1 Tesalonicenses 1:1 - Kashibo-Kakataibo Biblia

¹ ꞌËx Pablo ꞌixun cana Silvano ꞌimainun Timoteobëtan Tesalónica ëmanuaxmi Nucën Papa Dios ꞌimainun Nucën ꞌIbu Jesucristonan ꞌicë, mitsu ënë quirica buánmin. Nucën Papa Dios ꞌimainun Nucën ꞌIbu Jesucristonëan nuibaquin chuámarua ꞌaíshmi bucunun mitsu ꞌaquinti cananuna cuëënin.

Nukën 'Ibu Diosan ain unikama 'inan ain bana

¹ 'Ëx Pablo 'ixun cana Silvano 'imainun Timoteobëtan Tesalónica ëmanuaxmi Nucën Papa Dios 'imainun Nucën 'Ibu Jesucristonan 'icë, mitsu ënë quirica buánmin. Nucën Papa Dios 'imainun Nucën 'Ibu Jesucristonëan nuibaquin chuámarua 'aíshmi bucunun mitsu 'aquinti cananuna cuëënin.

1 Tesalonicenses 1:1 ပူးပေါင်းရင်းမြစ်များ

Hechos 15:22

Usaía Jacobo quia cuaquin ca Jesusan aín bana ñuixunun caíscë unicama ꞌimainun axa Jesucristomi catamëcë unicaman aín cushicamabëtan sináncëxa, Antioquíanua Bernabé ꞌimainun Pablobë cuantánun cananuna rabë́ uni caísti ꞌai quixun. Usaquin sinánxun ca axa Jesucristomi catamëcë uni rabë́, Judas ꞌicëbi Barsabásribi cacë, acëñun Silas caísacëxa.

Hechos 15:27

Usa ꞌain cananuna Judascëñun Silas xutin, Bernabé ꞌimainun Pablobëa cuanun. Xucëxun ca atun ënë quirica quicësabi oquin mitsu ñuixunti ꞌicën.

Hechos 15:40

Cuancëbëtan ca Pablonën Silas abëa cuanun caísacëxa. Caíscë ca axa Jesucristomi catamëcë unicaman —Nucën ꞌIbu Diosan ca nuibaquin bërúanquin mi ꞌaquinia —quixun catancëxun xuacëxa.

Hechos 16:19

Usai ꞌicëbëtan ca aín patróncaman, a xanuan an ꞌacësabi oquin ñu ꞌacëbëtanma ca curíqui bitima ꞌicë quixun sinánquin, Pablocëñun Silas biacëxa. Bibianquin ca anua ꞌapu ꞌicënu buáncëxa.

Hechos 16:25

Usoquian ꞌacëx ca Pablobë Silas imë́ naëx Nucën Papa Diosbë bananan a rabi cantacëxa. Usaría ꞌia ca anua ꞌicë sipuacë uni raírinën cuacëxa.

Hechos 16:29

Cacëxuinshi, anun pëcaxun isti a aín uni ñucáxun bibianx ca bënëtishi abáquiani sipu mëú atsíancëxa. Atsini, bërëqui racuëtan bamai ca Pablo ꞌimainun Silas tanáin rantin purúancëxa.

Hechos 17:11

Atsínxuan bana ñuixuncëbëtan ca anua ꞌicë judíos unicaman, Tesalónica ëmanua ꞌicëcamasamaira ꞌixun, cuëënquin Pablonëan Jesús ñuiquin Nucën Papa Diosan bana ñuixunia cuacëxa. Cuaquin ca asérabi cara Pablonëan ñuixuncë bana ax ꞌicë quixun ꞌunáncasquin camabi nëtën Nucën Papa Diosan bana cuënëo isacëxa.

Hechos 18:5

Usa ꞌain ca Timoteobëa Silas Macedonianuax Corintonu bëban Pablonën bëtsi ñu mëëti ꞌaquinma Jesús ñui quicë banaishi ñuixuancëxa. Ñuixuanan ca judíos unicama, Jesús ax ca asérabi Cristo axa utia atun caíncë a ꞌicë quixun upí oquin ñuixuancëxa.

Hechos 19:22

Usaquin sinánxun ca Pablonën an ꞌaquincë uni rabë́, Timoteo ꞌimainun Erasto, a Macedonia menua cuantánun xuacëxa. Xutancëx ca Asia menua ꞌicë ëma Efeso, anu ꞌëora pain í bërúacëxa.

Hechos 20:4

Cuancëbë ca Berea ëmanu ꞌicë uni, Sópater, a ꞌimainun Tesalónica ëmanu ꞌicë uni rabë́, Aristarco ꞌimainun Segundo, ꞌimainun Derbe ëmanu ꞌicë uni, Gayo, ꞌimainun Asia menu ꞌicë unicama, Timoteo, Tíquico, Trófimo, acamax Pablobë cuancëxa.

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

1 Corintios 1:2

Mitsúxmi Corinto ëmanuax Jesucristomi catamëcë ꞌicë, cana cuënëoxun ënë quirica mitsu buánmin. Mitsux Cristo Jesúsmi catamëcë ꞌaish camina Nucën Papa Diosnan ꞌain. An ca ax cuëëncësabi oíshi ꞌinun mitsu caísacëxa. Camabi menu ꞌicë unicama, an Nucën ꞌIbu Jesucristo aín ꞌuchacama tërë́nxunun quixun ñucácë, a unicama usai ꞌinun caíscësaribi oquin ca Nucën Papa Diosan mitsu caísacëxa. Jesucristo ax ca a unicaman ꞌIbu ꞌianan nun ꞌIburibi ꞌicën.

2 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin ca Jesucristonën ꞌën a ñuiquin aín bana uni ñuixunun ꞌë caísacëxa. An caísa ꞌixun cana Timoteobëtan mitsu quirica buánmin. Axribi Jesúsmi catamëcë ꞌaish ca nun xucën ꞌicën. Mitsúxmi Corinto ëmanu ꞌicë axa Jesucristomi catamëcë unicama ꞌimainun Acaya menu ꞌicëcama axa Jesucristo cupí Nucën Papa Diosan iscëx upí ꞌicë, micama cananuna ënë quirica buánmin.

2 Corintios 1:19

Nucën Papa Diosan Bëchicë Jesucristo, a ꞌëbëtan Silvano ꞌimainun Timoteonën mitsu ñuixuncë, an ca —cana ꞌatima ꞌai —quixun ꞌunánquinbi —cana ꞌati ꞌai —quixun uni cáma ꞌicën. An ca axa quicësabi oquin ꞌaia.

Gálatas 1:2

Ënu ꞌicë axa ami catamëcë unicamabëtan cana Galacia mecamanu ꞌicë ëmacamanuaxmi Jesucristomi catamëcë ꞌicë, ënë quirica mitsu cuënëoxunin.

Gálatas 1:22

Usa ꞌain ca Judea menu ꞌicë ëmacamanu ꞌicë axa Jesucristomi catamëcë unicaman ꞌë ꞌunánma ꞌicën.

Efesios 1:2

Nucën Papa Diosbëtan Nucën ꞌIbu Jesucristonën mitsu nuibaquin ꞌaquincëxmi chuámarua ꞌaish bucucanti cana cuëënin.

Filipenses 1:1

ꞌËx Pablo ꞌixun cana Timoteobëtan mitsu quirica buánmin. Jesucristonën casabi oquin aín bana uni ñuixuncë cananuna nux ꞌain. Micamaxmi Filipos ëmanu ꞌaish Jesucristomi sinania cana mitsun cushicama ꞌimainun an axa Jesucristomi catamëcë unicama ꞌaquincë unicamaribi ënë quirica buánmin.

Colosenses 1:1

ꞌËx cana Pablo, Nucën Papa Dios cuëëncësabi oquin aín bana uni ñuixunun Jesucristonën caísa ꞌain. Usa ꞌixun cana axribi Jesucristomi sináncë ꞌaísha nucën xucë́nsa ꞌain, Timoteobëtan mitsu quirica buánmin.

2 Tesalonicenses 1:1

ꞌËx Pablo ꞌixun cana Silvano ꞌimainun Timoteobëtan, Tesalónica ëmanuaxmi Nucën Papa Dios ꞌimainun Nucën ꞌIbu Jesucristonan ꞌicë, mitsu ënë quirica buánmin.

1 Timoteo 1:2

Timoteo, ꞌën cana ënë quirica mi buánmin. ꞌËx ami sináncësaribi oi mix Jesucristomi sináncë ꞌaish camina ꞌën bëchicësa ꞌain. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibaquin min ꞌuchacama tërë́ncë cupími ainan ꞌaish chuámarua ꞌiti cana cuëënin.

2 Timoteo 1:2

Timoteo, ꞌën bëchicësa ꞌicë nuibaquin cana ënë quirica mi buánmin. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibaquin min ꞌuchacama tërë́ncë cupími ainan ꞌaish chuámashirua ꞌiti cana cuëënin.

Hebreos 13:23

Mitsun camina ꞌunánti ꞌain, nucën xucën, Timoteo, a ca sipuacë ꞌicëbi chiquíncanxa. ꞌItíxa bënëtishi bëbaia cana mitsu isi cuanquin a buánti ꞌain.

1 Pedro 5:12

Nucën xucën Silvano, ax ca ꞌën iscëx upiti Jesucristomi sináncë ꞌicën. Usa ꞌain cana an mitsu buánxunun ënë quirica mitsu ꞌaxuan. Ënë quiricanu ꞌësë́anan cana mitsu cain, an mitsu upí oquin cushionan ꞌaquincë cupí camina asérabi ꞌunánti ꞌain, uisaira oquin cara Nucën Papa Diosan mitsu nuibatia quixun. A ënima camina mixmi ꞌicësabi oi ami upiti catamëti ꞌain.

1 Juan 1:3

Nuxnu asérabi Nucën Papa Dios ꞌimainun aín Bëchicë Jesucristobë upí ꞌicësaribitimi mitsúxribi nubë Jesucristomi upiti sinánun quixun cananuna nun nu isanan cuacë, ënë ñucama mitsu ñuixunin.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.