1 Timoteo 2:2 - Kashibo-Kakataibo Biblia

² Usonan ca camabi nëtënu ꞌicë ꞌapucama ꞌimainun ꞌapun anëcë unicamaribi Nucën Papa Dios ñucáxunti ꞌicën, nuxnu upí sinánñu ꞌianan ubíonananima chuámashirua ꞌaish ax cuëëncësabi oi ꞌi bucunun.

Nukën 'Ibu Diosan ain unikama 'inan ain bana

² Usonan ca camabi nëtënu 'icë 'apucama 'imainun 'apun anëcë unicamaribi Nucën Papa Dios ñucáxunti 'icën, nuxnu upí sinánñu 'ianan ubíonananima chuámashirua 'aish ax cuëëncësabi oi 'i bucunun.

1 Timoteo 2:2 ပူးပေါင်းရင်းမြစ်များ

Esdras 6:10

ꞌinánkëxun ka ax kuëëntisabi okin akama Dios xaroxunkin ꞌë ñukáxuanan ꞌën bakë chikëkamaribi Dios ñukáxunti ꞌikën.

Nehemías 1:11

Dios ꞌën mi ñukákëxun kamina kuati ꞌain, ꞌimainun kamina min unikaman ñukákëxunribi kuati ꞌain, usa ꞌain kamina an mishi rabitisa tankë unikaman ñukákëxun kuati ꞌain. ꞌImainun kana ësokinribi mi ñukatin ꞌapuan ꞌën kakëxun ꞌëmi upíokin sinánkin ꞌakinun kamina sinánmiti ꞌain.”

Salmos 72:1

¡ꞌËn ꞌIbu Dios, axa ꞌapu ꞌiti uni ënë kamina, min ꞌakësarabi okin upíokin ñu ꞌanun ꞌamiti ꞌain,

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Lucas 2:25

Jerusalénu ꞌicë uni achúshi ax ca Simeón caquin anëcë ꞌiacëxa. A unix ca upí nuituñu ꞌixun a rabianan Nucën ꞌIbu Dios quicësabi oquin ꞌacë ꞌiacëxa. Usa ꞌixun ca an Israel unibu chuámashirua ꞌimiti, axa uti caíancëxa. Usa ꞌain ca abë Nucën Papa Diosan Bëru Ñunshin Upí ꞌiacëxa.

Hechos 10:22

Cacëxun ca a unicaman Pedro cacëxa: —Cornelio cacë suntárnunën cushi, ax upí uni ꞌianan an Nucën Papa Diosan bana cuacë ꞌicëa upí uni ꞌicë judíos unicaman ꞌunáncë, a ca Nucën Papa Diosan xucë ángelnën caxa, min bana cuanuxuan aín xubunumi cuanun mi caminun quixun.

Hechos 24:16

Usaquin sináncë ꞌaish cana Nucën Papa Diosmi ꞌuchaima ꞌianan uisa unimibi ꞌuchaima ꞌiisa tanin. Usai ꞌinuxun cana camabi nëtën ñu ꞌatima ꞌaquinma ñu upíshi ꞌain.

Romanos 12:18

Mitsux camina ax paían mimi nishcëxma uni raírimi nishtima ꞌain. Usa ꞌaish camina atúxa mitsumi nishcëxbi mitsux abë nishanantima ꞌain.

Filipenses 4:8

ꞌËn xucë́antu, ësaquinshi cana mitsu cain, unían ësa ñu ꞌaia isquin camina mitsun —ax ca asábi ꞌicë —quixun sinánti ꞌain, cëmëma banacama ꞌimainun —upí ca —quixun ñuicë ñucama, ꞌimainun uni itsi paránquinma upí ñu ꞌacë, ꞌimainun ñu ꞌatima ꞌati sinánquinma upíshi ꞌiti sináncë, ꞌimainun bëtsibë upiti nuibananti, acama ꞌimainun rabiquian unin —upí ca a uni ꞌicë —quixun mitsu ñuixuncë, acama. ꞌImainun camina uisa ñu ꞌati cara upí ꞌicë, uisa ñu ꞌati ñui cara —asábi ca —quiax uni quiti ꞌicë, acama sinánti ꞌain.

1 Tesalonicenses 4:11

Camina upítaxëshi bucuquin uni raíri ubíoquinma mitsun ñu mëëtishi mitsúnbi ꞌai bucuti ꞌain, nun mitsu cacësabi oi.

Hebreos 12:14

Nishananima camina upitaxëshi bucuti ꞌain. Aín ꞌucha ëncëma unix ca Nucën Papa Diosbë ꞌitima ꞌicën. Usa ꞌain camina nishananima upitax bucuquin uisa ꞌuchabi ꞌati sinántima ꞌain.