1 Tesalonicenses 3:6 - Kashibo-Kakataibo Biblia

⁶ Usa ꞌaínbi ca Timoteonën mitsunuax uxun nu caxa, mitsun camina asérabi Jesucristomi catamëanan bëtsibë bëtsibë nuibananquin, nun mitsu ꞌacësaribi oquin ꞌitsaira istisa tanquin nu sinani quixun.

Nukën 'Ibu Diosan ain unikama 'inan ain bana

⁶ Usa 'aínbi ca Timoteonën mitsunuax uxun nu caxa, mitsun camina asérabi Jesucristomi catamëanan bëtsibë bëtsibë nuibananquin, nun mitsu 'acësaribi oquin 'itsaira istisa tanquin nu sinani quixun.

1 Tesalonicenses 3:6 ပူးပေါင်းရင်းမြစ်များ

1 Corintios 11:2

ꞌËn xucë́antu, mitsun ꞌë manuquinma camina ꞌën mitsu ñuixuncë bana quicësabi oquin ꞌain. Usaími ꞌia cuaquin cana —asábi ca —quixun mitsu cain.

Isaías 52:7

¡Upíira upíira ka axa bashikama tësapanën, upíira bana bëi aia iskë ax ꞌikën, an ka anun upiti tsóti bana bëia, an ka anúan aín unikama ië́ti bana bëi ukin Jerusalén ësokin kaia, “Min Dios ax ka ꞌapuira ꞌikën!”

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

Hechos 18:5

Usa ꞌain ca Timoteobëa Silas Macedonianuax Corintonu bëban Pablonën bëtsi ñu mëëti ꞌaquinma Jesús ñui quicë banaishi ñuixuancëxa. Ñuixuanan ca judíos unicama, Jesús ax ca asérabi Cristo axa utia atun caíncë a ꞌicë quixun upí oquin ñuixuancëxa.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

1 Juan 3:23

Axa quicësabi oquin ꞌati bana ax ca ësa ꞌicën, cananuna aín Bëchicë Jesucristomi catamëanan bëtsibë bëtsibë nuibananti ꞌain, an nu cacësabi oi.

Hebreos 13:7

Jesucristo ñuiquin mitsu bana ñuixuncë unicama camina manuquinma sinánti ꞌain. —Atun ca Jesucristomi catamëquin upí ñuishi ꞌaia —quixun sinani camina usaribiti ꞌiti ꞌain.

Hebreos 13:3

Mitsúxribi atubë sipuacë ꞌaish tëmëracësa ꞌixun camina axa Jesucristonan cupí sipuacë unicama manuquinma a sinánquin ꞌaquinti ꞌain. Mitsúxribi usaribi uni ꞌixun camina —usaribi oquin ca unin ꞌë ꞌati ꞌicë —quixun sinánquin unían bëtsi bëtsi ocë uni a ꞌaquinti ꞌain.

2 Timoteo 1:3

Nucën raracaman ꞌasaribi oquin ꞌënribi asérabi a ꞌinamëcë ꞌixun rabicë, Nucën Papa Dios, a cana imë́bi nëtë́nbi abë banaquin mi ñucáxunquin —asábi ca —quixun cain.

1 Timoteo 1:5

Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.

2 Tesalonicenses 1:3

Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.

1 Tesalonicenses 2:17

ꞌËn xucë́antu, mitsubë ënanantancëxun cananuna isquinmabi mitsu ꞌitsaira sinanin. Usa ꞌaish cananuna mitsu isi cuainsaira tanin.

1 Tesalonicenses 2:9

Nucën xucë́antu, mitsun camina ꞌunanin, nun cananuna pitiñuma ꞌianan nun curíqui cëñuti rabanan tëmërai atsánquinbi ñu mëëan. Micama uinu ꞌicë uníxbia nu ñu ꞌináncasi bënë́nunma cananuna nëtën ꞌanan, imë́ribi nun cuëëncë ñu biti cupí usoquin ꞌan. ꞌAnan cananuna Jesucristomi catamëti ca uni Nucën Papa Diosnan ꞌiti ꞌicë quixun caquin mitsu bana ñuixuan.

Colosenses 4:18

ꞌËx Pablo ꞌixun cana ꞌën mëcënanbi cuënëoquin bërúanxmi ꞌicánun quixun mitsu cain. Usa ꞌain camina ꞌëx cana unin sipuacë ꞌai quixun manúquinma sináncanti ꞌain. Nucën Papa Diosan nuibacëxmi chuámashirua ꞌaish cuëëni upitax bucucanti cana cuëënin. Ashi, Pablo.

Colosenses 1:4

Usa ꞌixun cananuna Jesucristomi asérabi catamëtími Nucën Papa Diosan unicamabë nuibanania ñuicania cuan.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

1 Corintios 13:13

Bëtsi ñucama cëñúcëbëbi cananuna nux cëñútimoi abë ꞌaish Nucën Papa Diosmi catamëti ꞌain. —Cananuna ënë Nucën Papa Diosan nëtënuax cëñútimoi ꞌiti ꞌai —quixun ꞌunani cananuna cuëëinra cuëënti ꞌain. Anu ꞌaish cananuna camáxbi cëñútimoi bëtsibë nuibananti ꞌain. Nucën Papa Diosmi catamëti cuëëanan abë nëtë́timoi ꞌiti sinani cuëëníbi cananuna bëtsibë nuibanancë cupíira cuëëinra cuëënti ꞌain.

Hechos 18:1

Areópago cacë matánuxun bana ñuixuntancëx ca Pablo Atenas ëmanuax Corinto ëmanu cuancëxa.

Hechos 16:1

Cuanx ca Pablobë Silas Derbe ëmanu cuanan anuribi cuani Listra ëmanu bëbacëxa. Anu ca axa Jesucristomi catamëcë Timoteo cacë uni ꞌiacëxa. Aín titax ca judío xanu ꞌianan Jesúsmi sináncë ꞌiacëxa, ꞌimainun ca aín papax griego banan banacë ꞌiacëxa.

1 Tesalonicenses 3:7

Nun xucë́antu, usaími mitsux asérabi Jesucristomi catamëtia cuaquin cananuna unin nu bëtsi bëtsi omainun raíri ñu cupíribi tëmëraquinbi masá nuituquinma upí oquinshi sinani cuëënin.