1 Tesalonicenses 3:9 - Kashibo-Kakataibo Biblia

⁹ Mitsu sinani cuëënquin, Nucën Papa Dios —asábi ca —caquin rabiquinbi, cananuna uisaira oquin caranuna rabiquin a cati ꞌai quixun ꞌunaniman.

Nukën 'Ibu Diosan ain unikama 'inan ain bana

⁹ Mitsu sinani cuëënquin, Nucën Papa Dios —asábi ca —caquin rabiquinbi, cananuna uisaira oquin caranuna rabiquin a cati 'ai quixun 'unaniman.

1 Tesalonicenses 3:9 ပူးပေါင်းရင်းမြစ်များ

2 Samuel 6:21

Kixuan kakëxunbi ka Davidnën kakëxa: —Asérabi kana ꞌëx unin ismainun ransan ax ka ꞌëbi usai ꞌisatani ꞌikëma ꞌikën. ꞌËx kana Dios an ꞌë kaisa a rabi usai ꞌian, an ka min papa ꞌianan min aintsikama ꞌakinma Israel kaman ꞌapu ꞌinun ꞌë ꞌimiakëxa. Usa ꞌain kana a rabi usai ransai ꞌian.

Nehemías 9:5

usokin ꞌatankëxun ka levita unikama Josué, Cadmiel, Binuy, Hasabnía, Serebías, Hodía, Sebanías ꞌimainun Petahía akaman kakëxa: “Chairukin kamina Nukën ꞌIbu Dios rabikanti ꞌain. ¡Ax ka kushiira ꞌikë, usa ꞌain ka xënibua ꞌaínbi aín anë upíokin sinánxunkin rabikë ꞌiti ꞌikën!”

Salmos 116:12

¿ꞌËn ꞌIbu Dios uisoxun karana kamabi ñumi upíokin ꞌë ꞌaxunkë usaribi okin mi ꞌaxunti ꞌain?

2 Corintios 2:14

Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

2 Corintios 9:15

¿Nucën Papa Diosan aín Bëchicë achúshi nu ië́minuxa bamanun xuá, a sinani caranuna uisairai quiti ꞌain? A sinánquin cananuna cuëënquin —asábi ca —caquin ꞌitsaira rabin.

Deuteronomio 12:18

ꞌImainun kamina Nukën ꞌIbu Diosan isnun ꞌakin mitsun uinu kara an kaisia, anuxun Diosan ismainun ꞌakin mitsun bakë bëchikëkama ꞌimainun an ñu mitsu mëëxunkë ꞌimainun mitsun aintsi levita unikama atubëbi timë́xun mitsun ñu ꞌapákë ꞌain bimi bixun pi kuëënti ꞌain.

Deuteronomio 12:2

Usa ꞌain kamina a menu ꞌikë unikama abë ꞌakanankin këñutankëxun anuxuan atun dios a rabikë, ain bashi, matá me ꞌimainun in papa pëñanakëkë a tëmúxuan atun, dios rabikë akama këñuti ꞌain.

1 Tesalonicenses 2:19

¿Nucën ꞌIbu Jesucristo ucëbëtan añu isti caranuna cuëënin? Abë ꞌicë mitsu isi cananuna cuëëinra cuëënti ꞌain, nun mitsu aín bana ñuixuncë cupí camina abë ꞌai quixun sinani.