1 Samuel 9:1 - Kashibo-Kakataibo Biblia

¹ Anua Benjamín kakë uni aín rëbúnki tsókë anu ka achúshi uni Quis kakin anëkë ꞌiakëxa, ax ka Abiel kakë uni ꞌain bakë bëchikë ꞌianan Seror kakë aín xutaribi ꞌimainun; ka aín xuta itsi Becorat ax Afíah aín bëchikë ꞌiakëxa. Quis ax ka unin uisakinbi kakëma uni ꞌiakëxa,

1 Samuel 9:1 ပူးပေါင်းရင်းမြစ်များ

2 Samuel 19:32

Ax ka kaniakëkë ꞌaish, ochenta baritia ñu ꞌiakëxa, an ka ꞌapu David Mahanaim, kakë ëma anu tsotia kamabi aín piti ꞌakinkin ꞌinánkëxa, usa ꞌaish ka ax ñu ñuira uni ꞌiakëxa.

Job 1:3

ꞌimainun ka ax siete mil ovejakama ꞌianan tres mil camello, ꞌimainun a ñu mëëmikë vaca bënë rabë́, rabë́ ax quinientas ꞌiakëxa, ꞌimainun ka burro aín xanu kamañuribi ꞌiakëxa. ꞌIanan ka an ñu mëëxunkë unikama ꞌimainun xanukama an ñu ꞌaxunkë kamañuribi ꞌiakëxa. Usa ꞌaish ka ax ñuñuira uni a menu ꞌiakëxa.

Hechos 13:21

Usaía ꞌicëbëa Samuel anu ꞌain ca Israel unicamax ꞌapuñu ꞌiisa tancëxa. Usa ꞌain ca Nucën Papa Diosan Benjaminën rëbúnqui, Cis cacë unin bëchicë, Saúl, a cuarenta baritia ꞌapu ꞌimiacëxa.

1 Samuel 10:23

Usakin kakëx ka raíri unix abákiani anua unë́kë anua Saúl bitsi kuanëakëxa. Kuaxun bitsínkin bëkëxa atu nëbëtsi nirakëtia iskëxbi ka Israel kaman a tupuma ꞌixun atu rapëskakë ꞌikë iskankëxa.

1 Samuel 14:51

Quisnëx, ka ꞌiakëxa, Saúlnën papa ꞌimainun ka Ner ꞌiakëxa, Abnernën papa. Quis ꞌimainun Ner a rabë́ ka ꞌiakëxa, Abielnën bakë bëchikë.