1 Tesalonicenses 1:8 - Kashibo-Kakataibo Biblia

⁸ Usaími mitsux ꞌicëbëtan ca Macedonia ꞌimainun Acayanu ꞌicë unicamainshima, bëtsi bëtsi menu ꞌicë unicamanribi Jesucristo ñuicë bana ꞌunánan mitsúxmi asérabi Nucën Papa Diosnan ꞌicë cuaxa. Nun ñuixuncëxunmabi ca camabi unin, uni raírinëan camabi menuxun mitsu chanioia cuaquin, mitsux camina asérabi Nucën Papa Diosmi upiti catamëti quixun ꞌunania.

Nukën 'Ibu Diosan ain unikama 'inan ain bana

⁸ Usaími mitsux 'icëbëtan ca Macedonia 'imainun Acayanu 'icë unicamainshima, bëtsi bëtsi menu 'icë unicamanribi Jesucristo ñuicë bana 'unánan mitsúxmi asérabi Nucën Papa Diosnan 'icë cuaxa. Nun ñuixuncëxunmabi ca camabi unin, uni raírinëan camabi menuxun mitsu chanioia cuaquin, mitsux camina asérabi Nucën Papa Diosmi upiti catamëti quixun 'unania.

1 Tesalonicenses 1:8 ပူးပေါင်းရင်းမြစ်များ

Isaías 2:3

usa ꞌain ka bëtsi bëtsi menu ꞌikë ꞌitsaira uni anu bëbai, bëtsibë bëtsibë kánani kikanti ꞌikën: “Diosan bashi anuxun a rabiti xubu ꞌakë anu kananuna kuaruti ꞌain, anu ka Jacobnën rëbúnki Israel unikama Dios anuxun rabiti xubu ax ꞌikën, anuxun ka uisai karanuna tsóti ꞌai kixun an nu ꞌunánmiti ꞌikën, ꞌunánmikëx kananuna ax kuëënkësabi oi tsóti ꞌain.” Usa ꞌain ka Jerusalénnuxun Diosanbi ꞌain bana nukama ꞌunánmiti ꞌikën.

Isaías 52:7

¡Upíira upíira ka axa bashikama tësapanën, upíira bana bëi aia iskë ax ꞌikën, an ka anun upiti tsóti bana bëia, an ka anúan aín unikama ië́ti bana bëi ukin Jerusalén ësokin kaia, “Min Dios ax ka ꞌapuira ꞌikën!”

Hechos 18:12

Usaquian ñuixuncëbëbi ca Galión, axa Acaya menu ꞌicë unicaman ꞌapu ꞌain, judíos unicamax Pablomi nishi tsuáquiruacëxa. Tsuáquiruquin bibianquin ca an uníxa unimi manania cuacë unicama timë́cë anu buáncëxa.

Romanos 1:8

Ësoquin pain cana mitsu cain, mitsux camina asérabi Jesucristomi catamëti quixun camabi menu ꞌicë unicaman chanioia cuaquin, cana ꞌëxribi Jesucristonan ꞌixun Nucën Papa Dios —asábi ca —quixun caquin a rabin.

Romanos 15:26

A curíqui ca Macedonia ꞌimainun Acaya nëtënuaxa ax Jesucristomi catamëcë unicaman Jerusalénu ꞌicë ñuñuma unicama a buánmiti timëaxa.

Romanos 16:19

Camabi unin ca mitsu, asérabi camina mitsux Jesucristo cuëëncësabi oi ꞌi quixun ꞌunania. Usaquian mitsu ñuicania cuati cana cuëënin. Usa ꞌain cana mitsúxmi ñu ꞌatima ꞌaquinma ñu upíshi ꞌanux upí sinánñu ꞌiti cuëënin.

1 Corintios 14:36

Camina ꞌunánti ꞌain, mitsu pain ca Nucën Papa Diosan aín bana ꞌunánun ꞌimiama ꞌicën. —Nuinshi cananuna aín bana ꞌunani —quixun camina sinántima ꞌain.

2 Corintios 2:14

Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

2 Corintios 3:4

Nucën Papa Diosan ca Cristo cupí mitsu aín bana ñuixunun nu ꞌaquianxa quixun ꞌunánquin cananuna usaquin sinanin.

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.

2 Tesalonicenses 1:4

A rabianan cananuna camabi ëmanuxun axa Jesucristomi catamëcë unicamaxa timë́cë mitsu ñuiquin ësaquin cain, mitsux camina unían ubíonan bëtsi bëtsi ocëx tëmëraquinbi tanshianan, uisa ñu cara ꞌicëbëtanbi ëníma Jesucristomi catamëti quixun.

2 Tesalonicenses 3:1

Nucën xucë́antu, ësaquinribishi cananuna mitsu cain, camabi menu ꞌicë unicaman nun Jesucristo ñuiquin bana ñuixunia cuanun camina Nucën Papa Dios nu ñucáxunti ꞌain, nun mitsu bana ñuixuncëxun cuaquinmi —a banax ca upíira ꞌicë —quixun caquin mitsun ꞌacësaribi oquian atunribi sinánun.

1 Timoteo 2:8

Ësa cana ꞌëx cuëënin, uinu cara axa Jesucristomi catamëcë unicama timëtia anuax ca nucë bënë unix upí oquin sinani, unimi nishi abë cuëbicananima, aín mëcën manámi oi Nucën Papa Diosbë banati ꞌicën.

2 Timoteo 2:9

A bana ñuixunia oquin ca unin ꞌë sipuaquin tëmëramianan ꞌuchañu uni ꞌacësaira oquin ꞌë manë risin tëcërëcaxa. Usoquin ꞌë ꞌaquinbi ca uinu ꞌicë unínbi Nucën Papa Diosan bana cëñuima. A bana cuati ca ꞌitsa uni Jesúsmi sinania.

3 Juan 1:12

Camabi unin ca —Demetrio ca upí uni ꞌicë —quixun ñuia. An upí ñu ꞌacë cupí ca ax asérabi usa ꞌicë quixun ca camabi unin ꞌunania. Ax ca aín sinan upí ꞌicë quixun cananuna a ñuiquin asérabi mi cain. Nun bana ca asérabi ꞌicë quixun camina ꞌunanin.

Apocalipsis 14:6

Usa ꞌain cana bëtsi ángelribi isan. Camabi unin cuanun ca naínu nuani munuma banai, Cristo cupí ca unicamax xëníbua ꞌaínbi Nucën Papa Diosnan ꞌiti ꞌicë quiaxa. Camabi menu ꞌicë unicama bëtsi bëtsi unibu, bëtsi bëtsi menu ꞌicë, bëtsi bëtsi banan banacë an cuanun,

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.