1 Samuel 8:17 - Kashibo-Kakataibo Biblia

¹⁷ Usakin ꞌanan ka min ꞌarakakë ñuinakama mapai rabë́ ꞌikëbi achúshi ainan ꞌinun biti ꞌikën. ꞌImainun kamina mitsunbi atu tëmërakin ñu mëëxunti ꞌain.

1 Samuel 8:17 ပူးပေါင်းရင်းမြစ်များ

1 Reyes 12:4

—Min papan ka nukama ꞌaisamaira ñu mëëkin tëmëranun ꞌimiakëxa; usa ꞌain kananuna minmi nukama ñu mëëmikin chaiira ꞌamikinma chukúmashitani ꞌamikëxun mi ñu mëëxunti ꞌain.

Hebreos 7:2

Usaquin cacëxun ca Abrahamnën an bëcë ñucama mësú Melquisedec ꞌináncëxa. Melquisedec quicë bana ax ca “upí ꞌapu ca ax ꞌicë” qui quicë bana ꞌicën. Melquisedec ax ca Salem cacë menu ꞌicë unibu aín ꞌapu ꞌiacëxa. Salem quicë bana ax ca “bëtsi unibubë ꞌacananima ca chuámarua bucuia” qui quicë bana ꞌicën. Usa ꞌain ca Melquisedec ꞌacánanti sináncëma ꞌapu ꞌiacëxa.

1 Samuel 17:8

Usa ꞌixun ka Goliatnën atu ꞌukëmanan nikianxun munuma banakin israel suntárukama kakëxa: —¿Mitsux kaina nubë ꞌakanankatsikiax ënu rikuatsian? ꞌËx kana filisteo uni achúshi ꞌain mitsux kamina Saúlnën suntárukama ꞌain, usa ꞌixun kamina achúshi uni mitsun kaístankëxun ꞌëbëa ꞌakanani unun xuti ꞌain.

1 Samuel 8:16

Usakin ꞌanan ka mitsun ñu mëmikë unikama ꞌimainun an mi ñu ꞌaxunkë xanukamaribi mi bikuanan, min burro aín upíbu ꞌimainun vaca bënëkamaribi kaískin ainan ꞌinun biti ꞌikën.

1 Samuel 8:18

Usokin mitsúnbi kuëënxun anëkëxun ꞌapu an ꞌatima okin tëmëramikëxun, an ꞌakinun ñukákëxunbi ka Nukën ꞌIbun mitsun bana kuatima ꞌikën.