1 Samuel 7:14 - Kashibo-Kakataibo Biblia

¹⁴ Usakin ka filisteo unikaman ꞌibua ꞌikëbi israel suntárukaman atubë ꞌakanankin ꞌatankëxun, Ecrón anuxunbi Gat kakë ëma anu sënë́nbi bitëkëánkëxa, biax ka a menu Israel kama tsótëkëankëxa. Usakin atu ꞌaxun ka israel unikaman amiribishi filisteo unikaman bia ꞌikëbi atun me bitëkëánkëxa, bitankëx ka israel unikama Amorreo unikamabë nishananima upitax tsóakëxa.

1 Samuel 7:14 ပူးပေါင်းရင်းမြစ်များ

Números 13:29

Négueb kakë me sënënakëkë anu ka amalecita unibu tsótia, ꞌimainun ka ain bashi niñu me anu hitita, jebuseo ꞌimainun amorreo, unibu tsómainun ka parúmpapa kuëbí Jordán kakë anu cananeo uniburibi tsótia.

Deuteronomio 7:16

Usa ꞌain kamina mitsun bëtsi menu ꞌikë unikama Diosan ꞌanun ꞌamikëxun ꞌakin; nuibakinma këñuanan atún diosmabi rabikë a rabitima ꞌain, usakin ꞌakin a rabi kamina mitsúxbi këñuti ꞌain.

Deuteronomio 7:2

Uinsaran kara Diosan a ëmakama mitsubëa ꞌakananun ꞌimia, anun abë ꞌakanankin ꞌatankëxun kamina atu nuibakin atubëtan añu ñubi ꞌati sinántëkëntima ꞌain.

Josué 10:5

Kamikëx ka mapai achúshi amorreo ꞌapukama abë Jerusalénnu ꞌikë ax biranankëxa, atux ka Hebrón Jarmut, Laquis ꞌimainun Eglón akamax timëkiani atun suntárubë Gabaónnu ꞌikëkama ꞌakatsikiax kuankëxa.

Jueces 4:17

Jabín kakë ꞌapu Hasor ëmanu ꞌikë ax ka Héber quenita aín aintsikamabë upí ꞌiakëxa, usa ꞌain ka Sísara ax abati kuanx Hébernën xanu Jael kakë aín xubunu bëbakëxa,