1 Tesalonicenses 5:5 - Kashibo-Kakataibo Biblia

⁵ Nucën Papa Diosnan ꞌaish camina mitsux an nëtën upí ñu ꞌacë unisa ꞌain. Cananuna an imë́ ñu ꞌatima ꞌacë unicamasama ꞌain.

Nukën 'Ibu Diosan ain unikama 'inan ain bana

⁵ Nucën Papa Diosnan 'aish camina mitsux an nëtën upí ñu 'acë unisa 'ain. Cananuna an imë́ ñu 'atima 'acë unicamasama 'ain.

1 Tesalonicenses 5:5 ပူးပေါင်းရင်းမြစ်များ

Lucas 16:8

Usaquin ca an a ñu mëëxuncë unin ꞌaxa quixun ꞌunánquin ca an a uni ñu mëëmicë unin sinánxa: An ꞌë ñu mëëxuncë unin ca uisai cara curíquiñuma ꞌaíshbi ꞌiti ꞌicë quixun sinánxun ñu ꞌaquin ꞌë paránti sinánxa quixun. Ësaquin catancëxun ca Jesusan cacëxa: —An ënë menushi upitax bucuti sináncë unin ca aín cuëëncësari ꞌiti upí oquin ꞌunania, Nucën Papa Diosmi sináncë unían ꞌacësamaira oquin.

Juan 12:36

Usa ꞌain camina an mitsu upí oquin ꞌunánmiti, axa mitsubë ꞌaínshi, an ꞌacësaribi oquinmi mitsúnribi sinánun, aín bana ca asérabi ꞌicë quixun sinani ami catamëti ꞌain. Usaquin catancëx ca Jesús atun isnunma cuani nëtë́acëxa.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Efesios 5:8

Bëráma Nucën Papa Diosan bana ꞌunáncëma ꞌaish unían bëánquibucënuxun ñu ꞌatima ꞌacësa ꞌiá ꞌixúnbi camina bërí Nucën ꞌIbu Jesucristonan ꞌixun ax cuëëncësabi oquin ñu upíshi ꞌain. Usa ꞌaish camina bërí xabánu nicësa ꞌiti ꞌain.

1 Tesalonicenses 5:8

Usa ꞌaínbi cananuna nux Nucën Papa Diosan uni ꞌaish camabi nëtën upí oquin sináncë ꞌiti ꞌain. Cristonën ca ax quicësabi oquin ꞌë ꞌaquinia quixun sinánquin cananuna ami catamëquin uni raíriribi nuibati ꞌain, ñunshin ꞌatimanëan nu ñu ꞌatima ꞌanun sinánmitima cupí. Cristomi catamëquin raíri uniribi nuibacë ꞌaish cananuna suntárunëan ꞌacánani ami catamëti cupí anun aín shican bëpánti manë chupa pañucësa ꞌain. Usai ꞌiquin, Jesucristo utëcëncëbë cana asaribi upí ꞌiti ꞌai quixun sináncë ꞌaish, cananuna axa ami nishcë unían ꞌati rabanan suntárunën aín maxcá manë mañutinën mapucësaribi ꞌain.

1 Juan 2:8

ꞌËn mitsu ñuixuncë bana ióma ꞌaínbi camina a banabi mitsun ꞌásamaira oquin ꞌunáncë ꞌaish ax quicësabi oi ꞌin, Cristo ꞌiásaribiti. Usari ꞌi camina mitsun ñu ꞌatima ꞌacëcama ëni Nucën Papa Diosbë upí ꞌaish ax cuëëncësabi oi ꞌin.