Dios cuëënia.

1 Pedro 2:20

Usa ꞌaínbi ca upí oquin ñu mëëiama, an mitsu ñu mëëmicë unin mitsu ꞌatimoquin tëmëramicëxunmi tanshitiabi Nucën Papa Diosan mitsu upí isima, mitsun ꞌucha cupía usoquin mitsu ꞌaia isquin. Isanan ca upí oquinmi ñu mëëxuncëxunbia an mitsu ñu mëëmicë unin ꞌatimoquin tëmëramicëxunmi tanshitia Nucën Papa Diosan mitsu upí isia.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.