1 Samuel 9:2 - Kashibo-Kakataibo Biblia

² ax ka aín bakë bëchikë achúshi bëná uni a iskësabi ꞌikëa Saúl kakin anëkë ꞌiakëxa. Usa ꞌain ka uinu ꞌikë israel uni achúshibi a iskësaribi ꞌianan, ꞌain chaxkë́bëtan sënën ꞌaíma ꞌiakëxa.

1 Samuel 9:2 ပူးပေါင်းရင်းမြစ်များ

Génesis 6:2

usa ꞌain ka Diosan bëchikëkaman unin bëchikë xanukama upíirabu isakëxa. Usa ꞌain ka uinu ꞌikë xanu kara kuëënia abë kuëënani unikamax biranankëxa.

Jeremías 9:23

Ësai ka Nukën ꞌIbu kiaxa: Uixi ka rabiakati an ñu ꞌunairakë anun ꞌëx kana ñu ꞌunánkë ꞌai kiax rabiakatima ꞌikën, ꞌimainun ka kushiira uni axi ꞌëx kana kushiira ꞌai kiax rabiakatima ꞌikën, uix kara ñuñuira ꞌikë axi ka ꞌëx kana ñuñuira ꞌai kiax anun rabiakatima ꞌikën.

Números 13:33

Isanan kananuna Anacnën rëbúnkikamaribi chaiira ꞌaish, nun mapë́skaisamabu ꞌikë isan. Usa ꞌain kananuna nux atu rapasunuax champusara ꞌikë atúnribi nu isaxa.

1 Samuel 10:21

Usakin a maxá bikëbi ka amiribishi Samuelnën a ꞌurama unun Benjamínën, rëbúnkikama kakëxa, kakëx uaxa timë́kë ꞌain ñu rabë́ra ꞌunánti okin kuënëoxun anun tankëxa, tankëxa atumi ki nipakëtia ka Matrínën, rëbúnkikaman biakëxa, anuax ka Saúl, Quisnën bëchikë ami kiribi nipakëakëxa. Nipakëkë barikinbi ka a mërakanma ꞌikën,

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”

1 Samuel 17:4

Anua filisteo suntárukama timë́kë anu ka achúshi uni ꞌakánanti ꞌunáira ꞌiakëxa, ax ka achúshi ꞌimainun rabë́ metro chaxkë́sa ꞌiakëxa. Aín anëx Goliat kakë ꞌiakëxa usa ꞌaish ka Gat kakë ëmanu tsókë uni ꞌiakëxa.

1 Samuel 9:3

Achúshi nëtën ka Quis kakë uni aín burro xanukama nëtë́akëxa. Nëtë́kë ꞌain ka ain bëchikë Saúl kakëxa: —Mënioka kiani kuanxun kamina nun burro xanukama raíri nëtë́kë a bari kuanti ꞌain. Kuankin kamina an nu ñu mëëxunkë uni achúshi buánti ꞌain.