1 Samuel 7:16 - Kashibo-Kakataibo Biblia

¹⁶ usa ꞌaish ka baritia tibi Betel ëmanu kuanan, Guilgal ꞌimainun Mispá kakë ëma anuribi kuankin uisai kara Israel kama ꞌia isanan atux anua tsókë ëmakamanu kuankin bana ñuixuni niakëxa.

1 Samuel 7:16 ပူးပေါင်းရင်းမြစ်များ

Génesis 28:19

A menu ka bëráma achúshi ëma Luz kakin anëkë ꞌiakëxa, usa ꞌikëbi ka Jacobnën aín anë bëtsiokin anëkin Betel kakin anëakëxa. Betel kikë bana ax ka Diosan xubu ki kikë bana ꞌikën.

Génesis 35:6

Usai ka Jacob ꞌimainun abëa kuankë unikamax achúshi ëma Luz kakë ꞌikëbi Betel kakinribi anëkë anu bëbakëxa, ax ka Canaán kakë me anu ꞌiakëxa.

Oseas 5:1

Sacerdotekama mitsun kamina ënë bana kuati ꞌain; ꞌimainun ka Israel kamanribi bëmë́kin kuati ꞌikën; ꞌimainun ka ꞌapun aintsikama upíokin kuati ꞌikën: ꞌËn kana mitsu tëmëramiti ꞌain, mitsun kamina ami ñu ꞌiti nankë usa ꞌixun Mispá anuxun unikama ꞌuchamiakën, ꞌanan kamina achúshi rika sarakaxun satëonkin tëkërëkakësa ꞌixun aín bashi Tabor anuxun ꞌakën,

Amós 5:5

Betel kakë anu kuanxma ꞌianan kamina, Guilgal kakë anu ꞌikë anuribi kuankantima ꞌain usai ꞌi kamina Beerseba anu ꞌikë anunribi inútima ꞌain, Guilgalnu ꞌikë unikama ka ñatanbiankin uankë ꞌiti ꞌikën, ꞌimainun ka Betel ax uniñuma ñankáishi bërúti ꞌikën.”

Josué 5:10

Usa ꞌain ka Guilgal kakë anu pain israel unikama ꞌiakëxa, mapai rabë́ ꞌimainun rabë́ ꞌimainun rabë́ nëtë a xupibukëbëtan ka anua ꞌikankë Jericó ꞌuramanuxun Pascua nëtë inúkin fiesta ꞌakankëxa.

Josué 5:9

Anuxun ka Nukën ꞌIbun Josué kakëxa: ꞌËsokin aín nëtokë ñu rëbu aín maxaka tëakë ënën ka egipcio unibunën aín menuxun ñu mëia tëmëra a sinani katë́kë a ëmiti ꞌikën. Usakin anuxun ꞌaxun Guilgal kakin anëa ꞌaish ka a me usakinbi anëkë ꞌikën.

Jueces 5:10

Mitsux kamina kiti ꞌain, uni ñuñu axa burro aín xanu uxuanën kaxunu tsókë ꞌimainun ñuñuma uni axa nishikë kamaxribi ka kiti ꞌikën:

1 Samuel 10:17

Usakin kakë ꞌixun ka Samuelnën israel unibu abëtan Nukën ꞌIbu Mispá kakë ëmanuxun rabi unun kixun kamiakëxa;

1 Samuel 11:14

Kakëbëtan ka Samuelnën kamabi unikama kakëxa: —Guilgalnu kananuna Saúl ꞌitabatia ꞌapu ꞌinun atsinmi kuanti aín.

1 Samuel 7:5

Usokin ꞌatankëxun ka Samuelnën, an timë́kanun kixun kati uni xuakëxa: “Xukëxun kakëx uax Mispá kakë ëmanu timë́kankëxa, anuxun ka Nukën ꞌIbu ꞌakinun ñukáxuankëxa.”