1 Tesalonicenses 2:7 - Kashibo-Kakataibo Biblia

⁷ Nun cananuna xanúan aín tuá chamara ꞌicë anun cuëënquin ꞌacësa oquin, ꞌitsaira nuibaquin mitsu ꞌaquian.

Nukën 'Ibu Diosan ain unikama 'inan ain bana

⁷ Nun cananuna xanúan aín tuá chamara 'icë anun cuëënquin 'acësa oquin, 'itsaira nuibaquin mitsu 'aquian.

1 Tesalonicenses 2:7 ပူးပေါင်းရင်းမြစ်များ

Isaías 40:11

ꞌIanan ka an ñuina bërúankë unían aín ñuina bërúankin; aín ñuinakama nuibakin aín shikami okin ꞌikúkin bixun tuianan, axa bërí bakënkëkamaribi bëruinra okë usaribi okin ꞌaia.

Isaías 49:23

ꞌApukaman ka kanioti atu biti ꞌikën, ꞌimainun ꞌapun xubunu ꞌikë xanu upíbu akamaxribi ka an tuá xukama bërúankë ꞌiti ꞌikën. Usakin ꞌai ka mitsu bëtánain ñanati ꞌikë ax mitsun kakësabi oi kananuna ꞌiti ꞌai kixun sinania ꞌikë ꞌiti ꞌikën. Usai ꞌikin ka ꞌëx kana Nukën ꞌIbu ꞌai kixun ꞌunánan, uix kara ꞌëmi katamëtia ax ka uínbi paránkëma ꞌiti ꞌikë kiax kiakëxa.”

Números 11:12

¿ꞌËx aín papa ꞌianan aín tita ꞌixun karana atu ꞌikúxun tuáxura ꞌakësokin aín chaitiokëkama ꞌinankatsimi kia me anu buánti ꞌain?

Hechos 13:18

Bëquin ca cuarenta baritian anu uni ꞌicëma men aia, atux ami catamëisama tancëxunbi bërúancëxa.

1 Corintios 2:3

Mitsubë ꞌëx ꞌain ca ꞌën nami ꞌaisama ꞌiaxa. Mitsúnmi ꞌën bana cuaisamasa sinani cana racuëti bërëan.

1 Corintios 9:22

Jesucristomi catamëcë ꞌixunbi upí oquin ami catamëti ꞌunáncëma unicama Jesucristomi upiti catamënun quixun cana atun sináncë ñu timaquinma bana ñuixunin. Camabi uni cana uisai cara atux ꞌia usairibi ꞌiquin, Cristomi upiti catamënun ꞌaquinin.

2 Corintios 10:1

ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

2 Corintios 13:4

Cristo ax ca uni itsi ꞌicësai i curúsocënu matáscë ꞌiacëxa. Usai ꞌiá ꞌaíshbi ca bërí Nucën Papa Diosan cushin uisatimoi tsotia. Usa ꞌain cananuna nux Cristo ꞌiásaribiti ꞌiquin uisa cara unin ocëxunbi cupiquinma tanshiti cushimasa ꞌixunbi an ꞌimicëxun Nucën Papa Diosan cushin mitsu ꞌaquinin.

Gálatas 4:19

Mitsux camina ꞌën bëchicësa ꞌain. Usa ꞌain cana mitsúnmi Cristo ꞌunáncëma pain ꞌain ꞌiásaribiti mitsúxmi asérabi ami upiti catamënun quixun sinani, masá nuituti bënëtin, bacë́nuxun paë tania xanu bënë́cësaribi oi.

1 Tesalonicenses 2:11

Usaribi oquin camina ꞌunanin, unían aín bëchicë ꞌacësaribi oquin cananuna mitsu achúshi achúshi upí oquin sinánmiquin ꞌësëa quixun.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.