1 Tesalonicenses 5:4 - Kashibo-Kakataibo Biblia

⁴ Usa ꞌaínbi camina mitsux axa Jesucristomi sináncëma unicama ꞌicësai ꞌima. Usa ꞌaish camina mitsux aín nëtë sënë́ncëbëa Nucën ꞌIbu Jesucristo ucëbë ratútima ꞌain, an mëcamacë unían aín ñu mëcamaquin ratucëxa uni ꞌicësai camina ꞌicantima ꞌain.

Nukën 'Ibu Diosan ain unikama 'inan ain bana

⁴ Usa 'aínbi camina mitsux axa Jesucristomi sináncëma unicama 'icësai 'ima. Usa 'aish camina mitsux aín nëtë sënë́ncëbëa Nucën 'Ibu Jesucristo ucëbë ratútima 'ain, an mëcamacë unían aín ñu mëcamaquin ratucëxa uni 'icësai camina 'icantima 'ain.

1 Tesalonicenses 5:4 ပူးပေါင်းရင်းမြစ်များ

Mateo 10:15

Asérabi cana ꞌën mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca an a ëmanu ꞌicë unicama mitsu bicëma cupí ax ꞌiti ꞌicën.

Lucas 21:34

Usa ꞌain camina mitsux cuëëncë ñuishi ꞌanan paë́anan ënë nëtënu ꞌicë ñucamaishi sináncë ꞌitin rabanan bërúancacë ꞌiti ꞌain. Usai bërúancacëma ꞌaish camina mitsúnmi sináncëbëmabi ꞌëx ucëbë ꞌë isi rabínti ꞌain.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Colosenses 1:13

Ñu ꞌatima ꞌatishi sinánan nux cuëëncësabi oíshi ꞌiisa taniabi ca Nucën Papa Diosan aín nuibacë Bacë Bëchicënan ꞌinun nu ꞌimiaxa.

1 Tesalonicenses 5:2

Mitsun camina upí oquin ꞌunanin, unían sinánmabia an ñu mëcamacë uni imë́ ucësa usaribi ca anúan Nucën ꞌIbu Jesucristo uti nëtë ꞌiti ꞌicën.

2 Pedro 3:10

Usaquin caíntancëx ca unin sinánmabi, an ñu mëcamacë uni imë́ ucë usaribiti unían sinánmabi Jesucristo uti ꞌicën. A nëtë ucëbë ca canacamëꞌëo ꞌicësaía anuax banacëbë naíu ꞌicë ꞌuxë, bari, ꞌispa acama, manë tsin cëñumainun anu ax ꞌiti ꞌaíma ꞌiti ꞌicën. Usaribiquin ca camabi mecëñun anua ꞌicë ñucamaribi tsin cëñuti ꞌicën.

1 Juan 2:8

ꞌËn mitsu ñuixuncë bana ióma ꞌaínbi camina a banabi mitsun ꞌásamaira oquin ꞌunáncë ꞌaish ax quicësabi oi ꞌin, Cristo ꞌiásaribiti. Usari ꞌi camina mitsun ñu ꞌatima ꞌacëcama ëni Nucën Papa Diosbë upí ꞌaish ax cuëëncësabi oi ꞌin.

Apocalipsis 16:15

“Ësai ca ꞌiti ꞌicën: An ñu mëcamacë uníxa unin sináncëma ꞌaínbi ꞌicësaribicuatsini cana ꞌëx uti ꞌain. ꞌËx ucëbë ca an upí ñu ꞌaquin ꞌëx uti caíncë uni, ax cuëënti ꞌicën. Ax ca chupa upí pañucësa ꞌaish rabíntima ꞌicën. Usa ꞌaish ca chupañuma ꞌicëa uni raírinën iscë́xa uni rabíncësaribi ꞌitima ꞌicën”.

Apocalipsis 3:3

Usoquin ꞌaquin camina mitsua ꞌën sinánmicëxun ꞌën unicaman ñuixuncë bana a sinánti ꞌain. A sinánquin camina a bana quicësabi oquin ꞌanan sinanaquin mitsun ñu ꞌatima ꞌacëcama ënti ꞌain. Usai ꞌicëbëma cana an ñu mëcamacë uníxa, unin sináncëbëmabi ucësaribicuatsini, ꞌëx mitsun ꞌunáncëma nëtën uisoquin carana ꞌati ꞌai usoquin mitsu ꞌai uti ꞌain.