1 Tesalonicenses 2:9 - Kashibo-Kakataibo Biblia

⁹ Nucën xucë́antu, mitsun camina ꞌunanin, nun cananuna pitiñuma ꞌianan nun curíqui cëñuti rabanan tëmërai atsánquinbi ñu mëëan. Micama uinu ꞌicë uníxbia nu ñu ꞌináncasi bënë́nunma cananuna nëtën ꞌanan, imë́ribi nun cuëëncë ñu biti cupí usoquin ꞌan. ꞌAnan cananuna Jesucristomi catamëti ca uni Nucën Papa Diosnan ꞌiti ꞌicë quixun caquin mitsu bana ñuixuan.

Nukën 'Ibu Diosan ain unikama 'inan ain bana

⁹ Nucën xucë́antu, mitsun camina 'unanin, nun cananuna pitiñuma 'ianan nun curíqui cëñuti rabanan tëmërai atsánquinbi ñu mëëan. Micama uinu 'icë uníxbia nu ñu 'ináncasi bënë́nunma cananuna nëtën 'anan, imë́ribi nun cuëëncë ñu biti cupí usoquin 'an. 'Anan cananuna Jesucristomi catamëti ca uni Nucën Papa Diosnan 'iti 'icë quixun caquin mitsu bana ñuixuan.

1 Tesalonicenses 2:9 ပူးပေါင်းရင်းမြစ်များ

2 Reyes 6:2

Usa ꞌain kamina nukama Jordán kakë baka kuëbí anu xubu achúshi ꞌati i bitánun nukama xuti ꞌain anu ꞌiti ka ꞌaíma ꞌikë kixun ka kakankëxa. Kakëxun ka —Asábi ka kamina bitsi kuankanti ꞌai —kixun Eliseonën atu kakëxa.

Salmos 32:4

usai ꞌikin kana ñu ꞌatima ꞌai ꞌuchakësa tankën nëtë ꞌimainun kamina imë́bi ꞌë ꞌatimokësa ꞌiakën. Usokëx kana ro uá barin urukin xarokëx núkai chushikë usaribiti ꞌiakën, usai ꞌi kana ꞌën nami ꞌaisama tani ꞌiakën.

Proverbios 31:18

Usakin ꞌanan ka ñu maruti nanxun axa upí ꞌiti kuëënkin bërúaia, bërúai ka kamabi imë́ ꞌain ñu ꞌai tëia.

Lucas 18:7

¿An usaquin ꞌacë ꞌain cara Nucën Papa Diosan axa ainan ꞌinúan an caíscë aín unicama an nëtë́nbi, imë́bi a ñucácë, acama bërúanquin ꞌaquintima ꞌic? ¿Cara ꞌaquinquinma tënánpati ꞌic? Usama ca.

Lucas 2:37

Mëcën achúshi ꞌimainun rabë́ baritia ꞌicëbë casunamëa ꞌaish ca ochenta y cuatro baritiañu ꞌiacëxa. Usa ꞌixun ca anuxun a rabiti xubunuax camabi nëtën abë banaquin Nucën Papa Dios rabiacëxa. A upí oquin sinánuxun ca bëtsi bëtsi nëtën piama ꞌicën. Nëtë́nbi imë́bi ca usaquin Nucën Papa Dios rabiacëxa.

Hechos 18:3

Aquila ax ca Pablonëan ꞌacësaribi oquian an chupa xubu ꞌacë uni ꞌiacëxa. Usa ꞌain ca Pablonën aín xubunu ꞌixun Aquilabëtan chupa xubu ꞌacëxa.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 20:31

Usa ꞌain camina unin paráncëma ꞌinuxun upí oquin sináinrati ꞌain. Camina sinánti ꞌain, rabë́ ꞌimainun achúshi barin cana ñantánbi nëtë́nbi nëtë́quinma bëunan mëscúquin mitsu ꞌësëan.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 15:16

aín bana judíosma unibu ñuixunun quixun ꞌë cacëxa. Nucën Papa Diosan ca axa Jesucristomi catamëcë unicama ainan ꞌinun ië́mia quixun judíosma uniburibi ꞌunánminun ca an ꞌë ꞌimiacëxa. Nucën Papa Diosan ꞌë usaquin ꞌanun casabi oquin cana judíosma unicama, mitsuribi a bana ñuixunin, aín Bëru Ñunshin Upitan sinánmicëxunmi upiti ami catamëquin a rabinun.

Romanos 15:19

Aín Bëru Ñunshin Upía ꞌëbë ꞌain usaquin ꞌanan cana Jerusalénuxun ꞌatancëxun anuaxbi cuanquin bëtsi bëtsi me ꞌabiani cuantancëx cuainacëtancëx Ilírico cacë me, anu bëbaquin, camabi menu ꞌicë unicama Cristo ñuiquin bana ñuixunquin sënë́on.

1 Corintios 4:12

ꞌAtsánxunbi cananuna nun piti binuxun nun mëcënan ñu mëëin. Numia ꞌatimati banaiabi cananuna nun Nucën Papa Dios a unicama ñucáxunin. Nu bëtsi bëtsi ocëxunbi cananuna tanshitin.

1 Corintios 9:15

Usa ꞌaínbi cana ꞌën Jesusan bana unicama ñuixunquinbi añu ñubi bicëma ꞌain. Bëríribi cana ꞌëmi ñu ꞌinánun quixun ënë quirica mitsu buánmiman. Bana ñuixuncë cupí cana añu ñubi bicëma ꞌai quixun ꞌën mitsu cacë, a bana cëmë ꞌiti cana cuëëniman. ꞌAcëñuma ꞌaish ꞌëx bamacëbëbi ca a bana cëmëma ꞌiti ꞌicën.

1 Corintios 9:18

ꞌËn cupí biti asábi ꞌaínbi cana cupí biquinma unicama Jesucristo ñuicë bana ñuixunin. Ñuixuni cana curíqui bitsi cuëëncësamaira oi mitsúnmi ꞌë cupíoquinmashi a bana cuati cupí cuëënin.

1 Corintios 9:4

—An ꞌën bana ñuixuncëxun cuacë unicaman ꞌë piti ꞌináncëxun ꞌën biti ca asábi ꞌicën.

2 Corintios 11:27

Ñu mëëi cana tëmëracën. ꞌUxti tëanan cana ꞌacëñuma ꞌaish panancë ꞌianan, shimanan, chupañuma ꞌaish matsin bamatisa ꞌiacën. Usai cana tëmëracën. Usa ꞌaish cana usabii ꞌin.

2 Corintios 11:9

Mitsubë ꞌaish ñuñuma ꞌixunbi cana mitsu ñu ñucácëma ꞌain. Macedonianuaxa ucë axa Jesucristomi catamëcë unicaman cuni ca ꞌën cuëëncë ñucama ꞌë ꞌinánxa. ꞌËn mitsu ꞌacësabi oquin cana mitsu ñu ñucátima ꞌain.

2 Corintios 6:5

Unían nu mëëanan sipuanan raíri uni numi tsuáquirumimainun ꞌaisamaira oquin ñu mëëanan, ꞌuxti tëanan ꞌacëñuma ꞌaish panancë ꞌixunbi cananuna bënë́quinma tanshitin.

Filipenses 4:16

ꞌËx Tesalónica ëmanuax cuancëma pan ꞌicë camina mitsun curíqui timëtancëxun ꞌë buánmiacën. Achúshi oquinshima, camina buánmitancëxun amiribishi ꞌë buánmitëcëancën, ꞌën cuëëncë ñu anun binun.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

1 Tesalonicenses 2:2

Filipos ëmanuxun ca nu ñui ꞌatimati bananan bëtsi bëtsi oquin unin nu tëmëramiaxa quixun camina ꞌunanin. Usai tëmëratancëxunbi cananuna Nucën Papa Diosan ꞌaquincëxun mitsuribi Jesucristomi catamëti ca uni Nucën Papa Diosnan ꞌiti ꞌicë quixun a bana ñuixuan, ꞌaisamaira uníxa numi nishcëxunbi.

1 Tesalonicenses 2:6

Uisa nëtë́nbi cananuna, raíri unicamanribia ꞌamainun camina mitsúnribi nu rabiti ꞌai quixun sináncëma ꞌain. Unin ca nun nu asérabi Cristonën xucë ꞌixun aín bana ñuixuncëxun upí oquin a bana cuaquin nun cacësabi oquinshi ꞌati ꞌicë quixun ꞌunánxunbi cananuna unían nu rabiti sináncëma ꞌain.

1 Tesalonicenses 3:10

Jesucristomi catamëquin aín cuëëncësabi oi ꞌianan upí oquinra a ꞌunánun mitsu ꞌaquini cuanúan nu ꞌiminun quixun cananuna nëtën ꞌanan imë́ribi abë banaquin Nucën Papa Dios ñucatin.

1 Timoteo 1:11

Axa usa ñu ꞌati ca ꞌaisama ꞌicë quicë bana, usaribiti ca Jesucristo ñui quicë bana, a uni ñuixunuan Nucën Papa Diosan ꞌë caíscë, ax quia.

1 Timoteo 4:10

Nucën Papa Dios, axa bamatimoi tsócë, an camabi uni ainan ꞌinun ië́misa tanquin Jesucristomia ax catamëcë unicama ië́micë, an ca axa quicësabi oquin ënë menuxun ꞌimianan aín nëtënuxunribi aín unicama upitax ꞌinun ꞌimiti ꞌicë quixun cananuna ꞌunanin. Usa ꞌixun cananuna nun ꞌacësaribi oquian camabi unin ꞌunánun, tëmëranan uni numi ꞌatimati banacë ꞌixunbi unicama Nucën Papa Diosan bana ñuixunin.

1 Timoteo 5:5

An ñu ꞌaquinti ꞌaíma ꞌain ca xanu casunamëcënëx Nucën Papa Diosmishi catamëtia. Usa ꞌaish nëtë́nbi, imë́bi ëníma abë banaquin ca Nucën Papa Dios raíri uni ñucáxunia.

2 Timoteo 1:3

Nucën raracaman ꞌasaribi oquin ꞌënribi asérabi a ꞌinamëcë ꞌixun rabicë, Nucën Papa Dios, a cana imë́bi nëtë́nbi abë banaquin mi ñucáxunquin —asábi ca —quixun cain.