1 Samuel 7:7 - Kashibo-Kakataibo Biblia

⁷ Usai ꞌia israel unikama Mispá kakë ëmanu timëkankë ka filisteo ꞌapukaman kuakëxa, kuabiani ka atu ꞌatëkënkatsi kiax aín suntárukama buani rikiankëxa. Usai rikiania kuati ka israel unikama ꞌitsaira atumi rakuë́akëxa,

1 Samuel 7:7 ပူးပေါင်းရင်းမြစ်များ

Éxodo 14:10

Atu nukui kuania faraón ꞌimainun egipcio suntárukama ꞌaisamaira kiania ꞌurakëo isi ka Israel unibu ratuti ꞌitsaira rakuë́akëxa, rakuëkin ka munuma banakin Nukën ꞌIbu atu ꞌakinun kixun ñukákankëxa.

1 Samuel 13:6

Usa ꞌain ka Israelnën suntárukama ꞌaisamaira filisteo suntáru ꞌain, atun ꞌatimi rakuë́ti abátankëx aín bashi kininu unëmainun me nankë́kënu ꞌianan bëtsi bëtsi maparanu ꞌimainun bëtsi bëtsi xëxanu ꞌikë me rënankëkënu ꞌimainun me kininuribi unëkankëxa.

1 Samuel 17:11

Usai kia ka Saúl ꞌimainun aín suntárukaman filisteo uni aín bana küakëxa, kuati ka kananuna atubë ꞌakanantima ꞌai kiax atumi ꞌitsaira rakuëkankëxa.