1 Tesalonicenses 1:3 - Kashibo-Kakataibo Biblia

³ Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

Nukën 'Ibu Diosan ain unikama 'inan ain bana

³ Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin 'anan, upí oquin unicama nuibaquin 'aquianan, a ëníma, Nucën 'Ibu Jesucristonën ca ax quicësabi oquin nu 'imiti 'icë quixun manucëma cupí —asábi ca —quixun a cain.

1 Tesalonicenses 1:3 ပူးပေါင်းရင်းမြစ်များ

Génesis 29:20

Usokin mëníotankëx ka Jacob Raquel bisatani mapai achúshi ꞌimainun rabë́ baritia ñu mëakëxa, usakin an ñu mëëkin tankëxbi a baritiakama ainan ꞌitsamarasa ꞌiakëxa, an Raquel ꞌitsaira kuëënkin tankëx.

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Hechos 10:31

Niracëquin ca ꞌë caëxanxa: Cornelio, mixmi abë banacëcama ca Nucën Papa Diosan cuaxa. Cuanan ca minmi ñuñuma uni ñu ꞌináncë acamaribi ꞌunanx cuëënquin manuima.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Romanos 12:12

Nucën Papa Diosan ca ax quicësabi oquin mitsu ꞌaquianan abë ꞌinun mitsu ꞌimiti ꞌicë quixun sinani camina chuáma tani cuëëni bucuti ꞌain. Tëmëraibi camina masá nuituti bënë́tima ꞌain. Ënima camina Nucën Papa Diosbë banati ꞌain.

Romanos 15:13

Nucën Papa Diosan ca nu ꞌunánmia, an ca nu ꞌaquianan nux xënibua ꞌaínbi abë ꞌitioquin nu ꞌimia quixun. An mitsu ami catamëti cuëëni chuámarua ꞌaish bucunun ꞌimiti cana cuëënin. Mitsux usai ꞌiquin camina aín Bëru Ñunshin Upitan sinánmicëxun Nucën Papa Diosan ca asérabi ax quicësabi oquin ꞌaia quixun upí oquin ꞌunánti ꞌain.

Romanos 15:4

Cananuna ꞌunánti ꞌain, Nucën Papa Diosan ca nunribinu a ꞌunánti oquin aín bana aín unicama cuënëomiacëxa. Usa ꞌain cananuna a banacama cupí ꞌunánti ꞌain, nux Cristomi cushicë ꞌicë ca tëmëraquinbi ëníma ami catamënun ꞌimianan, uisa ñu cara ꞌicëbëtanbi nu bërúanquin ꞌaquianan, aín nëtënu abë ꞌinun Nucën Papa Diosan nu ꞌimia quixun.

Romanos 16:26

Nucën Papa Diosan sinánmicëxun ca aín unicaman, Cristo ca uti ꞌicë quixun cuënëocëxa. Usai ca ꞌiti ꞌicë quixun ca Nucën Papa Dios, axa bamatimoi tsócë, an mëníocëxa. A bana cuënëo ꞌicëbi ca uisai quicë cara ax ꞌicë quixun unin ꞌunánma ꞌicën. ꞌUnánma ꞌaínbi ca bërí camabi nëtënu ꞌicë unicaman Cristomi catamëquin aín cuëëncësabi oquin ꞌanuxun ꞌunánti ꞌicën.

Romanos 16:6

María an mitsu ꞌitsa oquin ꞌaquincë, aribi camina bërúanxa ꞌinu ꞌë caxunti ꞌain.

Romanos 2:7

Axa —Nucën Papa Diosan ca ꞌë upí isquin abë nëtë́timoi tsónun ꞌimiti ꞌicë —qui cuëëncë uni, an ca ënquinma Nucën Papa Dios cuëëncësabi oquin ñu ꞌaia. Usoquin an ꞌacë uni a ca Nucën Papa Diosan xënibua ꞌaínbi abë ꞌinun ꞌimia.

1 Corintios 13:13

Bëtsi ñucama cëñúcëbëbi cananuna nux cëñútimoi abë ꞌaish Nucën Papa Diosmi catamëti ꞌain. —Cananuna ënë Nucën Papa Diosan nëtënuax cëñútimoi ꞌiti ꞌai —quixun ꞌunani cananuna cuëëinra cuëënti ꞌain. Anu ꞌaish cananuna camáxbi cëñútimoi bëtsibë nuibananti ꞌain. Nucën Papa Diosmi catamëti cuëëanan abë nëtë́timoi ꞌiti sinani cuëëníbi cananuna bëtsibë nuibanancë cupíira cuëëinra cuëënti ꞌain.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.

Gálatas 1:4

Ënë menu ꞌicë ñuishi ꞌatia an sináncë unicaman ꞌacësaribi oquin ñu ꞌatima ꞌati rabanan nu ië́mi ca ax bamatsianxmabi nun ꞌucha cupí bamacëxa, Nucën Papa Dios cuëëncësabi oi.

Gálatas 5:13

ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Gálatas 6:9

Usa ꞌain cananuna Nucën Papa Dios cuëëncësabi oquin ꞌaquin atsánquin ëntima ꞌain. Usoquin ñu upí oquin ꞌai cananuna ax quiásabi oi an ꞌaquincë ꞌianan aín nëtënu abë ꞌiti ꞌain.

1 Tesalonicenses 3:6

Usa ꞌaínbi ca Timoteonën mitsunuax uxun nu caxa, mitsun camina asérabi Jesucristomi catamëanan bëtsibë bëtsibë nuibananquin, nun mitsu ꞌacësaribi oquin ꞌitsaira istisa tanquin nu sinani quixun.

2 Tesalonicenses 1:11

Usai ꞌiti cupía ainan ꞌinun caíscë ꞌixun usai ca aín uni ꞌiti ꞌicë quixun an sináncësabi oi ꞌinun mitsu ꞌiminun cananuna Nucën Papa Dios mitsu nëtë camabi ñucáxunin. Ñucáxuanan cananuna ax cuëëncësabi oquinmi mitsun upí ñu ꞌaisa tancë acama ꞌanan ami catamëtia an mitsu sinánmicëxunmi upí oquin ꞌanun aín cushínbi mitsu cushionun quixun a ñucatin.

2 Tesalonicenses 1:3

Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.

1 Timoteo 1:14

Tërë́nxuanan ca Cristo Jesúsnan ꞌaish abë achúshi sinánñushi ꞌixun, unicama upí oquin nuibanan upiti ami sinánun ꞌimiquin Nucën ꞌIbu Diosan ꞌë cushioxa.

1 Timoteo 2:3

Usoquin Nucën Papa Dios camabi uni ñucáxunti ca asábi ꞌicën. Nucën Papa Dios, an nu ainan ꞌinun ië́micë, ax ca usoquian aín unicaman ꞌati cuëënia.

Hebreos 10:36

Jesucristo ucëbë ax quicësabi oi Nucën Papa Diosan nëtënu abë ꞌinuxun camina uni itsían mitsu tëmëramicëxbi a taníma usabi Cristomi catamëquin ax cuëëncësabi oquin ꞌati ꞌain.

Hebreos 11:17

Abraham ca —asérabi ca Nucën Papa Diosan aín quicësabi ꞌoquin ꞌati ꞌicë —quixun ꞌunani ami catamëacëxa. Ësai ca ꞌiacëxa. Nucën Papa Diosan ca Abraham cacëxa: “Min bëchicë Isaacnën rëbúnqui ca asérabi ꞌitsaira ꞌianan ꞌënan ꞌiti ꞌicë” quixun. Usa ꞌaínbi ca Nucën Papa Diosan —asérabi cara Abrahamnën ꞌën cacësabi oquin ꞌati ꞌicë —quixun ꞌunántisa tanquin, Abraham cacëxa —min camina ꞌaracacë ñuina ꞌaxunquinma, min bëchicë Isaac abi ꞌë rabiquin ꞌë ꞌaxunti ꞌai —quixun. Cacëxun ca usoquin anuxun ꞌatinu Isaac buáncëxa.

Hebreos 13:21

anbia an iscë́xmi upí ꞌinun ꞌimianan ax cuëëncësabi oquinmi upí ñuishi ꞌanun mitsu ꞌimiti cana cuëënin. ꞌIanan cana an, Jesucristo cupí, ax cuëëncësabi oquin nu ꞌimiti cuëënin. A ca aín unicaman xënibua ꞌaínbi ënquinma rabiti ꞌicën. Usaquin ca ꞌati ꞌicën.

Hebreos 4:11

Nucën Papa Diosan atu ñuixuncë menu bëbáma unicama usaribiti nuxribi ami catamëcëma ꞌitin rabanan cananuna ainan ꞌaish upí oquin sinani ami catamëquin ëníma bërúancati ꞌain.

Hebreos 6:15

Usaquian cacëxun ca Abrahamnën —Nucën Papa Dios quicësabi oi ca ꞌiti ꞌicë —quixun sinánquin bënë́quinma, caíancëxa. Caíncëbë ca Nucën Papa Dios quicësabi oi Abrahamnën xanu tuutancëx Isaac bacë́ancëxa.

1 Pedro 3:4

Usai ꞌima camina mitsux upí sinánñu ꞌaish bëtsibë nishananima upitishi banati ꞌain. Usai ꞌia isquin ca bëtsin sinánti ꞌicën —a xanux ca aín nuitu upí ꞌicë —quixun. Usai upí ꞌiti ax cuni ca uisa ꞌaíshbi cëñutima. Usai ꞌími mitsux upí ꞌicë isi ca Nucën Papa Dios cuëënia.

1 Juan 3:18

ꞌËn bëchicësa ꞌicë, cana mitsu cain, nun cuëbitanshi uni —ꞌën cana mi nuibati —quixun caquinma cananuna asérabi nuibaquin ꞌaquinsa ꞌicë a ꞌaquinti ꞌain.

1 Juan 3:21

ꞌËn nuibacë xucë́antu, nun ñu ꞌatima ꞌacëcama a mëníocë ꞌain cananuna a sinani masá nuitutima Nucën Papa Diosbë banati ꞌain.

1 Juan 3:3

Uicaman cara —asaribi cana ꞌiti ꞌai —quixun sinania, a unicamax ca Jesucristosaribi ꞌiti cupí, aín ꞌuchacama ëni upí ꞌia.

1 Juan 5:3

Axa Nucën Papa Diosmi asérabi sináncë uni, an ca aín bana quicësabi oquin ꞌaia. Ax quicësabi oquin ꞌaisa ca a bana ꞌicën.

Apocalipsis 2:19

Mitsúnmi ñu ꞌacëcama cana ꞌunanin, camina ꞌëmi catamëti bëtsibë nuibanani ꞌëx cuëëncësabi oi ꞌin. Uisai cara ñu ꞌicëbëtanbi camina ꞌëmi sinánti ëncëma ꞌain. ꞌËmi catamëtabaquinmi ꞌacësamaira oquin camina bërí mitsun ꞌëx cuëëncësabi oquin ñu ꞌain.

Apocalipsis 3:10

Mitsun camina uisa ñu cara ꞌicëbëtanbi ꞌëmi catamëanan ꞌën bana quicësabi oquin ꞌati ëncëma ꞌain. Usaími ꞌicë cupí cana anúan unicama paë tani tëmërati nëtëa ucëbëmi tëmëraxma ꞌinun mitsu ꞌimiti ꞌain.