1 Timoteo 1:1 - Kashibo-Kakataibo Biblia

¹ ꞌËx cana Pablo, aín bana uni ñuixunuan Jesucristonën caísa ꞌain. Usa ꞌinun ca Nucën Papa Dios, an nu ainan ꞌinun ië́micë, abëtan Jesucristo, an nu asaribi ꞌiminunu nun caíncë an mëníocëxa.

Nukën 'Ibu Diosan ain unikama 'inan ain bana

¹ 'Ëx cana Pablo, aín bana uni ñuixunuan Jesucristonën caísa 'ain. Usa 'inun ca Nucën Papa Dios, an nu ainan 'inun ië́micë, abëtan Jesucristo, an nu asaribi 'iminunu nun caíncë an mëníocëxa.

1 Timoteo 1:1 ပူးပေါင်းရင်းမြစ်များ

Isaías 43:11

ꞌËx ishi kana Nukën ꞌIbu a ꞌain; ꞌimainun ka ꞌësaribi axa ië́mianankë ꞌaíma ꞌikën.”

Isaías 43:3

ꞌËx kana min ꞌIbu, an mi ië́miti a ꞌain, ꞌëx kana Israel kaman Dios ꞌupíira a ꞌain. ꞌËn kana mitsu ꞌënan ꞌinun biakën; ꞌën kana Egipto, Etopía ꞌimainun Sabá mitsumi nishkë uni aín kushinua chikínun ꞌën mi kupíoxuan.

Isaías 45:15

ꞌAínbi kamina mix achúshi Dios istima, an Israel unikama ië́mikë a ꞌain.

Isaías 45:21

Usa ꞌain ka timë́kankë ꞌain añu karamina mitsun a ax kiti uni anu ꞌiti ꞌikën, ax ka uin kara ësokin ꞌati sinánxun axa kiax bëtsibë bëtsibë ñukákananti ꞌikën: ¿Uin kara bërámabi ënë ñukama ꞌisama ꞌaínbi kitabati usai ka ñu ꞌinuxun ꞌaia kiax kiakëx? ¿Uixira kara bërámabi usaía ñu ꞌiti ñui ꞌitabakëbë usai ka ꞌinuxun ꞌaia kiakëx? ¿ꞌËx karana min ꞌIbu ꞌaish axa a ñukama ñui kia ꞌama ꞌain? Usa ꞌain ka ꞌësaribi Dios uinubi ꞌaíma ꞌikën. Uinubi ka ꞌësaribi Dios an ain unikama bëtsibë ꞌakanania kananmikin ië́mikë ꞌaíma ꞌikën.

Isaías 49:26

ꞌËn kana an mi ꞌatima okë unikama aín namibia pinun ꞌamiti ꞌain, usakin ꞌamianan kana aín imibi xëatankëxa paë bata vino ꞌakë xëatankëx ꞌikësai paënun ꞌimiti ꞌain. Usakin ꞌaia ka unikaman ꞌëx aín ꞌIbu ꞌixun atu ië́mia kixun ꞌunánti ꞌikën, ꞌëx kana kushiira ꞌixun an Jacobnën rëbúnkikama ꞌakianan, tëmëraiabi chikian a ꞌai kiax ka Dios kiakëxa.”

Isaías 60:16

Bëtsi bëtsi menu tsókë unikaman atun piti upíira a bëxun ꞌinámainun, ka ꞌapukamanribi ñu upíbu akama mitsu bëxúnti ꞌikën; bëxunkëxun kamina mitsun ꞌëx kana Nukën ꞌIbu a ꞌai kixun ꞌunánkanti ꞌain, ꞌunánan ka ꞌëx kushiira ꞌixun kana Israel unikama ië́mikin bitëkëa kixun ꞌunánkanti ꞌikën.

Isaías 63:8

Ax ka ësai kiakëxa: “Atux ka ꞌën unibu ꞌikën, usa ꞌixun ka atun ꞌën kuëënkësokin ꞌakin ꞌë parántima ꞌikën.” An ka atu ië́miakëxa,

Oseas 13:4

Ësai ka Dios kia: ꞌËx kana mitsun ꞌIbu ꞌianan Dios ꞌain, usa ꞌaish kana anunmi Egipto menu ꞌikankë anubi anu ꞌiakën: Usa ꞌain kamina bëtsi dios ax ꞌiisa min Dios ꞌikë kakin unántima ꞌain, ꞌëx ishi kana an mi ië́miti a ꞌain.

Lucas 1:47

ꞌËn ꞌIbu Dios an ainan ꞌinun ꞌë ië́micë, a sinani cana cuëëinra cuëënin.

Lucas 2:11

Ënë nëtën ca bacë́anxa anuax David bacë́an ëmanuax an camabi uni aín ꞌucha tërë́ncë ꞌaish Nucën Papa Diosnan ꞌinun ië́miti. Ax ca Nucën ꞌIbu Cristo, a ꞌicën.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

1 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin aín bana unicama ñuixunun ca Jesucristonën ꞌë caísacëxa. An caísa ꞌixun cana Sóstenesbëtan mitsu quirica buánmin. Axribi ca Jesucristomi catamëcë ꞌaish nucën xucën ꞌicën.

1 Corintios 9:17

Nucën Papa Diosan ca Jesucristo cupía unicama ainan ꞌinun ië́miti ꞌicë quicë bana, a ꞌëxbi cuëënquin ñuixuncë ꞌixun cana cupí biti sinántsian. ꞌIxunbi cana ꞌënbi sináncëma, an ꞌë a bana ñuixunun ꞌë cacë cupí, an cacësabi oquinshi ꞌati ꞌain.

2 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin ca Jesucristonën ꞌën a ñuiquin aín bana uni ñuixunun ꞌë caísacëxa. An caísa ꞌixun cana Timoteobëtan mitsu quirica buánmin. Axribi Jesúsmi catamëcë ꞌaish ca nun xucën ꞌicën. Mitsúxmi Corinto ëmanu ꞌicë axa Jesucristomi catamëcë unicama ꞌimainun Acaya menu ꞌicëcama axa Jesucristo cupí Nucën Papa Diosan iscëx upí ꞌicë, micama cananuna ënë quirica buánmin.

Gálatas 1:1

ꞌËx cana Pablo ꞌain. Unin ca Jesucristo ñuiquin uni bana ñuixunun ꞌë caísama ꞌicën. Nucën Papa Dios, an a bamacë ꞌicëbi baísquimicë, abëtan ca Jesucristonën aín bana ñuixunun ꞌë caísacëxa.

Gálatas 1:11

ꞌËn xucë́antu, mitsúnmi ꞌunánun cana ësaquin mitsu cain, Jesucristo ñui quicë bana ꞌën mitsu ñuixuncë ax ca unínbia sináncë banama ꞌicën.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

1 Timoteo 1:12

Nucën ꞌIbu Jesucristonën ca ꞌën an cacësabi oquin ꞌati ꞌunánxun, aín bana ñuixunun caxun, usoquin ꞌanun ꞌë cushioxa. Usa ꞌain cana a ñucama sinánquin —asábi ca —quixun a cain.

1 Timoteo 2:3

Usoquin Nucën Papa Dios camabi uni ñucáxunti ca asábi ꞌicën. Nucën Papa Dios, an nu ainan ꞌinun ië́micë, ax ca usoquian aín unicaman ꞌati cuëënia.

1 Timoteo 2:7

Usa ꞌain cana an ꞌimicë ꞌixun judíos unicamaishima judíosma unicamaribi Jesucristomi catamëtía Nucën Papa Dios cuëëncësabi oi ꞌinun ꞌunánmin. Usaquin uni ꞌunánminun ca Nucën Papa Diosan ꞌë caísacëxa quixun ñuixunquin cana Cristonan ꞌixun cëmëquin paránquinma mi can.

1 Timoteo 4:10

Nucën Papa Dios, axa bamatimoi tsócë, an camabi uni ainan ꞌinun ië́misa tanquin Jesucristomia ax catamëcë unicama ië́micë, an ca axa quicësabi oquin ënë menuxun ꞌimianan aín nëtënuxunribi aín unicama upitax ꞌinun ꞌimiti ꞌicë quixun cananuna ꞌunanin. Usa ꞌixun cananuna nun ꞌacësaribi oquian camabi unin ꞌunánun, tëmëranan uni numi ꞌatimati banacë ꞌixunbi unicama Nucën Papa Diosan bana ñuixunin.

Tito 1:3

An mëníosabi oquin ca anúan unicama ënë ñucama ꞌunánti nëtëa ꞌicëbëtan aín unicaman bana ñuixuncëxun camabi unin cuanun mëníoquin, ꞌënribi uni aín bana ñuixunun Nucën Papa Diosan ꞌë caísacëxa. An ca Cristomi catamëtia ainan ꞌinun unicama iëmia.

Tito 2:10

ꞌAnan camina a unicama ësaquin ꞌunánmiti ꞌain, an iscëxun ꞌananbia an ñu mëëmicë unían iscëxunmabi, ñu mëcamaquinma upí oquinshi ñu mëënun. Atúxa usai ꞌicëbëtan ca camabi unin —Nucën Papa Dios, an uni ainan ꞌinun ië́micë, aín unicamax ca asérabi upí ꞌicë —quixun ꞌunánti ꞌicën.

Tito 2:13

Usaquin ꞌunánmianan ca nu ꞌunánmia, nux ainan ꞌixun cananuna ax quiásabi oía an nu ië́micë Jesucristo, ax Nucën Papa Diosribi ꞌaish, aín cushibëbi utëcënti nëtë caínti ꞌai quixun.

Tito 3:4

Usaínu ꞌiá ꞌicëbi ca Nucën Papa Dios, an nu ainan ꞌinun ië́miti, an, an ca upíira ꞌixun nu nuibatia quixun nu ꞌunánmiacëxa.

Tito 3:6

Jesucristo, an nu ië́micë, a cupíshi ca Nucën Papa Diosan aín Bëru Ñunshin Upí nubëa ꞌiti oquin nu ꞌináncëxa.

1 Pedro 1:21

Usa ꞌain camina an Jesucristo bamacëbi baísquimitancëxun aín nëtënu abë ꞌinun ꞌimicë cupí ami sinanin, Nucën Papa Dios an ca asérabi ax quicësabi oquin mitsu ꞌimiti ꞌicë quixun ꞌunani.

1 Pedro 1:3

Nucën Papa Dios, ax Nucën ꞌIbu Jesucristonën Dios ꞌianan aín Paparibi, a cananuna rabiti ꞌain. An ca nu nuibaquin bamaxbia baísquia Jesucristo an nun ꞌuchacama tërë́ncëxnu bacë́ntëcëncësa ꞌaish, ainan ꞌinun nu ꞌimiaxa, ënë nëtënuax ainan ꞌaíshnu aín nëtënuribi ꞌinun.

2 Pedro 1:1

ꞌËx cana Simón Pedro, ax cuëëncësabi oquin ꞌanan aín bana uni ñuixunuan Jesucristonën caísa ꞌain. An nu ië́micë Jesucristo, axbi Nucën Papa Diosribi ꞌaish upí ꞌixuan nu ꞌacësaribi oquin ainan ꞌinun ië́micë, mitsu cana ënë quirica buánmin.

1 Juan 4:14

Nunbi cananuna, an atun ꞌucha tërë́nquin ënë menu ꞌicë unicama ainan ꞌinun ië́minuan Nucën Papa Diosan xuá, aín Bëchicë a isacën. Isá ꞌixun cananuna a ñuiquin mitsu cain.

Judas 1:25

Axëshi Nucën Papa Dios ꞌixun Nucën ꞌIbu Jesucristo cupí nu ainan ꞌinun ië́micë, ax ca cushiira ꞌianan upíira ꞌaish ꞌApuira ꞌicën. Ax uisa ñubi uniocëma pan ꞌaish usabi ꞌiá ꞌaish ca ax usabi ꞌia. Usabi ca ax ꞌicën. Ashi, Judas.