1 Tesalonicenses 1:2 - Kashibo-Kakataibo Biblia

² Mitsúxmi asérabi Nucën ꞌIbu Jesucristomi cushicë ꞌain cananuna camabi nëtën abë banaquin —asábi ca —quixun cain.

Nukën 'Ibu Diosan ain unikama 'inan ain bana

² Mitsúxmi asérabi Nucën 'Ibu Jesucristomi cushicë 'ain cananuna camabi nëtën abë banaquin —asábi ca —quixun cain.

1 Tesalonicenses 1:2 ပူးပေါင်းရင်းမြစ်များ

Romanos 6:17

Mitsux ñunshin ꞌatimanën ꞌapu cuëëncësa oquinshi ꞌacë ꞌiá ꞌaíshbi camina bërí usama ꞌain. Camina a aín unicaman mitsu ꞌunánmicë bana Cristo ñuicë sinánan a bana quicësabi oquin ꞌain. Mitsun ñu ꞌatima ꞌácama ëncë ꞌixun camina Nucën Papa Dios cuëëncësabi oquin ñu upíshi ꞌain. Usaquinmi ꞌaia mitsu ꞌunánquin cana cuëënquin Nucën Papa Dios —asábi ca —quixun cain.

1 Corintios 1:4

Cristo Jesús cupía mitsu nuibaquin ainan ꞌimicë cupí cana camabi nëtën Nucën Papa Dios —asábi ca —cain.

Colosenses 1:3

Mitsu ñucáxuni abë banaquin cananuna nun ꞌacësabi oquin, Nucën ꞌIbu Jesucristonën Papa, ax Nucën Papa Dios ꞌicë, a —asábi ca —quixun cain.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

1 Tesalonicenses 3:9

Mitsu sinani cuëënquin, Nucën Papa Dios —asábi ca —caquin rabiquinbi, cananuna uisaira oquin caranuna rabiquin a cati ꞌai quixun ꞌunaniman.

2 Tesalonicenses 1:3

Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.

Filemón 1:4

Nucën Papa Diosbë banaquin cana camabi nëtë mi sinánquin a mi ñucáxunin. Ñucáxuanan cana, mitsux isamina Nucën ꞌIbu Jesúsmi upiti sinani ami catamëti, aín unicamabë nuibananin quixun ñuicania cuaquin Nucën Papa Dios —asábi ca —caquin a rabin.