1 Samuel 9:4 - Kashibo-Kakataibo Biblia

⁴ Usakin kakëx mëníoka kiani ka Saúl Efraínën rëbúnki ꞌain bashi a inubiani kuankin Salisá kakë me ꞌunánkë a inubiankëxa; inubiani kuankinbi ka aín burro xanukama mërama ꞌikën. Mërakinma Saalim kakë me a inubiani kuanxun Benjamínën rëbúnkinën me anuaribi barikinbi ꞌaíma okëxa.

1 Samuel 9:4 ပူးပေါင်းရင်းမြစ်များ

Génesis 33:18

Usa ꞌain ka Jacob Padán-aram anuax ai uisaibi ꞌikëma chuámashirua Canaán menu bëbatankëx Siquem kakë ëma a ꞌukëmanan anu ꞌiti ꞌatankëx anu ꞌiakëxa.

Juan 3:23

Nashimimainun ca Juanënribi sipuacëma pain ꞌixun Enón caquin anëcë ëma, anua ꞌitsa ꞌunpax ꞌain, anuxun uni ricuatsincë nashimiacëxa. Enón cacë ëma ax ca Salim caquin anëcë ëma ꞌurama ꞌiacëxa.

Josué 24:33

Eleazar, Aarónën bakë bëchikë ñukë ꞌikë ka aín aintsikaman aín bakë bëchikënën me anua Efraín unibu ꞌikë, Finees kakë uni aín me anubi maíankëxa.

1 Samuel 1:1

Anua Efraínën me aín, bashi ꞌikë Ramá kakë anu ka achúshi uni Suf kakë aín aintsi tsóa ax ka Elcaná kakë ꞌiakëxa. Ax ka Jeroham aín bëchikë ꞌianan Elihú ain xuta ꞌiakëxa. ꞌImainun ka ain xuta itsi Tohu kakë, Sufnën bëchikë ax Efraínën aintsi ꞌiakëxa.

1 Samuel 9:3

Achúshi nëtën ka Quis kakë uni aín burro xanukama nëtë́akëxa. Nëtë́kë ꞌain ka ain bëchikë Saúl kakëxa: —Mënioka kiani kuanxun kamina nun burro xanukama raíri nëtë́kë a bari kuanti ꞌain. Kuankin kamina an nu ñu mëëxunkë uni achúshi buánti ꞌain.