1 Samuel 9:25 - Kashibo-Kakataibo Biblia

²⁵ Usokin piíkin sënë́obëtsini ka anuax Saúl uakëxa, ukë ka anua ꞌuxti xubu manámi Saúl mëníoxuankëxa,

1 Samuel 9:25 ပူးပေါင်းရင်းမြစ်များ

2 Samuel 11:2

Achúshi nëtën ka aín xubunu tanti baiti David xupinbukëbë chikíax tëkitsi manámia ꞌakë anu kuankëxa, kuantankëx anu nikinbi ka achúshi xanu upíira upí ꞌain pëi machabaiëxanx bërí sënë́anx nashia isakëxa. Istánkëxun ka Davidnën aín uni uinu ꞌikë xanu karaisa ax ꞌikë kixun ñukátanun kixun xuakëxa, xukëx kuanxun ñukábëtsini ukin ka a xukë uni an kakëxa: Ax kaisa Betsabé, Eliam kakë uni aín bëchikë ꞌikën, ꞌimainun kaisa hitita uni Urías aín xanu ꞌikën. Usokin ñuixunkëxun ka Davidnën a isa bëxuntanun kixun aín uni xuakëxa, xukëxua bëan ka Davidtan a imë́ aín xubunuax abë ꞌiakëxa, abë ꞌikiani ka a xanu ꞌain xubunu kuankëxa.

Nehemías 8:16

Tsuákirukiani kuanxun ka i pëi bitsínkin bëxun atun ꞌutabi ꞌutabi ꞌakin xubu manámi ꞌanan me mëníokënu, ꞌanan anuxun Dios rabiti xubunu me mëníokë anun niti anuribi ꞌanan anun ꞌumpax ꞌikënu kuanti xëpúti bëtánain ꞌikë plaza anubi ꞌanan Efraínën plaza kakënu anun atsínti xëpúti a puntë anuribi ꞌakëxa.

Jeremías 19:13

Jerusalénnu ꞌikë xubukama ꞌimainun, Judánu ꞌikë ꞌapun xubukama ꞌimainun xubu maskuan anuxua naínu ꞌikë ꞌispakama ꞌimainua bëtsi dioskama, rabikian uvas baka anpënkaxunkë ꞌaish ka ñu ꞌati ꞌaisama anuxun ꞌakë kakë usaribi ꞌaish Tófetsaribi ꞌiti ꞌikën.”

Mateo 10:27

ꞌËn mitsu imë́ribi cacë banacama camina camabi unían cuanun ñuiti ꞌain. Ñuianan camina mitsun xubunuxun ꞌën mitsu cacëcamaribi camabi unían cuanun ëmánxun ñuiti ꞌain.

Mateo 24:17

Aín xubu ëman ꞌicë unicamaxribi ca abánuxun, aín ñu pain bitsi aín xubunu atsíntëcënima ashiti cuanti ꞌicën.

Lucas 5:19

Sináncëbëbi ca ꞌitsa unia tsitsíruan, anun atsínmiti ꞌaíma ꞌiacëxa. Atsínmicasmaquin ca tapitinën buáruxun xubu manánxun aín tapuacë a bërúaratancëxun anun aín bacë́tinën bëpáquin, anu ꞌicë unicama nëbë́tsi, Jesusan bëmánon nanpácëxa.

Hechos 10:9

Xucëx pëcaraquiani bain cuani Jope ꞌuramaquianmainun ca bari xamárucëbë Nucën Papa Diosbë banai Pedro tapitinën xubu mascuan cata itsi masapan oquin ꞌacë anu ꞌiruacëxa.

1 Samuel 9:26

mëníoxunkëx ka anu Saúl ꞌuxakëxa. ꞌUxnë́tia pë́karakë ka Samuelnën xubu manánua kuënxun Saúl kakëxa: —Kamina mi kuanun mëníokati ꞌain. Kixun kakëx ka Saúl abëa kuankë an ñu mëëxunkë uni a ꞌimainun Samuelbë ëman chikíakëxa chikíkiani ka ëma uri kuankëxa,