1 Samuel 7:6 - Kashibo-Kakataibo Biblia

⁶ Usakin kamikëx ka israel unibu Mispá kakë ëmanu timë́kankëxa, anuxun ka raíri unikaman ꞌumpax bitankëxun a ꞌinaishikësa ꞌitánun menu ampë́nkakëxa. Usakin ꞌakë ax ka Nukën ꞌIbu ꞌinaishiti nankë ñu ꞌiakëxa. Usakin ꞌatankëxun ka a nëtën unikama añu ñubi pima samákin atun ꞌuchakëkama Nukën ꞌIbu chikinaxunkankëxa. Anuxun ka Samuelnën Mispá kakë ëmanuxun Israel unikama aín ꞌapu ꞌixun atu ꞌakinkin pëuakëxa.

1 Samuel 7:6 ပူးပေါင်းရင်းမြစ်များ

Génesis 31:49

anëanan ka Mispá kakinribi anëakëxa, anuax ka Labán kiakëxa: —Usa ꞌain ka Nukën ꞌIbun nu rabë́ bëtsibë istëkënananiamabi bërúanti ꞌikën.

1 Reyes 8:47

anua buankankë me anuax tëmërakin mimi sinanakin ꞌakinun kixun mi ꞌaisama ñu ꞌai kananuna ami ꞌucha kixun ñukákin kakëxun kamina,

Nehemías 9:27

Usakin ꞌaia kamina axa ami nishkë unikama tëmëraminun ꞌinánkën. Usakin ꞌakian tëmëramikëxun tankin ka atun min ꞌakinun kixun mi ñukákëxa, ñukákëxun nuibakin kamina naínuxunbi atun bana kuakin; an ꞌatimokë unikamanua an chikínti unikama bariakën.

Job 3:24

ꞌIanan kana ꞌën pitimibi sinanima ꞌëx masá nuituti inin; usai ꞌikana ñu xëaima ꞌëx tëmërai bënëtin.

Job 42:6

Usa ꞌain kana ꞌëx kikë banakama a sinani rabinin, chimapu kupúkënu tsóxun kana usai kiaxma ꞌinúma kana kia kixun sinan.

Salmos 119:136

Unin min banakama kikësokin ꞌaiama isi, ꞌitsaira anun masá nuitukëbë ka ꞌën bëunkë ax ꞌumpax ꞌikësaira ꞌinun ꞌibuaxa.

Salmos 42:3

Nëtë ꞌimainun imë́bi kana ꞌën piti pikësa ꞌinun tëmërai bëunan mëskúkin ëniman, usai ꞌia ka kamabi nëtën unikaman ꞌëmi kuaikin ꞌë ñukatia: “¿Uinu kara min Dios ax ꞌik?”

Jeremías 31:19

ꞌËx kana mi rabiti ëanx mix kikësokin ꞌaíma mi ꞌura ꞌikësa ꞌian, ꞌaínbi kana ꞌën ñu ꞌakëkama ëni mimi sinántëkëan; usai ꞌikin kana ꞌën ꞌakë ꞌuchakama a mi ñuixua, usai ꞌi kana ꞌën kisinu kítimëti ꞌian; usai ꞌi kana katë́kësa ꞌianan ñuumasara tan, ꞌën bëná ꞌixun ꞌá ꞌuchakama sinani kana usai ꞌian.

Jeremías 36:9

ꞌApu Joaquím Josíasnën bakë bëchikë axa mapai achúshi baritia Judá menu ꞌapu ꞌikë ꞌaían nueve ꞌuxë ꞌirukë anun ka Jerusalénnu tsókë ꞌimainun Judá menu ꞌikë ëmakanuaxa Jerusalénnu ukë akamax ka samákin pikëmëti Nukën ꞌIbu kuëëntanun ꞌai anu ꞌikankëxa.

Oseas 5:1

Sacerdotekama mitsun kamina ënë bana kuati ꞌain; ꞌimainun ka Israel kamanribi bëmë́kin kuati ꞌikën; ꞌimainun ka ꞌapun aintsikama upíokin kuati ꞌikën: ꞌËn kana mitsu tëmëramiti ꞌain, mitsun kamina ami ñu ꞌiti nankë usa ꞌixun Mispá anuxun unikama ꞌuchamiakën, ꞌanan kamina achúshi rika sarakaxun satëonkin tëkërëkakësa ꞌixun aín bashi Tabor anuxun ꞌakën,

Joel 2:12

“ꞌAinbi ka —bërí asérabi Nukën ꞌIbu ësai kiaxa—, amiribishi kamina mitsun nuitunënbi ꞌëmi asérabi sinanakanti ꞌain. ¡Usai ꞌi kamina añubi piima ꞌianan munuma kuënkëni bënëti inkanti ꞌain!”

Levítico 16:29

Ënëx ka achúshi bana ax kikësabi oi mitsux ꞌiti bana ꞌiti ꞌikën: mapai achúshi ꞌimainun rabë́ ꞌuxë ꞌirukë anúan mapai rabë́ sënë́nkë nëtë anun kamina mitsux ñu pima samáti ꞌain, ꞌimainun kamina mitsun ñu mëtikamaribi a nëtën ꞌatima ꞌain, usakin mitsun ꞌakëbëtan ka axa mitsubë tsókë bëtsi menu ꞌikë unikaman usaribi okin ꞌati ꞌikë,

Lucas 15:18

Usa ꞌain cana ꞌën papanu cuanti ꞌain. Cuanx bëbaquin cana ësaquin cati ꞌain: Papan, cana Nucën Papa Diosmi ꞌuchanan mimiribi ꞌuchan.

Jueces 2:4

Ësokin atu katankëxa Nukën ꞌIbun ángel sënë́nkëbëishi ka kamabi Israel unikama munuma sharati ini tsuákiruakëxa.

1 Samuel 1:15

Kakëxunbi ka Anan kakëxa: —Usama ka ꞌën kana uvas baka paëokë ꞌanan uisa ñubi paë ꞌitánun ꞌakëbi xëakëma ꞌain, ꞌaínbi kana ꞌitsaira masá nuituti paëanan Nukën ꞌIbun ismainunbi tëmërain.

1 Samuel 10:17

Usakin kakë ꞌixun ka Samuelnën israel unibu abëtan Nukën ꞌIbu Mispá kakë ëmanuxun rabi unun kixun kamiakëxa;

1 Samuel 12:10

Usokian ꞌakëx ka atúxbi sinanati Nukën ꞌIbumi ꞌuchakin kananuna ami manutankëxun bëtsi unikaman rabikë Baal ꞌimainun Astarté tankin ꞌakë atun dios a rabi ꞌucha kixun ñukákin, axa numi nishkë unikaman mëkënua kamina, mi rabikin añu ꞌanun kaina nu kai ashi mi ꞌaxúnun chikínti ꞌai kixun kakëxa.

1 Samuel 7:15

Samuel an ka Israel kama atun ꞌapu ꞌixun aín ñuti nëtë ꞌitámainun ꞌakiankëxa,