1 Samuel 7:5 - Kashibo-Kakataibo Biblia

⁵ Usokin ꞌatankëxun ka Samuelnën, an timë́kanun kixun kati uni xuakëxa: “Xukëxun kakëx uax Mispá kakë ëmanu timë́kankëxa, anuxun ka Nukën ꞌIbu ꞌakinun ñukáxuankëxa.”

1 Samuel 7:5 ပူးပေါင်းရင်းမြစ်များ

Génesis 20:7

ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Génesis 31:49

anëanan ka Mispá kakinribi anëakëxa, anuax ka Labán kiakëxa: —Usa ꞌain ka Nukën ꞌIbun nu rabë́ bëtsibë istëkënananiamabi bërúanti ꞌikën.

2 Reyes 25:23

Anëkë kuabiani ka suntárunën kushikama Judá menua Babilonia suntárukaman ñatankëma akamax Mispá kakë ëma anu Guedalías ꞌapu anëkë kuabiani abë banai kuankëxa. Aín kushikama ax ka ꞌiakëxa, Ismael, Netanías kakë uni aín bakë bëchikë; Johanán, Caréah kakë uni aín bakë bëchikë; Seraías, Tanhúmet ꞌain bakë bëchikë ax ka Netofá kakë ëma anu tsókë uni ꞌiakëxa ꞌimainun ka Jaazanías ax achúshi uni Maacá kakë ëma anu tsókë uni aín bakë bëchikë ꞌiakëxa. Akamax ka ain suntárukamabë kuankëxa.

Nehemías 9:1

A ꞌuxënbia veinticuatro nëtë ꞌikëbë ka anun Israel unikamax añu ñubi pima samanux timë́tëkënkankëxa; usai ꞌikin chupa xënikama pañuanan me bitankëx atun maxkánu anun matakakiakëxa;

Oseas 5:1

Sacerdotekama mitsun kamina ënë bana kuati ꞌain; ꞌimainun ka Israel kamanribi bëmë́kin kuati ꞌikën; ꞌimainun ka ꞌapun aintsikama upíokin kuati ꞌikën: ꞌËn kana mitsu tëmëramiti ꞌain, mitsun kamina ami ñu ꞌiti nankë usa ꞌixun Mispá anuxun unikama ꞌuchamiakën, ꞌanan kamina achúshi rika sarakaxun satëonkin tëkërëkakësa ꞌixun aín bashi Tabor anuxun ꞌakën,

Joel 2:16

sacerdotekama mitsun kamina Diosan kaisa unikama timëtankëxun mëníokanun kati ꞌain; kanan kamina uni kaniakëkëkama ꞌimainun tuákama bërí kanikë ꞌianan, tuá aín titan xuma ënkëma akamabi timëti ꞌain. ¡Usai ꞌimainun ka bëría xanu bikëkama axribi anua ꞌuxkë anuax unikamabë timë́ti chikínkanti ꞌikën!

1 Samuel 10:17

Usakin kakë ꞌixun ka Samuelnën israel unibu abëtan Nukën ꞌIbu Mispá kakë ëmanuxun rabi unun kixun kamiakëxa;

1 Samuel 12:17

Mitsúnbi kamina ꞌunan bërí ka anun trigo bimi biti ꞌuxë ꞌikën, ꞌaínbi ka ꞌuñe ꞌibutíma, ¿asérabi kara usa ꞌik? Usa ꞌaínbi ka ꞌën ñukákëxun Nukën ꞌIbun ka kaná banamianan uñeribi ꞌibúnun ꞌimiti ꞌikën, usokin ꞌakëbëtan kamina mitsun sinanakin ꞌunánti ꞌain, nun kananuna Nukën ꞌIbu kuëënkëma ñu ꞌakin achúshi ꞌapu nu ꞌinánun ñukákën kixun.”

1 Samuel 12:23

ꞌËn kana mitsu Nukën ꞌIbu ñukaxunkin ëntima ꞌain, mitsu ñukáxunima kana ami ꞌuchakë ꞌiti ꞌain. ꞌIanan kana uisai kaina mitsux an kuëënkësabi ꞌoíshi tsóti ꞌain akama ꞌunánmiti ꞌain.

1 Samuel 7:12

Usakin ꞌan ka Samuelnën achúshi mapara chaiira bixun Mispá kakë ëmabëa Sen kakë me sënënakëkë anu nitsíankëxa, nitsintankëxun ka Eben-ézer kakin anëakëxa anëi ka ësai kiakëxa: “Bërí ka ënuxun Nukën ꞌIbun nukama ꞌakianxa kiax kiakëxa.”

1 Samuel 7:16

usa ꞌaish ka baritia tibi Betel ëmanu kuanan, Guilgal ꞌimainun Mispá kakë ëma anuribi kuankin uisai kara Israel kama ꞌia isanan atux anua tsókë ëmakamanu kuankin bana ñuixuni niakëxa.

1 Samuel 7:4

Usakia kakëxun ka israel unikaman atunbia Baal ꞌimainun Astarté tankin ꞌakëa rabikë ñukama a putankëxun Nukën ꞌIbu ishi rabitëkënkankëxa.

1 Samuel 8:6

ꞌAínbi ka Samuelnën atun ꞌapu achúshi anëxunun kixun kakëxunbi atu kuëënxuama ꞌikën, kuëënkinma ka abë banakin Nukën ꞌIbu kakëxa. Israel kamax ka atun ꞌapu achúshiñu ꞌisatania kixun kakëxa;