1 Timoteo 1:6 - Kashibo-Kakataibo Biblia

⁶ Usaía ꞌinun ꞌunánminun ca Nucën Papa Dios cuëënia quixun sinanima ca bëtsi bëtsi uni amanu amanua sinani banaia. Usa ꞌixun ca Nucën Papa Dios cuëëncësabi oía ꞌinun aín unicama ꞌaquinima.

Nukën 'Ibu Diosan ain unikama 'inan ain bana

⁶ Usaía 'inun 'unánminun ca Nucën Papa Dios cuëënia quixun sinanima ca bëtsi bëtsi uni amanu amanua sinani banaia. Usa 'ixun ca Nucën Papa Dios cuëëncësabi oía 'inun aín unicama 'aquinima.

1 Timoteo 1:6 ပူးပေါင်းရင်းမြစ်များ

Mateo 18:12

Ësaribi oquin ca Jesusan cacëxa: —Ca ësa ꞌicën. ¿Cien carneroñua ꞌaínbia achúshi amanu cuani nëtëtia cara unin a baritima ꞌic? Raíri noventa y nueve an matá menuxun pasto piia ëbianxun ca axa nëtë́cë a bariti ꞌicën, ¿usa cat?

1 Timoteo 5:15

Usai ꞌiquinma ca casunamëcë xanu raírinën Nucën Papa Diosmi sinánti ënxun ñunshin ꞌatimanën ꞌapu Satanasnëan sinánmicësabi oquinshi ꞌaia.

2 Timoteo 2:18

A uni rabëtax ca Nucën Papa Diosan banamabi cëmë bana ñui, anun baísquiti nëtë isa inúacëxa. Usa ꞌaínsa uni bama ꞌaish baísquitima ꞌicë quixun caquin, uni raíri uisa cara ꞌiti ꞌicë quixun sináncasmamia.

2 Timoteo 4:10

Demas ax ca ënë menu ꞌicë ñuishi ꞌaisamaira cuëëni, ꞌë ëbiani Tesalónica ëmanu cuanxa. Crescente axribi ca Galacia menu cuanxa. Cuanmainun ca Titoxribishi Dalmacia menu cuanxa.

Tito 1:10

ꞌItsa unix —ꞌëx cana Nucën Papa Diosan bana cuati —quicë ꞌaíshbi ca a bana quicësabi oi ꞌima. Usa ꞌixun ca uni parania. Uni itsíxa usari ꞌicësamaira oi ca judíos unicama raírinëx ꞌia.

Tito 3:9

Bëtsi bëtsi unix ca sinánxmaishi aín rara ꞌiá bana ñui bëtsi unibë cuëbicanánan, usaía judíos unicama ꞌitia Moisésnën cuënëo bana uisai quicë cara quixun ñui cuamianani bëtsibë nishánania. Usaía ꞌiabi camina mixribi usai ꞌiquinma atu isëshiti ꞌain. Usai ꞌiquin upí oquin sinani banacëma ꞌixun ca unin bëtsi uni upitaxa ꞌinun ꞌaquinima.