1 Timoteo 1:7 - Kashibo-Kakataibo Biblia

⁷ Nucën Papa Diosan bana unicama ꞌunánmisa tanquin ñuixunquinbi ca a bana —uisai cara quia —quixun cuatima. ꞌImainun ca a ñuixuncë banacama —asérabi ca usa ꞌicë —quixun ñuixunquinbi uisai quicë cara quixun a bana anbi cuatima.

Nukën 'Ibu Diosan ain unikama 'inan ain bana

⁷ Nucën Papa Diosan bana unicama 'unánmisa tanquin ñuixunquinbi ca a bana —uisai cara quia —quixun cuatima. 'Imainun ca a ñuixuncë banacama —asérabi ca usa 'icë —quixun ñuixunquinbi uisai quicë cara quixun a bana anbi cuatima.

1 Timoteo 1:7 ပူးပေါင်းရင်းမြစ်များ

Mateo 15:14

Fariseo unicamaxa nishiabi camina isëshiti ꞌain. Atun Nucën Papa Diosan bana uni itsi ꞌunánmiti ꞌixunbi ca uisai cara quia quixun ꞌunanima. Ca bëxuñu unisa ꞌicën. Bëxuñu unin abë bëxuñu uni itsi buáncatsi quixun ꞌaíbi ca bëxuñu ꞌixun uin cuanti cara quixun ꞌunanima, a rabëtaxbi aman cuanx quininu nipacëti ꞌicën.

Mateo 21:27

Usai canantancëxun ca Jesús cacëxa: —Uin xucë cara ꞌiacëxa quixun cananuna ꞌunaniman. Cacëxun ca Jesusan cacëxa: —Mitsúnmi ꞌën ñucácëxun ꞌë ñuixuncëxunma cana ꞌënribi uin cushin carana ësaquin ñu ꞌai quixun mitsu caiman.

Lucas 2:46

Usa ꞌain ca rabë́ ꞌimainun achúshi nëtë ꞌicëbëtan anuxun Nucën Papa Dios rabiti xubunu tsóxuan, an Moisésnën cuënëo bana uni ꞌunáncë unicaman bana ñuixuncëxun cuaquin anribi atu bana ñucatia mëracëxa.

Hechos 15:1

Usa ꞌain ca judíos uni raíri Judea menuax Antioquíanu cuanxun, axa Jesucristomi catamëcë unicama ësaquin cacëxa: Mitsux asérabi Nucën Papa Diosnan ꞌinux ië́tisa tani camina Moisés quiásabi oi ꞌunánti oracacë ꞌiti ꞌain.

Romanos 1:22

—ꞌËx cana sinánñu ꞌai —quicë ꞌaíshbi ca sinánñumasa ꞌicën.

Gálatas 3:2

Camina ꞌë cati ꞌain, ¿Moisésnëan usai ca judíos unicama ꞌiti ꞌicë quixun cuënëo banami cuacë cupí cara Nucën Papa Diosan aín Bëru Ñunshin Upí mitsubëa ꞌinun mitsu ꞌináncëx? Usama ca. Jesucristo ñui quicë bana cuatími ami catamëcëxuinshi ca aín Bëru Ñunshin Upí mibëa ꞌinun mitsu ꞌináncëxa. ¿Usa ꞌixunbi caramina mitsun Nucën Papa Diosan Bëru Ñunshin Upitan mitsu upí ꞌimiti sinántancëxunbi —ꞌën ñu upí ꞌacë cupíshi ca Nucën Papa Diosan ꞌë upí isia —quixun sinanin? Usaquin sinani camina sinánñuma unicamasa ꞌain.

Gálatas 3:5

Nucën Papa Diosan ca aín Bëru Ñunshin Upí ꞌinánan uni itsían ꞌacëma ñu mitsu ꞌamia. ¿Uisa cupí cara mitsu usoquin ꞌamia? An ca usaquin ꞌaia, mitsúnmi Moisésnëan usai judíos unicama ꞌiti cuënëo bana cuacë cupíma mitsúxmi Jesucristo ñui quicë bana cuati, ax ca asérabi ꞌëbë ꞌicë quixun sinani, ami catamëcë cupí.

Gálatas 4:21

Mitsux Moisésnën cuënëo bana quicësabi oquin ꞌati cuëëncë ꞌixun camina ꞌën ñucácëxun ꞌë cati ꞌain, ¿caramina uisai cara a bana quia quixun upí oquin ꞌunáncëma ꞌain?

1 Timoteo 6:4

a unin ca rabiacaquinbi añu ñubi ꞌunáncëma ꞌicën. Usa unin ca abë cuëbicanantishi cuëënquin —usama ca, ësaira ca bana ꞌicë —quixun raíri unicama cuëbicananquinia. Usai ꞌi ca a unicamax nutsianan, nishánanan, ñuianani ꞌatimati banaia. Usa ꞌixun ca uinu ꞌicë unínbi ca asérabi bana ñuima quixun sinania.

2 Timoteo 3:7

Usa ꞌixun ca bëtsi bëtsi bana cuaquinbi uisai cara Jesucristomi catamëti ꞌicë quixun ꞌunanima.

Santiago 3:1

ꞌËn xucë́antu, mitsux camina camáxëshiira an axa Jesucristomi catamëcë unicama ꞌunánmicë uni ꞌitima ꞌain. Camina ꞌunanin, usa uni ꞌixunbi ꞌatima ñu ꞌai camina raíri unicama ꞌacësamaira oquin ꞌuchocë ꞌiti ꞌain.

2 Pedro 2:12

Ënë unicamax ca sinánñuma ꞌixuan ñuinacan, uisa cara oia quixun sinánquinmabi, ñu ꞌacësaribi oquin ꞌanan ñuinanëxa mëraquian unin ꞌanúnbi nicësa, usaribi ꞌicën. Atux ca an ꞌunáncëma ñu ñui ꞌatimati banaia. Usa ꞌaish ca ñuina bamacësaribi bamati ꞌicën.