1 Samuel 8:15 - Kashibo-Kakataibo Biblia

¹⁵ ꞌInánan ka ñu ꞌapáxunmi aín bimi bikë aribi mapai rabë́ okin nankin bikëbi achúshi bixun, aín uni an ñu mëëxunkë a aín suntárunën kushikama a ꞌinánti ꞌikën.

1 Samuel 8:15 ပူးပေါင်းရင်းမြစ်များ

Génesis 37:36

An ñu marukë madianita unikaman ka José marubiankin Egipto kakë menu buánkëxa, buánxun ka suntárunën kushi Potifar kakë a maruakëxa, ax ka Egiptonu ꞌikë ꞌapu aín suntárunën kushi Capitán ꞌiakëxa.

Daniel 1:18

Usa ꞌain ka rabë́ ꞌimainun achúshi baritia ꞌapu kikë a sënë́nkëbëtan, a bëná unikama ꞌapun xubu ꞌikë anu buánkëxa.

Daniel 1:3

usakin ꞌamianan ka an ꞌapun xubu bërúankë unikaman kushi Aspenaz a kakëxa, ꞌapun bakë bëchikëkama ꞌimainun kamina uni ñu ꞌunanbu atun bakë bëchikë,

1 Samuel 8:14

Usakin ꞌanan ka aina ꞌinun me aín upíira kaístankëxun ꞌibuati ꞌikën, ꞌimainun ka ñu ꞌapákëkamaribi aín upíbu kaísun ꞌibuati ꞌikën, ꞌibuanan ka mitsun olivos ꞌimainun uvas ꞌapákë kamaribi biti ꞌikën. Bixun akama ꞌain uni an ñu mëëxunkë aín unikama ꞌinánti ꞌikën.

1 Samuel 8:16

Usakin ꞌanan ka mitsun ñu mëmikë unikama ꞌimainun an mi ñu ꞌaxunkë xanukamaribi mi bikuanan, min burro aín upíbu ꞌimainun vaca bënëkamaribi kaískin ainan ꞌinun biti ꞌikën.