1 Samuel 9:6 - Kashibo-Kakataibo Biblia

⁶ Kakëxun ka an ñu mëëxunkë uni abëa kuankë an kakëxa: —Ënë ëmanu ka uni achúshi an Dios kikë bana uni ñuixunkë kamabi unían aín bana tankë ꞌikën, usa ꞌain ka ax kikësabi oi ñu ꞌia. Anu kananuna kuanti ꞌain, an sapi ka anun a bari kuanti bai nu ñuixunti ꞌikën.

1 Samuel 9:6 ပူးပေါင်းရင်းမြစ်များ

Génesis 24:42

Usa ꞌain kana bërí ꞌën anua ꞌumpax biti kini anu bëbaxun abë banakin ësokin Nukën ꞌIbu kan, ꞌën ñu mëëxunkë uni Abraham aín Dios: Asérabi kamina ꞌëx ënu uti ꞌë ꞌakian,

2 Samuel 15:27

Ësokinribi ka ꞌapun sacerdote Sadoc kakëxa: —Mi ꞌimainun Abiatar mix kamina upitax min bakë bëchikë rabëbë Jerusalén ëmanu kuanti ꞌain. Kuankin kamina min bakë bëchikë Ahimaas a buánti ꞌain buámainun ka Abiatarnën ꞌain bakë bëchikë Jonatán aribi buánti ꞌikën.

2 Reyes 5:8

Ësaia ꞌapu an buámikë kirika a istánkëx aín chupa tukai kikë ꞌunánkin ka an Dios kikë bana ñuixunkë uni Eliseonën, ësokin ꞌapu katánun kamiakëxa: “¿ꞌËx Eliseo ꞌixun kana ësokin mi kain uisoti kaina min chupa tukan? A unix ka ꞌë isi uti ꞌikën, uxun ka Israel menu ka an Dios kikë bana uni ñuixunkë ꞌikë kixun ꞌunánti ꞌikën.”

2 Reyes 6:6

Kia ka —¿Uinu kara nanë́ax? —Kixun an Dios kikë bana ñuikë uni Eliseonën kakëxa. Usakin ñukatia ka bëtsin ënu ka nanë́axa kixun tanxuankëxa. Tanxunkëxua Eliseonën i pëñan achúshi tëatankëxun anua nanë́kë anubi nikëbë ka manë ruë bakanu nanë́kë ax bëspúti uruakëxa.

Isaías 44:26

ꞌAínbi kana ꞌën unikamaxa usai ka ñu ꞌiti ꞌikë kikësaibia ñu ꞌinun ꞌimin, ꞌimianan kana ꞌën xukë unikaman sinánkësa oia ñu ꞌinun ꞌimin. ꞌËx kana Jerusalén ëmanu ka amiribishi uni tsótëkënti ꞌikë kin, ꞌianan ka Judá ëmanu ꞌikë ëmakama ka amiribishi birutëkënti ꞌikë kiax kin. ꞌËn kana an ñu mëëkë unikaman amiribishi axa ami nishkë unikaman aín kënëkama rurupa a birutëkënun ꞌaminuxun ꞌain.

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Deuteronomio 33:1

Anúan ñuti nëtë ꞌurama ꞌain ka aín uni ꞌiti Diosan kaískë ꞌixun Moisésnën upíokin sinánxunkin Israel unikama

1 Tesalonicenses 2:10

Mitsun camina ꞌunanin, Nucën Papa Diosanribi ca ꞌunania, nux cananuna mitsúxmi Jesucristomi catamëcë ꞌain mitsubë ꞌixun uisa ñu ꞌatimabi ꞌaima upí ꞌia quixun. Usai ꞌia ca uinu ꞌicë unínbi nu ꞌuchocëma ꞌicën.

1 Tesalonicenses 5:13

Atúan upí oquin mitsu ꞌaquincë cupí camina acama nuibaquin, asérabi ca upí uni ꞌicë quixun sinánquin, atun bana cuati ꞌain. Camina bëtsibë bëtsibë nishánanima upí onani chuámashi bucucanti ꞌain.

1 Timoteo 6:11

Uni raírinëan ꞌaisamaira ñuñu ꞌianan curíquiñu ꞌiti cuëëncë cupí ꞌatima ñu ꞌacëbëbi camina mix Nucën Papa Diosmi catamëcë ꞌaish atumi ꞌunánti ꞌain. ꞌUnánquin camina upí sinánñu ꞌixun Nucën Papa Dios cuëëncësabi oquin ꞌanan, ami catamëti unicamabë nishánanima nuibananan, uisa ñu cara ꞌicëbëbi bënëtima ꞌianan, rabitima cuëmëninishi banati ꞌain.

1 Samuel 2:27

A nëtën ka a isi achúshi uni an Dios kikë bana ñuixunkë anu bëbaxun Elí kakëxa: Ësai ka Nukën ꞌIbu kiaxa: mitsun rarakama Egipto menuxun faraón ñu mëëxunkëbë kana ꞌëx asérabi atumi mërakën.

1 Samuel 9:8

Kakëxun ka an ñu mëëxunkë unin kakëxa: —ꞌËx kana manë kuríki chukúma achúshiñura ꞌain. A kananuna an Dios kikë bana uni ñuixunkë uni anun kuanti bai nu isminun katankëxun ꞌinánti ꞌain.