1 Samuel 9:5 - Kashibo-Kakataibo Biblia

⁵ ꞌAima obiani Suf kakë me anuribi kuani bëbakin ka an ñu mëëmikë uni abë kuankë a Saúlnën kakëxa: —ꞌAima ka usa ꞌain kananuna ënushi bërukiani kuantëkënti ꞌain, ꞌën papa sapi ka numi ꞌaisamaira sinania burro xanukamami ꞌikësamaira usa ꞌain kananuna kuantëkënti ꞌain.

1 Samuel 9:5 ပူးပေါင်းရင်းမြစ်များ

Mateo 6:25

Usa ꞌain cana mitsu cain, añu caramina piti ꞌain, añu chupa caramina pañuti ꞌai quixun acama sinani camina masá nuitutima ꞌain. Mitsun pitisamaira camina mitsux ꞌain, mitsun chupasamaira camina mitsux ꞌain, ¿usa cat? An mitsúxmi ënë nëtënu tsoti oquin unio Nucën Papa Dios, ainshi ca a mi piti ñu mitsu ꞌinánan a mi pañuti chuparibi mitsu ꞌinánti ꞌicën.

Mateo 6:28

Usaribi oquin camina añu chupa caramina pañuti ꞌai quixun sinani masá nuitutima ꞌain. Camina isti ꞌain, ro uacama ax ca ñu mëëanan chupa onuxun risi oímabi upíira upí ꞌicën.

Mateo 6:34

Usa ꞌain camina —imë́ishi carana uisai ꞌiti ꞌain, bëtsi nëtë́nribi carana uisai ꞌiti ꞌai —quixun sinani masá nuitutima ꞌain. A nëtë ucëbëtainshi camina isti ꞌain.

Lucas 12:11

Unin mitsu anu judíos unicama timë́ti xubunu ꞌicë unicama ꞌimainun mitsun ꞌapucamami manánuxun buáncëxun camina racuë́quin —uisai carana quiti ꞌai —quixun sinánan —uisa banan carana cati ꞌai —quixun sinántima ꞌain.

Lucas 12:22

Jesusan ca aín ꞌunánmicë unicama ësaquin cacëxa: —Cana mitsu cain, añu caramina piti ꞌain, añu chupa caramina pañuti ꞌai quixun acama sinani camina masá nuitutima ꞌain.

1 Samuel 1:1

Anua Efraínën me aín, bashi ꞌikë Ramá kakë anu ka achúshi uni Suf kakë aín aintsi tsóa ax ka Elcaná kakë ꞌiakëxa. Ax ka Jeroham aín bëchikë ꞌianan Elihú ain xuta ꞌiakëxa. ꞌImainun ka ain xuta itsi Tohu kakë, Sufnën bëchikë ax Efraínën aintsi ꞌiakëxa.

1 Samuel 10:2

Bërí kamina ꞌëbë ënananin usa ꞌain kamina, anu Raquel maían ꞌurama anuax uni rabëbë mërananti ꞌain, ax ka Selsah anua Benjamínën rëbúnkinën me ꞌurama anu ꞌikën. Atun ka ami barikë burro aín xanukama ka mëraxa ka mi kati ꞌikën, usa ꞌain ka burro aín xanukama ami sinanima mitsumira bërí sinania kixun ka mi kati ꞌikën, uisa kara ꞌën bakë bëchikë ꞌiaxa kiax kia.