1 Tesalonicenses 4:6 - Kashibo-Kakataibo Biblia

⁶ ꞌianan aín xanubë ꞌi bëtsi unimi ꞌuchatima. Usaía ax ꞌicë uni a ca aín ꞌucha cupí, Nucën ꞌIbu Jesucristonën uisa cara oti ꞌicë usoquin ꞌati ꞌicën, nun mitsu ñuixuncësabi oquin.

Nukën 'Ibu Diosan ain unikama 'inan ain bana

⁶ 'ianan aín xanubë 'i bëtsi unimi 'uchatima. Usaía ax 'icë uni a ca aín 'ucha cupí, Nucën 'Ibu Jesucristonën uisa cara oti 'icë usoquin 'ati 'icën, nun mitsu ñuixuncësabi oquin.

1 Tesalonicenses 4:6 ပူးပေါင်းရင်းမြစ်များ

Éxodo 20:15

Unin ñu kamina mëkamatima ꞌain.

Éxodo 20:17

Bëtsi unin xubu ꞌimainun anu ꞌikë aín ñukama kamina minan ꞌinun bisatantima ꞌain: usa ꞌixun kamina aín xanu an ñu mëëxunkë uni ꞌimainun an ñu ꞌaxunkë xanu aribi kuëëntima ꞌain, ꞌimainun kamina an ꞌarakakë ñuinakama, vaca ain asno akamaribi bisatantima ꞌain.

Isaías 5:7

Nukën ꞌIbu Dios kamabi kushiñuira an ka aín ꞌapákë uvas ꞌitsaira kuëënia, usaribi ka Israel menua ꞌikë a ꞌimainun, Judá ëmanua bukukë unikama atux ꞌikën. Usa ꞌain ka Nukën ꞌIbun anu tsókë unikama upíokin ñu ꞌaiama aín bana kikësabiokin ꞌati kaíankëxa, usa ꞌain ka unikama bëtsi unikamabë ꞌatima onani; ꞌupiokin ñu ꞌaínmabi; ꞌitsaira paë tani sharatia kuati ꞌikën.

Jeremías 7:6

ꞌatimokin aín ñu bikuanan tuá papa ñumakama ꞌimainun xanu kasunamëkë ꞌimainun bëtsi menu tsókë aribi ꞌatima oíma ꞌianan, uni ꞌatima ñu ꞌakëmabi ënë menuxun ꞌanan, unínbia a rabinuxun ꞌakë a rabi ꞌatimatiama kana,

Levítico 19:11

Bëtsi unin ñu kamina mëkamakantima ꞌain. ꞌIanan kamina këmëi bananan bëtsi unikamabë paránantima ꞌain.

Levítico 19:13

Mi rapasu ꞌikë uni kamina ꞌatima okin mëëxun ꞌain ñu bikuantima ꞌain. ꞌIanan kamina an mi ñu mëëxunkë uni pëkarakëbëtan kupíoxun kakinma a nëtënbi kupíoti ꞌain.

Miqueas 2:2

Bëtsi unin mekama kuëënkin ka atun bikuankania; usakin ꞌanan ka xubukama aribi biti kuëënkin mëkamakania. ꞌAnan ka uni ꞌimainun ꞌain ꞌaintsi ꞌibukamabi, an kasunankë ꞌain ñukama binuxun ꞌatima oia.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Marcos 10:19

Uisai cara aín bana cuënëo quia quixun camina ꞌunanin. Ca quia: “Uni camina ꞌatima ꞌain. Uni itsin xanubë camina ꞌitima ꞌain. Uni itsin ñu camina mëcamatima ꞌain. Camina bëtsi unimi cëmëi manántima ꞌain. Camina uni parántima ꞌain. Min papa, min titan bana camina upí oquin cuaquin tanti ꞌain”.

Lucas 12:5

A unicamamimi racuë́tima ꞌaínbi cana uimi caramina racuë́ti ꞌai quixun mitsu cati ꞌain. Nucën Papa Dios, an uni aín cushínbi bamamianan uni manë tsi anua ꞌinun ꞌimiti, amishi camina racuë́ti ꞌain. ꞌËn cana mitsu cain, camina asérabi ami racuë́ti ꞌain.

Lucas 16:28

ꞌËx cana mëcën achúshi xucë́nñu ꞌain. Atúxribi ënu paë tani tëmërai uaxma ꞌinuan, uisa cara ënu ꞌicë quixun atu canun camina Lázaro xuti ꞌain.

Romanos 1:18

Cananuna ꞌunanin, Nucën Papa Diosan ca an aín bana quicësabi oquin ꞌaisama tancë ꞌixun bëtsi uniribi ami sinánxma ꞌinun quixun paráncë unicama, a uisa cara oti ꞌicë usoquin castícanti ꞌicë quixun.

Romanos 12:19

ꞌËn xucë́antu, axa mimi nishcë uni camina mitsúnribi cupitima ꞌain, ësaía Nucën Papa Diosan bana cuënëo quicë cupí: “Uix cara ꞌuchaia a cana ꞌënbi usaribi oquin cupiti ꞌain”. Usa ꞌain camina unin mitsu ꞌatimocëxunbi, Nucën Papa Diosainshi ca cupiti ꞌicë quixun sinánti ꞌain.

Romanos 13:4

Nucën Papa Diosan ca ꞌapucaman camabi uníxa upiti bucunuan an ñu ꞌatima ꞌacë unicama, uisoquin cara ꞌati ꞌicë usoquin ꞌanun mëníocëxa. Usa ꞌaínbi camina ñu ꞌatima ꞌacë ꞌaish ꞌapumi racuë́ti ꞌain, uisa cara mi oti ꞌicë quixun sinani. Nucën Papa Diosan mëníosabi oquin ca ꞌapucaman an ñu ꞌatima ꞌacë unicama uisa cara oti ꞌicë usoquin ꞌaia.

2 Corintios 7:11

Nucën Papa Dios cuëëncësabi oi masá nuitutancëxun camina ꞌën mitsu cacë bana upí oquin sinan. —Sinanima cananuna usai ꞌia —quixun sinánan —ami rabínquinma an ꞌaisama ñu ꞌacë uni ꞌaxunma ꞌanun cacëma ꞌaish cananuna ꞌaisama ꞌai —quixun sinani racuë́quin camina upí oquin mëníoti sinan. Camina ꞌën mitsu isi cuanti cuëëanan, an ñu ꞌaisama ꞌacë uni upía ꞌinun ꞌë mitsu cacësabi oquin ꞌaquian. Mitsun camina ꞌën mitsu cacë ñucama upí oquin mënío quixun cana ꞌunanin.

Gálatas 5:21

ꞌImainunribi ca ꞌaia, bëtsi unin ñu cuëënti, uni ꞌati, paë́nti, picë́ntapun ꞌiti, acama. Usa ñucama ca unin aín cuëëncësa oquin ñu ꞌaquin ꞌaia. Usa ꞌain cana ën mitsu cacësaribi oquin mitsu catëcënin, usa ñua an ꞌacë unicamax ca aín unima ꞌaish Nucën Papa Diosan nëtënu abë ꞌitima ꞌicën.

Efesios 4:17

Nucën ꞌIbu Jesucristonën ꞌë sinánmicësabi oquin cana mitsu cain, axa Nucën Papa Diosmi sináncëma uníxa ꞌicësaribiti ꞌiá ꞌaíshbi camina usai ꞌitëcëntima ꞌain. A unicamax ca Nucën Papa Dios cuëëncësa oíma atúnbia sináncësa oíshi ꞌi bucuia.

Efesios 4:28

An ñu mëcamacë uni an ca usaquin ꞌatëcëntima ꞌicën. Usaquin ꞌatëcënquinma ca chiquíshquinma aín mëcënanbi upí oquin ñu mëëti ꞌicën, cupí bixun anun ñuñuma uniribi ꞌaquinti sinánquin.

Efesios 5:6

Uni raírinëan —ñu ꞌatima ꞌacë ꞌaíshbi camina Nucën Papa Diosan nëtënu ꞌiti ꞌai —quixun cacëxunbi camina mitsun, —cëmëi ca quia —quixun sinánti ꞌain. An aín bana cuaisama tanquin usa ñu ꞌacë unicama a ca ami nishquin Nucën Papa Diosan castícanti ꞌicën.

Deuteronomio 24:7

ꞌIanan ka uin kara aín aintsi ꞌikëbi Israel uni achúshi anbi ñu mëëmikatsi kixun ꞌanan maruti sinánxun maruti ꞌikëbi mërakë uni ax ka ꞌakë ꞌiti ꞌikën, usokin ꞌakëx ka an ñu ꞌatima ꞌakë unikamax mitsubë ꞌikë ꞌaíma ꞌiti ꞌikën.

Deuteronomio 32:35

Anun usakin ꞌati nëtë ꞌikëbëtan kana anun uisakin karana ꞌaisatani usakin ꞌati ꞌain, anun ka a nëtë sënë́nkëbë ꞌatima okë ꞌiti ꞌikën. Anun usakin ꞌati nëtë ka ꞌurama ꞌikën, ¡ꞌIanan ka basimashi usai ꞌiti ꞌikën!

1 Tesalonicenses 2:11

Usaribi oquin camina ꞌunanin, unían aín bëchicë ꞌacësaribi oquin cananuna mitsu achúshi achúshi upí oquin sinánmiquin ꞌësëa quixun.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

Hebreos 13:4

Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.

Hebreos 2:6

Usama ꞌaínbi ca bëráma Nucën Papa Diosan bana cuënëo ësai quia: Nucën Papa Dios, ¿axa añu ꞌicë caramina uni sinánxunin? ¿Axa añu ꞌain caramina axa chëquiti unicama ꞌaisamaira oquin sinanin?

Santiago 2:6

Usa ꞌaínbi camina mitsun ñuñuma uni a —ꞌaisama ca —quixun timaquin rabínmin. Ñuñuira uni an ca mitsu paránquin ñu mëëmianan tëmëramiquin mitsumi manánquin, an uníxa ami bëtsi uni ñui manáncëxun cuacë uninu buania. ¿Atux cara usama ꞌic?

Santiago 5:4

An mitsu naënuxun ñu mëëxuncë uni camina cupíocëma ꞌain. Cupíocëma ꞌaish ca mitsu ñui banaia. Usaquian mitsu ñuia ca ángelcaman ꞌapu, Nucën ꞌIbu Dios, an cuaxa.