1 Tesalonicenses 4:9 - Kashibo-Kakataibo Biblia

⁹ Nucën Papa Diosan ꞌunánmicëxunmi upí oquin ꞌunáncë cupí cana, axa Jesucristomi catamëcë unicamax ca bëtsibë bëtsibë nuibananti ꞌicë quixun mitsu cuënëoxuniman.

Nukën 'Ibu Diosan ain unikama 'inan ain bana

⁹ Nucën Papa Diosan 'unánmicëxunmi upí oquin 'unáncë cupí cana, axa Jesucristomi catamëcë unicamax ca bëtsibë bëtsibë nuibananti 'icë quixun mitsu cuënëoxuniman.

1 Tesalonicenses 4:9 ပူးပေါင်းရင်းမြစ်များ

Jeremías 31:33

Usa ꞌain ka achúshi ñu mëníokin ꞌën Israel unikamabëtan anun ꞌati nëtë aia, usa ka ꞌiti ꞌikën: Anun kana ꞌën bana aín nuitu mëu upíokin sinankian manukima aín maxkátan ꞌunánun ꞌamiti ꞌain. ꞌËx kana atun Dios ꞌiti ꞌain, ꞌimainun ka atux ꞌën unikama ꞌiti ꞌikën. ꞌËx mitsun ꞌIbu ꞌaish kana asérabi ësai kiakën.

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Levítico 19:8

uin kara a nami pia ax ka an usokin ꞌai ꞌuchakë kupí tëmërati ꞌikën, usa ꞌikë kamina mitsux anu ꞌikë anua a chikínti ꞌain, an Nukën ꞌIbu ꞌaxunkë ñu upíira ꞌikëbi usakin ꞌakë ꞌikë.

Mateo 22:39

Bëtsi bana asaribi ca ënëx ꞌicën: “Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”.

Juan 14:26

Usa ꞌaínbi ca Nucën Papa Diosan ꞌë cupíshi aín Bëru Ñunshin Upí, an uni ꞌaquinti, xuti ꞌicën. Xucëxun ca an camabi ñu ꞌunánmianan ꞌën ñuixuncë banacama manutimoquin mitsu sinánmiti ꞌicën.

Hechos 4:32

Usa ꞌain ca axa Jesús ñui quicë bana cuati ami catamëcë unicaman, camaxunbi bëtsin sináncësa oquin sináncëxa. Camaxunbi ca sináncëxa, —ꞌën ꞌaracacë ñucamax ca ꞌënanshima, camabi uninansa ꞌicë —quixun.

Romanos 12:10

Camina bëtsibë bëtsibë ꞌaquianani nuibananti ꞌain, mitsun xucë́nbë ꞌicësaribiti. Asamaira ꞌiisa tanquin ꞌatimoquinma camina bëtsi uni isquin upí oquin ꞌaquinti ꞌain.

2 Corintios 9:1

Cana ꞌunanin, ꞌën cacëxunmabi camina mitsúnbi cuëënquin axa Jesucristomi catamëcë unicama curíqui buánmiti sináncancën. Usaquinmi sináncë cupí cana mitsu ñuiquin —bëtsi baritian ca Acaya menu ꞌicë unicaman curíqui timëti sinánxa —quixun Macedonia menu ꞌicë unicama cain. Usaquin ꞌën ñuia cuaquin ca Macedonianu ꞌicë unicaman mitsun ꞌacësaribi oquin ꞌati sinánxa.

Filipenses 3:15

Usaquin cananuna nun Nucën Papa Diosan bana asérabi ꞌati ꞌunáncë ꞌixun sinánti ꞌain. Usaquinmi mitsun sinaniama ca Nucën Papa Diosan mitsuribi usaquin sinánun ꞌunánmiti ꞌicën.

1 Tesalonicenses 5:1

Nucën xucë́antu, uisa nëtën ꞌianan cara uínsaran Nucën ꞌIbu Jesucristo utëcënti ꞌicë quixun cananuna mitsu cuënëoxuniman.

Hebreos 10:16

Ësoquin cana ꞌëx mitsun ꞌIbu Dios ꞌixun mitsu cain, usai ca judíos unicama ꞌiti ꞌicë quixun caquin ꞌë a pain ꞌinan bana sënë́ncëbëtan cana bëtsi atu ꞌinánti ꞌain. Ësai ca a bana quiti ꞌicën: ꞌËn cana ꞌën cacë bana ꞌën unicaman aín nuitu mëu upí oquin ꞌunánan manuquinma sinánun ꞌunánmiti ꞌain.

Hebreos 13:1

Mitsux Jesucristonan ꞌaish camáxbi xucë́nsa ꞌaish camina mitsux ꞌicësabi bëtsibë bëtsibë nuibanani ꞌiti ꞌain.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.

1 Pedro 4:8

ꞌIanan camina mitsux asérabi nishananima nuibanani upitax bucuti ꞌain. Bëtsi uni nuibacë ꞌixun ca unin a unin ꞌuchacama ñuiquinma manuia.

2 Pedro 1:7

Usaquin sináncë ꞌaish camina bëtsibë nuibananti ꞌain. Usai ꞌiquin camina camabi uni nuibati ꞌain.

1 Juan 2:10

An uni itsi nuibacë uni ax ca Nucën Papa Diosnan ꞌaish abë upí ꞌicën. Usa ꞌain ca a cupía a uni ꞌuchati ñu ꞌaíma ꞌicën.

1 Juan 3:11

Jesucristomi catamëtabaquinbimi mitsun cua a bana ca ënëx ꞌicën, bëtsibë bëtsibë cananuna nuibananti ꞌai quicë.

1 Juan 3:23

Axa quicësabi oquin ꞌati bana ax ca ësa ꞌicën, cananuna aín Bëchicë Jesucristomi catamëanan bëtsibë bëtsibë nuibananti ꞌain, an nu cacësabi oi.

1 Juan 4:21

Ënë bana ca Nucën Papa Diosan nu ꞌináncëxa: axa ami sináncë uni ax ca uni itsimiribi sinánti ꞌicën.