1 Tesalonicenses 2:6 - Kashibo-Kakataibo Biblia

⁶ Uisa nëtë́nbi cananuna, raíri unicamanribia ꞌamainun camina mitsúnribi nu rabiti ꞌai quixun sináncëma ꞌain. Unin ca nun nu asérabi Cristonën xucë ꞌixun aín bana ñuixuncëxun upí oquin a bana cuaquin nun cacësabi oquinshi ꞌati ꞌicë quixun ꞌunánxunbi cananuna unían nu rabiti sináncëma ꞌain.

Nukën 'Ibu Diosan ain unikama 'inan ain bana

⁶ Uisa nëtë́nbi cananuna, raíri unicamanribia 'amainun camina mitsúnribi nu rabiti 'ai quixun sináncëma 'ain. Unin ca nun nu asérabi Cristonën xucë 'ixun aín bana ñuixuncëxun upí oquin a bana cuaquin nun cacësabi oquinshi 'ati 'icë quixun 'unánxunbi cananuna unían nu rabiti sináncëma 'ain.

1 Tesalonicenses 2:6 ပူးပေါင်းရင်းမြစ်များ

Daniel 4:30

nitsax ësai kiakëxa: ¡Ka kuat, chaiira cha ka Babilonia ëma ꞌikën! ꞌËx kushiira ꞌixun kana anu ꞌëx ꞌapu ꞌia ꞌikëa unin ax kushiira ꞌixun ka usakin ꞌamiakëxa kixuan unin ꞌunánun kana ꞌamia kiakëxa.

Juan 12:43

Nucën Papa Dios cuëënun ꞌicësamairai ca a unicama fariseo unicamami racuëti atux cuëëncësa oíshi ꞌiacëxa.

Juan 5:41

Unían ꞌë rabiti cana sinaniman.

Juan 5:44

Nucën Papa Dios axëshi Dios ꞌixun mitsu upíoti cuëënima camina mitsúxbi upíonani rabiananti cuëënin. ¿Nucën Papa Diosan mitsu upí oti cuëëncëma ꞌaish caramina uisax ꞌëmi catamëti ꞌain? Camina ꞌitima ꞌain.

Juan 7:18

Axa anbi sinanx banacë uni ax ca unían a rabinun quixun sinanishi banaia. ꞌAínbi ca an ñuiquin uni canun quixuan a xuá ashia unin rabiti cuëëncë uni an cuni cëmëquin uni paranima.

1 Corintios 11:9

Xanunan ꞌiti oquin ca Nucën Papa Diosan bëbu unioma ꞌicën. Bëbunan ꞌiti oquin ca xanu Nucën Papa Diosan uniocëxa.

2 Corintios 13:10

Nucën ꞌIbu Jesucristonën, mitsu ꞌatimoquinma an iscëx upí ꞌinun ꞌaquinun ꞌë cacë ꞌixun, cana mitsu isi cuantëcënxunmashi ënë quirica mitsu buánmin, cuanxun ꞌën iscëxmi ꞌaisama ꞌicania cushin banaquin masá nuitumiquin mitsu catin rabanan.

2 Corintios 4:5

Nuxbi ñuiacaquin cananuna unicama bana ñuixuniman. Usoquin cananuna —Jesucristo ax ca Nucën ꞌIbu ꞌicë —quixun unicama bana ñuixunin. Nuxbi ñuiacaquinma cananuna Jesús, an nu nuibacë, an nu sinánmicësabi oquin aín bana mitsu ñuixunin.

Gálatas 1:10

¿Ësaquin mitsu caquin carana unían ꞌëx cana asérabi upí ꞌai quixun ꞌë rabiti sinan? Usaquin sinánquinma cana Nucën Papa Diosan ꞌë upí isti sinan. ¿Carana unicamabë upí ꞌiti sinan? Cana usaquin sinaniman. Nucën Papa Diosma unishi cuëënmiti sinani cana Cristonën unima ꞌitsían.

Gálatas 5:26

Usa ꞌain cananuna —ꞌëx cana bëtsi unisama ꞌai —quiax rabítima ꞌain, cananuna cuëbicanani unibë nishanantima ꞌain, ꞌimainun cananuna bëtsimi nutsitima ꞌain.

Gálatas 6:13

Axa ꞌunántioracacë unicamanbi ca camabi Moisésnën usai ca judíos unicama ꞌiti ꞌicë quixun cuënëo banacama quicësabi oquiinra ꞌaima. Usa ꞌixunbi ca atun ꞌunánmicë cupí camina mitsux judíos uni ꞌicësaribiti ꞌunántioracacë ꞌai quiax rabiácati sinánquin usaími ꞌinun quixun mitsu ꞌunánmia.

1 Tesalonicenses 2:9

Nucën xucë́antu, mitsun camina ꞌunanin, nun cananuna pitiñuma ꞌianan nun curíqui cëñuti rabanan tëmërai atsánquinbi ñu mëëan. Micama uinu ꞌicë uníxbia nu ñu ꞌináncasi bënë́nunma cananuna nëtën ꞌanan, imë́ribi nun cuëëncë ñu biti cupí usoquin ꞌan. ꞌAnan cananuna Jesucristomi catamëti ca uni Nucën Papa Diosnan ꞌiti ꞌicë quixun caquin mitsu bana ñuixuan.

1 Timoteo 5:17

Aín cushían upí oquin ꞌaquincëxun ca axa Jesucristomi catamëcë unicaman ami sinánquin nuibaquin aín bana cuati ꞌicën. Usa ꞌixun ca bëtsi ꞌacësamaira oquin an bana ñuixuanan upí oquin ꞌunánmicë, ami sinánquin nuibanan upíira oquin aín bana cuati ꞌicën.